ຂ່າວສານ

ບັນດານັກຂ່າວອາຊຽນອອກຖະແຫຼງການຮ່ວມແຮງຮ່ວມໃຈກັນຍູ້ໂລກລະບາດໂຄວິດ-19 ໃຫ້ຖອຍໄປ

08/10/2020

ບັນດາປະເທດສະມາຊິກສະຫະພັນບັນດານັກຂ່າວອາຊຽນ (CAJ) ໄດ້ຍົກອອກ “ຖະແຫຼງການຂອງສະຫະພັນບັນດານັກຂ່າວອາຊຽນ ກ່ຽວຂ້ອງເຖິງໂລກລະບາດໂຄວິດ-19”.

(ພາບປະກອບ: TTXVN)

ໃນກອງປະຊຸມທາງອອນລາຍຫວ່າງມໍ່ໆມານີ້, ບັນດາປະເທດສະມາຊິກສະຫະພັນບັນດານັກຂ່າວອາຊຽນ (CAJ) ໄດ້ຍົກອອກ “ຖະແຫຼງການຂອງສະຫະພັນບັນດານັກຂ່າວອາຊຽນ ກ່ຽວຂ້ອງເຖິງໂລກລະບາດໂຄວິດ-19”.

ຖະແຫຼງການຂອງ CAJ ໄດ້ຮັບຮອງບັນດາຄວາມມານະພະຍາຍາມຂອງລັດຖະບານ ແລະ ປະຊາຊົນບັນດາປະເທດສະມາຊິກ CAJ ເພື່ອແນໃສ່ຜ່ານຜ່າໂລກລະບາດ ກໍຄືປະເຊີນໜ້າກັບບັນດາຜົນກະທົບຂອງໂລກລະບາດທີ່ມີຕໍ່ເສດຖະກິດ, ສັງຄົມຢູ່ປະເທດຕົນ.

CAJ ຢືນຢັນວ່າ, ໃນສະພາບເກີດໂລກລະບາດຄືໃນປະຈຸບັນ, ບົດບາດຂອງສື່ມວນຊົນນັບມື້ນັບມີຄວາມສຳຄັນຍິ່ງກວ່າເວລາໃດໝົດ ໃນການສະໜອງຂໍ້ມູນຂ່າວສານຢ່າງຊັດເຈນ ແລະ ຍາມໃດກໍ່ອັບເດດຂໍ້ມູນຂ່າວໃຫ້ປະຊາຊົນຢ່າງທັນການ. CAJ ສະເໜີໃຫ້ມີການຮ່ວມມືຂ້າມຊາຍແດນລະຫວ່າງບັນດາປະເທດສະມາຊິກ ເພື່ອແນໃສ່ແບ່ງປັນບັນດາຂໍ້ມູນຂ່າວສານຢ່າງທັນການ ແລະ ມີຄຸນຄ່າກ່ຽວກັບໂລກລະບາດ.

(ແຫຼ່ງຄັດຈາກ VOV)

ນະຄອນຫຼວງ ຮ່າໂນ້ຍ ແລະ ວຽງຈັນ ແລກປ່ຽນບົດຮຽນປະສົບການໃນການເຄື່ອນໄຫວຂອງອົງການໂດຍປະຊາຊົນເລືອກຕັ້ງ

13/08/2022
ຂ່າວສານ

ສອງຝ່າຍສືບຕໍ່ຄົ້ນຄວ້າ, ຜັນຂະຫຍາຍບັນດາຮູບແບບ, ກົນໄກແລກປ່ຽນຂໍ້ມູນ, ແບ່ງປັນປະສົບການໃນວຽກງານທຸກດ້ານຄື: ສ້າງເອກະສານທາງກົດໝາຍ, ວຽກງານຕິດຕາມກວດກາ ແລະ ຕົກລົງບັນດາບັນຫາສຳຄັນຂອງນະຄອນ ແລະ ການເຄື່ອນໄຫວອື່ນໆ ຕາມພາລະໜ້າທີ່, ສິດອຳນາດ ເພື່ອຜ່ານນັ້ນ ແລກປ່ຽນ, ແບ່ງປັນ, ຊ່ວຍເຫຼືອເຊິ່ງກັນແລະກັນ, ຍົກສູງຄຸນນະພາບ ແລະ ປະສິດທິຜົນ, ປະສິດທິພາບໃນການເຄື່ອນໄຫວຂອງ ສະພາປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາລວມຂອງສອງນະຄອນຫຼວງ ແລະ ຂອງປະເທດຊາດ.