ການພົບປະເພື່ອແນໃສ່ປຶກສາຫາລືກ່ຽວກັບການສະໜັບສະໜູນຂອງ ອາເມລິກາ ທີ່ມີຕໍ່ ຢູແກຼນ ໃນການປະທະກັນ ກັບ ລັດເຊຍ. ສອງຝ່າຍໄດ້ແລກປ່ຽນກ່ຽວກັບສະພາບການຕົວຈິງ ແລະ ຄວາມມານະພະຍາຍາມຂອງ ອາເມລິກາ ເພື່ອແນໃສ່ສະໜອງບັນດາອຸປະກອນທີ່ຈຳເປັນໃຫ້ແກ່ ຢູແກຼນ. ທີ່ການພົບປະ, ທ່ານປະທານາທິບໍດີ Joe Biden ໄດ້ປະກາດບ້ວງເງິນໜູນຊ່ວຍດ້ານຄວາມໝັ້ນຄົງໃໝ່ໃຫ້ແກ່ ຢູແກູນ ລວມມີລະບົບລູກສອນໄຟປ້ອງກັນອາກາດ Patriot, ລູກສອນໄຟຕີສະກັດກັ້ນ ແລະ ລູກປືນໃຫຍ່. ນີ້ແມ່ນບ້ວງເງິນໜູນຊ່ວຍຄັ້ງທີ 8 ຂອງ ອາເມລິກາ ສະຫງວນໃຫ້ແກ່ ຢູແກຼນ ນັບແຕ່ເມື່ອທ່ານປະທານາທິບໍດີ Joe Biden ເຊັນອະນຸມັດຜ່ານແຜນງົບປະມານເພີ່ມເຕີມໃຫ້ແກ່ຄວາມໝັ້ນຄົງແຫ່ງຊາດ.
ສອງຝ່າຍກໍໄດ້ປຶກສາຫາລືບັນດາໝາກຜົນທີ່ລະອຽດໃຫ້ແກ່ ຢູແກຼນ ໃນກອງປະຊຸມສຸດຍອດ NATO, ລວມມີບັນດາແຈ້ງການກ່ຽວກັບເຮືອບິນສູ້ຮົບ F-16 ແລະ ຄໍາໝັ້ນສັນຍາຮ່ວມຂອງຫຼາຍກວ່າ 20 ປະເທດ ເພື່ອແນໃສ່ໜູນຊ່ວຍ ຢູແກຼນ ໃນປັດຈຸບັນ ແລະ ຍາວນານ. ສອງຝ່າຍກໍໃຫ້ຄຳໝັ້ນສັນຍາບຸລິມະສິດບັນດາຄວາມມານະພະຍາຍາມຟື້ນຟູ ແລະ ປັບປຸງພື້ນຖານໂຄງລ່າງພະລັງງານຂອງ ຢູແກຼນ ຕໍ່ບັນດາບັ້ນບຸກໂຈມຕີຂອງ ລັດເຊຍ.
