ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານກອງປະຊຸມ (ພາບ: VGP)

ທ່ານນາຍົກລັດຖະມົນຕີ ຕັກເຕືອນວ່າ ບັນດາເຂດແຍກຕົວລວມໝູ່ ແມ່ນມີການສໍາຜັດລະຫວ່າງຜູ້ແຍກຕົວມາກ່ອນ ກັບ ຜູ້ແຍກຕົວມາໃໝ່, ສະນັ້ນອາດຈະພາໃຫ້ເກີດການຕິດແປດຕໍ່ກັນຢູ່ໃນເຂດດຽວກັນ. ສະນັ້ນ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຮຽກຮ້ອງໃຫ້ບັນດາກະຊວງ, ຂະແໜງການ ສະເໜີບັນດາມາດຕະການປ້ອງກັນ ແລະ ສະກັດກັ້ນໂລກລະບາດຢ່າງຂ້ຽວຂາດກວ່າອີກ.

“ຂ້າພະເຈົ້າຖືວ່າ ພວກເຮົາຕ້ອງມີຢູ່ 3 ຮອບ, ດັ່ງນັ້ນຕ້ອງປະຕິບັດໃຫ້ເປັນຢ່າງດີ. ທີໜຶ່ງ ແມ່ນສືບຕໍ່ຄວບຄຸມການເຄື່ອນໄຫວເຂົ້າ - ອອກເມືອງໃຫ້ແໜ້ນແຟ້ນ, ເຂັ້ມງວດ ນັບທັງທາງບົກ, ການອາກາດ, ທາງນໍ້າ ແລະ ທາງລົດໄຟ ດ້ວຍບັນດາມາດຕະການກວດສຸຂະພາບຢ່າງເຄັ່ງຄັດ. ທີສອງແມ່ນ ສືບຕໍ່ຈັດຕັ້ງການແຍກຕົວລວມໝູ່ໃຫ້ຖືກຕ້ອງຕາມຂໍ້ກໍານົດ ແລະ ປະຕິບັດຢ່າງຂ້ຽວຂາດກວ່າ ເຖິງວ່າຈະສິ້ນເປືອງເງິນທຶນກໍຕາມ. ທີສາມ ແມ່ນຕ້ອງມີແບບວິທີແຍກຕົວພິເສດຢູ່ກັບບ່ອນພັກອາໄສຂອງຄອບຄົວ ຫຼື ສະຖານທີ່ຢູ່ໃຕ້ຕິດຕາມກວດກາຂອງຂະແໜງສາທາລະນະສຸກຕາມຂໍ້ກໍານົດຢ່າງແໜ້ນແຟ້ນ, ບໍ່ປະໃຫ້ແຜ່ລະບາດອອກສູ່ວົງຄະນະຍາດ. ຂ້າພະເຂົ້າຕັກເຕືອນວ່າ, ໄລຍະໃໝ່ນີ້, ຄວາມສ່ຽງແຜ່ລະບາດອອກສູ່ວົງຄະນະຍາດແມ່ນສູງທີ່ສຸດ, ສະນັ້ນ, ຕ້ອງມີມາດຕະການສະກັດກັ້ນຢ່າງແຂງແຮງ”.

 (ແຫຼ່ງຄັດຈາກ VOV)