ກ່າວຄຳເຫັນທີ່ກອງປະຊຸມຫົວເລື່ອງຂອງລັດຖະບານປະຈຳເດືອນ ມັງກອນ 2022 ຊຶ່ງໄດ້ດຳເນີນໃນຕອນເຊົ້າວັນທີ 19ມັງກອນ ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈີ້ງ ຮຽກຮ້ອງໃຫ້ບັນດາລັດຖະມົນຕີ, ຫົວໜ້າຂະແໜງການຊີ້ນຳວຽກງານ ສ້າງລະບອບລະບຽບການໃຫ້ ສົມບູນແບບ. ທ່ານນາຍົກລັດຖະມົນຕີ ເນັ້ນໜັກວ່າ: ຕ້ອງປະຕິບັດທຸກຂັ້ນຕອນໃນຂະບວນວິວັດແຫ່ງການສ້າງລະບອບລະບຽບການ ໃຫ້ສົມບູນແບບ, ພ້ອມທັງຈັດຕັ້ງປະຕິບັດກົດໝາຍທີ່ຮັບປະກັນໃຫ້ຄົບຊຸດ ແລະ ມີປະສິດທິຜົນ.
ທ່ານນາຍົກລັດຖະມົນຕີເນັ້ນໜັກວ່າ, ຫວຽດນາມ ພວມສ້າງລັດແຫ່ງກົດໝາຍສັງຄົມນິຍົມ, ສະນັ້ນ ຕ້ອງສຸມໃສ່ ສ້າງລະບອບລະບຽບການໃຫ້ ສົມບູນແບບຕ້ອງ “ຕິດແທດກັບຄວາມເປັນຈິງ, ເລີ່ມມາຈາກຄວາມເປັນຈິງ ແລະ ຖືເອົາຄວາມເປັນຈິງເປັນໄມ້ວັດ”
(ແຫຼ່ງຄັດຈາກ VOV)