• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີເປັນປະທານກອງປະຊຸມທາງອອນລາຍ ກັບບັນດາທ້ອງຖິ່ນກ່ຽວກັບວຽກງານປ້ອງກັນ,ຕ້ານໂລກລະບາດໂຄວິດ-19

ໂລກລະບາດໂຄວິດ-19 ຮອບທີ 4 ນີ້ແຜ່ລະບາດເປັນເວລາເກືອບ 100 ວັນແລ້ວ. ດ້ວຍການເຂົ້າຮ່ວມຂອງທັງລະບົບການເມືອງ, ຫວຽດນາມ ມີຄວາມມານະພະຍາຍາມຫຼາຍຢ່າງ ເພື່ອຍູ້ໂລກລະບາດໃຫ້ຖອຍໄປໃນຂອບເຂດທົ່ວປະເທດ.
(ທີ່ກອງປະຊຸມທາງອອນລາຍລະຫວ່າງລັດຖະບານກັບບັນດາທ້ອງຖິ່ນກ່ຽວກັບສະພາບການປ້ອງກັນ, ຕ້ານໂລກລະບາດໂຄວິດ-19)

ວັນທີ 30 ກໍລະກົດ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ເປັນປະທານກອງປະຊຸມທາງອອນລາຍລະຫວ່າງລັດຖະບານກັບບັນດາທ້ອງຖິ່ນກ່ຽວກັບສະພາບການປ້ອງກັນ, ຕ້ານໂລກລະບາດໂຄວິດ-19 ແລະ ວິທີການຈັດຕັ້ງ, ຜັນຂະຫຍາຍການປະຕິບັດບັນດາເນື້ອໃນ, ໜ້າທີ່ທີ່ສະພາແຫ່ງຊາດຊຸດທີ XV ຕົກລົງທີ່ກອງປະຊຸມຄັ້ງປະຖົມມະລຶກ ກ່ຽວຂ້ອງເຖິງວຽກງານປ້ອງກັນ, ຕ້ານໂລກລະບາດໂຄວິດ-19.

        ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ໃຫ້ຮູ້ວ່າ, ໂລກລະບາດໂຄວິດ-19 ຮອບທີ 4 ນີ້ແຜ່ລະບາດເປັນເວລາເກືອບ 100 ວັນແລ້ວ. ດ້ວຍການເຂົ້າຮ່ວມຂອງທັງລະບົບການເມືອງ, ຫວຽດນາມ ມີຄວາມມານະພະຍາຍາມຫຼາຍຢ່າງ ເພື່ອຍູ້ໂລກລະບາດໃຫ້ຖອຍໄປໃນຂອບເຂດທົ່ວປະເທດ. ເຖິງຢ່າງໃດກໍ່ຕາມ, ສະພາບໂລກລະບາດຍັງມີການຜັນແປຢ່າງສັບສົນ, ພິເສດແມ່ນຢູ່ນະຄອນ ໂຮ່ຈີມິນ, ບາງແຂວງທາງພາກໃຕ້ ແລະ ພາກກາງ. ທີ່ກອງປະຊຸມຄັ້ງປະຖົມມະລຶກ, ສະພາແຫ່ງຊາດ ຫວຽດນາມ ຊຸດທີ XV ໄດ້ມີມະຕິລວມ, ໃນນັ້ນສະຫງວນເວລາຫຼາຍໃຫ້ແກ່ວຽກງານປ້ອງກັນ, ຕ້ານໂລກລະບາດໂຄວິດ-19, ພິເສດແມ່ນອະນຸຍາດໃຫ້ນຳໃຊ້ບັນດາມາດຕະການຢ່າງແຮງກວ່າ, ນັບທັງບັນດາເນື້ອໃນໄດ້ກຳນົດໃນກົດໝາຍ.

ກ່າວຄຳເຫັນສະຫຼຸບກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ເນັ້ນໜັກວ່າ, ໃນໄລຍະນີ້, ທົ່ວປະເທດຕ້ອງໃຫ້ບຸລິມະສິດໃຫ້ແກ່ວຽກງານຕ້ານໂລກລະບາດ, ຄວບຄຸມໂລກລະບາດ, ຕິດພັນກັບສະພາບຕົວຈິງ.

        “ຂ້າພະເຈົ້າເນັ້ນໜັກເຖິງບົດຮຽນແມ່ນຕ້ອງເພີ່ມທະວີການຊີ້ນຳນຳພາຂອງຄະນະພັກ; ການຕິດຕາມກວດກາຂອງອຳນາດການປົກຄອງທຸກຂັ້ນ; ສະຕິຄວາມຮັບຮູ້ ແລະ ການປະຕິບັດຂອງປະຊາຊົນ; ຕອບສະໜອງເງື່ອນໄຂດ້ານສາທາລະນະສຸກເມື່ອມີຄວາມຈຳເປັນ. ແລະ ພິເສດເມື່ອສະພາບການໂລກລະບາດມີການຜັນແປຢ່າງສັບສົນ, ມີຜູ້ຕິດເຊື້ອພະຍາດຫຼາຍຕ້ອງຈັດແບ່ງຂັ້ນເພື່ອປິ່ນປົວໃຫ້ເໝາະສົມ ເພື່ອສຸມກຳລັງການແພດໃຫ້ແກ່ຄົນເຈັບໜັກ, ກໍລະນີສຸກເສີນ ແລະ ຫຼຸດຜ່ອນຜູ້ເສຍຊີວິດໃນລະດັບຕ່ຳສຸດ”.

        ທ່ານນາຍົກລັດຖະມົນຕີໄດ້ເນັ້ນໜັກເປັນພິເສດວ່າ ບໍ່ປະໃຫ້ເກີດວິກິດການດ້ານສາທາລະນະສຸກ, ວິກິດການດ້ານເສດຖະກິດ - ສັງຄົມ, ວິກິດການສື່ມວນຊົນ. ອົງຄະນະພັກ, ອຳນາດການປົກຄອງຕ້ອງນຳໃຊ້ຄວາມສາມາດຢ່າງສຸດຂີດເພື່ອຟື້ນຟູການຜະລິດ, ດຳເນີນທຸລະກິດ. ຢູ່ບັນດາແຫ່ງປອດໄພ, ມີເງື່ອນໄຂ ຕ້ອງເປີດກວ້າງດ້ວຍຈິດໃຈ “ມີຄວາມປອດໄພເພື່ອຜະລິດ, ຜະລິດຕ້ອງປອດໄພ”. ການຜະລິດດີກໍ່ແມ່ນມາດຕະການແຍກຫ່າງ, ຮັບປະກັນໃຫ້ລະບົບສະໜອງບໍ່ຖືກຕັດຕອນ.

(ແຫຼ່ງຄັດຈາກ VOV)

ຫວຽດນາມ ປະຕິບັດບັນດາຂໍ້ສະເໜີແນະຂອງຄະນະກຳມະການ ເອີລົບ ກ່ຽວກັບການຕ້ານການຂຸດຄົ້ນ IUU ຢ່າງໃກ້ຊິດ

ຫວຽດນາມ ປະຕິບັດບັນດາຂໍ້ສະເໜີແນະຂອງຄະນະກຳມະການ ເອີລົບ ກ່ຽວກັບການຕ້ານການຂຸດຄົ້ນ IUU ຢ່າງໃກ້ຊິດ

ທາງດ້ານກະຊວງ, ແຕ່ລະເດືອນຈະມີແຜນການໄປກວດກາຕົວຈິງຢູ່ບັນດາແຂວງ, ນະຄອນເຂດແຄ້ມທະເລ

Top