(ພາບປະກອບ: chinhphu.vn)

ໂດຍຕອບສະໜອງເດືອນກະທຳ ເພື່ອເດັກ ປີ 2021 ດ້ວຍຫົວຂໍ້ “ຮ່ວມແຮງຮ່ວມໃຈຮັບປະກັນການປະຕິບັດສິດທິເດັກ, ປົກປ້ອງເດັກໃນໄລຍະເກີດໄພທຳມະຊາດ ແລະ ໂລກລະບາດ”, ພະແນກແຮງງານ, ທະຫານເສຍອົງຄະ ແລະ ສັງຄົມ ຢູ່ 63 ແຂວງ, ນະຄອນ ສັງກົດສູນກາງ ໄດ້ເພີ່ມທະວີບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ໃຫ້ແກ່ ເດັກ, ຮັບປະກັນຄວາມປອດໄພໃຫ້ແກ່ເດັກໃນໄລຍະເກີດໂລກລະບາດ. ຕາມນັ້ນແລ້ວ, ພະແນກແຮງານ, ທະຫານເສຍອົງຄະ ແລະ ສັງຄົມ ຂອງແຕ່ລະແຂວງ ໄດ້ອັບເດດຈຳນວນ, ເຮັດບັນຊີລາຍຊື່ ແລະ ຄວາມຕ້ອງການຂອງເດັກຢູ່ເຂດປະຕິບັດການແຍກຫ່າງສັງຄົມ, ບັນດາຮາກຖານປະຕິບັດການແຍກຕົວລວມໝູ່ ເພື່ອໃຫ້ການໜູນຊ່ວຍດ້ານໂພສະນາການ, ເຄື່ອງໃຊ້ສອຍທີ່ຈຳເປັນ, ຢຸກຢາ ແລະ ບັນດາວັດຖຸອຸປະກອນການແພດ. ກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໄດ້ຕົກລົງໃຫ້ການໜູນຊ່ວຍຄ່າກິນສຳລັບເດັກໆທີ່ພວມປິ່ນປົວ ຫຼື ປະຕິບັດການແຍກຕົວຢູ່ຮາກຖານຕ່າງໆ ໃນໄລຍະເວລາແຕ່ວັນທີ 27 ເມສາ ຫາວັນທີ 31 ທັນວາ 2021.

        ໃນເດືອນກະທຳເພື່ອເດັກນີ້, ສະພາເຍົາວະຊົນສູນກາງ ກໍໄດ້ສົມທົບກັບບັນດາຫົວໜ່ວຍ, ຜູ້ໃຈບຸນໃຈກຸສົນ ໄປຢ້ຽມຢາມ, ມອບຂອງຂວັນ, ລະດົມກຳລັງໃຈ ແລະ ແບ່ງເບົ່າຄວາມຫຍຸ້ງຍາກກັບພວກຫຼານເຍົາວະຊົນ, ອະນຸຊົນ ທີ່ພວມປະຕິບັດການແຍກຕົວລວມໝູ່, ເດັກທີ່ປະສົບກັບຄວາມຫຍຸ້ງຍາກ ແລະ ລູກນ້ອງຂອງບັນດາກຳມະກອນ, ແພດໝໍ, ກຳລັງປະກອບອາວຸດ ທີ່ພວມປະຕິບັດໜ້າທີ່ຢູ່ແນວໜ້າຕ້ານໂລກລະບາດອີກດ້ວຍ.

(ແຫຼ່ງຄັດຈາກ VOV)