ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ, ແຂວງກ໋ວາງບິ່ງ ໄດ້ຈັດ ກອງປະຊຸມເພື່ອປະກາດຂ່າວ ກ່ຽວກັບໝາກຜົນຂອງກອງປະຊຸມໃຫຍ່. ນະທີ່ນີ້, ທ່ານ ຫວູດ້າຍທັ໊ງ, ເລຂາຄະນະພັກແຂວງ ແຂວງກ໋ວາງບິ່ງ ໄດ້ຮຽກຮ້ອງໃຫ້ອົງຄະນະພັກໃນແຂວງ ສ້າງລາຍການ, ວາງແຜນກະທຳເພື່ອນຳມະຕິຂອງກອງປະຊຸມໃຫຍ່ຄັ້ງທີ 13 ຂອງພັກເຂົ້າສູ່ຊີວິດຕົວຈິງໂດຍໄວ. ທ່ານກ່າວວ່າ:
ກ່ອນອື່ນໝົດແມ່ນຕ້ອງຈັດຕັ້ງວຽກງານໂຄສະນາ, ເຊື່ອມຊຶມຈິດໃຈ, ມະຕິຂອງກອງປະຊຸມໃຫຍ່ໄປຍັງອົງຄະນະພັກທຸກຂັ້ນ, ພະນັກງານ, ສະມາຊິກພັກ ແລະ ປະຊາຊົນໝົດທຸກຄົນ. ສ້າງບັນດາແຜນການ, ລາຍການໂດຍໄວ ເພື່ອຫັນບັນດາເນື້ອໃນ, ເປົ້າໝາຍ, ທິດທາງ, ໜ້າທີ່ຈຸດສຸມຂອງກອງປະຊຸມໃຫຍ່ເປັນລະອຽດ ເພື່ອຈັດຕັ້ງບັນດາແຜນການ, ບັນດາລາຍການກະທຳຢ່າງລະອຽດ ແລະ ເປັນພຶດຕິກຳຕົວຈິງ. ນຳມະຕິຂອງກອງປະຊຸມໃຫຍ່ຄັ້ງທີ 13 ຂອງພັກເຂົ້າສູ່ຊີວິດຕົວຈິງໂດຍໄວ.ທ່ານນາງ ຈ້ຽວທິທູເຟືອງ, ຫົວໜ້າຄະນະຊົນເຜົ່າແຂວງບັກກ້ານຕີລາຄາວ່າ, ບັນດາເນື້ອໃນທີ່ໄດ້ຮັບການປຶກສາຫາລືທ ແລະ ຮັບຮອງເອົາຢູ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ແມ່ນປະຖົມປັດໄຈ, ແມ່ນບ້າວກ້າວສຳຄັນເພື່ອໃຫ້ບັນດານະໂຍບາຍພັດທະນາຊົນເຜົ່າເຂດພູດອຍບັນລຸປະສິດທິຜົນສູງກ່ວາ. ທ່ານນາງກ່າວວ່າ:
ບົນພື້ນຖານມະຕິຂອງກອງປະຊຸມໃຫຍ່, ບັກການຈະເປັນເສນາທິການຜັນຂະຫຍາຍມະຕິຂອງສະພາແຫ່ງຊາດກ່ຽວກັບການອະນຸມັດ ແຜນການພັດທະນາເສດຖະກິດ - ສັງຄົມສັງລວມເຂດພໍ່ແມ່ປະຊາຊົນ ຊົນເຜົ່າສ່ວນໜ້ອຍ ແລະ ເຂດພູດອຍໄລຍະ 2021 – 2030 ໃຫ້ເປັນຢ່າງດີ.
(ແຫຼ່ງຄັດຈາກ VOV)
