ທ່ານເອກອັກຄະລັດຖະທູດຫວຽດນາມ ປະຈຳສ.ເກົາຫຼີ ຫງວຽນຫວູຕູ໊
(ພາບ: TTXVN)
ໃນລະຫວ່າງວັນທີ 11 – 12 ມັງກອນ, ສະຖານທູດຫວຽດນາມ ປະຈຳສ.ເກົາຫຼີ, ອິນໂດເນເຊຍ, ອາກຊັງຕິນ, ສິງກະໂປ, ອັງກິດ… ໄດ້ຈັດການຕ້ອນຮັບບຸນເຕັດປີຊວດ 2020 ດ້ວຍການເຂົ້າຮ່ວມຂອງພໍ່ແມ່ປະຊາຊົນຊາວຫວຽດນາມ, ພ້ອມກັບບັນດາອົງການຕາງໜ້າ ແລະ ຄອບຄົວ, ຊາວຫວຽດນາມ ທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນໃນທົ່ວທຸກແຫ່ງຂອງປະເທດປະຈຳຖິ່ນ.
ຢູ່ເຊີອູນ, ປະເທດສ.ເກົາຫຼີ, ໃນບົດກ່າວປາໄສໄຂພິທີ, ທ່ານເອກອັກຄະລັດຖະທູດຫວຽດນາມ ປະຈຳສ.ເກົາຫຼີ ຫງວຽນຫວູຕູ໊, ປາດຖະໜາວ່າ, ບັນດາໝູ່ຄະນະ, ອົງການຈັດຕັ້ງຂອງຊາວຫວຽດນາມ ຢູ່ສ.ເກົາຫຼີ ຈະມານະພະຍາຍາມກວ່າອີກເພື່ອພ້ອມກັບສະຖານທູດ ປະກອບສ່ວນເຂົ້າໃນເປົ້າໝາຍລວມຂອງການພັດທະນາການພົວພັນຮ່ວມມືມິດຕະພາບລະຫວ່າງຫວຽດນາມ - ສ.ເກົາຫຼີ ໃຫ້ຂຶ້ນສູ່ລະດັບສູງໃໝ່.
ຢູ່ຈາກາຕາ, ປະເທດອິນໂດເນເຊຍ, ທ່ານເອກອັກຄະລັດຖະທູດຫວຽດນາມ ປະຈຳອິນໂດເນເຊຍ ຟ້າມວິງກວາງ ຢືນຢັນວ່າ, ການພົວພັນລະຫວ່າງຫວຽດນາມ - ອິນໂດເນເຊຍ ຈະມີບາດກ້າວພັດທະນາຢ່າງແຮງກວ່າໃນປີ 2020 ເມື່ອທັງ 2 ປະເທດລ້ວນແຕ່ແມ່ນກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ, ຫວຽດນາມ ຮັບດຳລົງຕຳແໜ່ງເປັນປະທານອາຊຽນ, 2 ປະເທດຈະຈັດພິທີສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດ.
ຢູ່ອາກຊັງຕິນ, ທ່ານເອກອັກຄະລັດຖະທູດຫວຽດນາມ ປະຈະອາກຊັງຕິນ ດັ້ງຊວນຢຸງ ປາດຖະໜາວ່າ, ພໍ່ແມ່ປະຊາຊົນຊາວຫວຽດນາມ ສືບຕໍ່ຮັກສາສີສັນຊາດ ແລະ ຄວາມສະໜິດຕິດພັນກັບບ້ານເກີດເມືອງນອນ, ປະເທດຊາດກວ່າອີກ ແລະ ສ້າງປະຊາຄົມຊາວຫວຽດນາມ ສາມັກຄີ, ເຂັ້ມແຂງຢູ່ອາກຊັງຕິນ, ປະກອບສ່ວນເປັນຂົວເຊື່ອມຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ,
ແລະກໍ່ໃນໂອກາດນີ້, ຢູ່ປະເທດສ.ເຊັກໂກ, ຈີນ, ສິງກະໂປ, ອັງກິດ, ໂອຕາລິດ ແລະ ອິດສະຣາແອນ ກໍ່ໄດ້ຈັດບຸນປີໃໝ່ປະຊາຄົມ ຕ້ອນຮັບບຸນເຕັດປີຊວດ 2020 ເຊັ່ນດຽວກັນ.
(ແຫຼ່ງຄັດຈາກ VOV)
