ຂ່າວສານ

ປະທານສະພາແຫ່ງຊາດ ຫວຽດນາມ ຈະເຂົ້າຮ່ວມກອງປະຊຸມສະມັດຊາໃຫຍ່ IPU 150, ຢ້ຽມຢາມ ຢູເບກິດສະຖານ ແລະ ອາກເມນີ ຢ່າງເປັນທາງການ

30/03/2025

ແຕ່ວັນທີ 02 – 08 ເມສາ, ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ ຈະຕ່າງໜ້າການນຳພັກ, ລັດ ຫວຽດນາມ, ແລະ ພັນລະຍາ ຈະເຂົ້າຮ່ວມ ກອງປະຊຸມ IPU - 150

ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ (ພາບ: TTXVN)

ວັນທີ 28 ມີນາ, ກະຊວງການຕ່າງປະເທດ ຫວຽດນາມ ໄດ້ອອກແຈ້ງການໂດຍໃຫ້ຮູ້ວ່າ, ແຕ່ວັນທີ 02 – 08 ເມສາ, ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ ຈະຕ່າງໜ້າການນຳພັກ, ລັດ ຫວຽດນາມ, ແລະ ພັນລະຍາ ຈະເຂົ້າຮ່ວມ ກອງປະຊຸມສະມັດຊາໃຫຍ່ສະຫະພັນລັດຖະສະພາໂລກ (IPU - 150), ຢ້ຽມຢາມ ຢູເບກິດສະຖານ ແລະ ອາກເມນີ ຢ່າງເປັນທາງການ.

ການຢ້ຽມຢາມໄດ້ປະຕິດຕາມຄຳເຊີນຂອງທ່ານ Tulia Ackson, ປະທານ IPU ແລະ ທ່ານ Martin Chungong, ເລຂາທິການໃຫຍ່ IPU; ທ່ານ Tanzila Narbaeva, ປະທານສະພາສູງ ຢູເບກິດສະຖານ ແລະ ທ່ານ Alen Simonyan, ປະທານສະພາແຫ່ງຊາດ ອາກເມນີ.

(ແຫຼ່ງຄັດຈາກ VOV)

ປະທານປະເທດ ເລືອງເກື່ອງ ເປັນປະທານພິທີຕ້ອນຮັບທາງລັດຖະກິດກະສັດລາຊະອານາຈັກ ແບນຊິກ

02/04/2025
ຂ່າວສານ

ໂດຍໄດ້ຮັບຄຳເຊີນຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ພັນລະຍາ, ກະສັດລາຊະອານາຈັກ ແບນຊິກ Philippe ແລະ ພະມະເຫສີ Mathilde ໄດ້ໄດ້ເດີນທາງມາຮອດນະຄອນຫຼວງ ຮ່າໂນ້ຍ, ເລີ່ມຕົ້ນການຢ້ຽມຢາມທາງລັດຖະກິດຢູ່ ຫວຽດນາມ ແຕ່ວັນທີ 31 ມີນາ ຫາວັນທີ 04 ເມສາ. ຕອນເຊົ້າວັນທີ 01 ເມສາ, ຢູ່ທໍານຽບປະທານປະເທດ, ທ່ານປະທານປະເທດ ຫວຽດນາມ ເລືອງເກື່ອງ ແລະ ພັນລະຍາ ໄດ້ເປັນປະທານພິທີຕ້ອນຮັບກະສັດ Philippe ແລະ ພະມະຫາເຫສີ Mathilde.