ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມພິທີໄດ້ປະຕິບັດພິທີຖະຫວາຍດອກໄມ້, ຈູດທູບທຽນອາໄລຫາ, ສະແດງຄວາມຮູ້ບຸນຄຸນຕໍ່ບັນດານັກຮົບວິລະຊົນຢູ່ສຸສານນັກຮົບເສຍສະຫຼະຊີວິດເພື່ອຊາດ

(ພາບ: VGP)

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມລາຍການຖ່າຍທອດສົດທາງໂທລະພາບ: ພິທີມອບໃບຢັ້ງຢືນຈາລຶກຄຸນງາມຄວາມດີ ແລະ ເປີດຕົວປະຕູຖານຂໍ້ມູນຂ່າວເອເລັກໂຕນິກກ່ຽວກັບນັກຮົບເສຍສະຫຼະຊີວິດເພື່ອຊາດ, ຂຸມຝັງສົບນັກຮົບເສຍສະຫຼະຊີວິດເພື່ອຊາດ ແລະ ສຸສານນັກຮົບເສຍສະຫຼະຊີວິດເພື່ອຊາດ (ດ້ວຍລະຫັດ: www.thongtinlietsi.gov.vn).

        ນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາຜູ້ແທນເຂົ້າຮ່ວມພິທີໄດ້ປະຕິບັດພິທີຖະຫວາຍດອກໄມ້, ຈູດທູບທຽນອາໄລຫາ, ສະແດງຄວາມຮູ້ບຸນຄຸນຕໍ່ບັນດານັກຮົບວິລະຊົນຢູ່ສຸສານນັກຮົບເສຍສະຫຼະຊີວິດເພື່ອຊາດເທດສະບານເມືອງເຊີນໄຕ.

        ທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານຫົວໜ້າຄະນະຈັດຕັ້ງສູນກາງພັກ ເຈືອງມິງຈິງ ໄດ້ມອບໃບຢັ້ງຢືນຈາລຶກຄຸນງາມຄວາມດີ ໃຫ້ 30 ຄອບຄົວນັກຮົບເສຍສະຫຼະຊີວິດເພື່ອຊາດ, ໂດຍຕາງໜ້າໃຫ້ແກ່ 442 ຄອບຄົວທີ່ໄດ້ຮັບໃບຢັ້ງຢຶນດັ່ງກ່າວເນື່ອງໃນໂອກາດນີ້.

        ທ່ານນາຍົກລັດຖະມົນຕີ ຫງວຽນຊວນຟຸກ ກໍໄດ້ກົດປຸ່ມເປີດຕົວປະຕູຖານຂໍ້ມູນຂ່າວເອເລກໂຕນິກກ່ຽວກັບນັກຮົບເສຍສະຫຼະຊີວິດເພື່ອຊາດ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ.

        “ໂດຍຕາງໜ້າໃຫ້ພັກ, ລັດ ແລະ ແນວໂຮມປະເທດຊາດຫວຽດນາມ, ຂ້າພະເຈົ້າຂໍສະແດງຄວາມຮູ້ບຸນຄຸນຢ່າງເລິກເຊິ່ງເຖິງບັນດາຍາດຕິພີ່ນ້ອງຄອບຄົວນັກຮົບເສຍສະຫຼະຊີວິດເພື່ອຊາດ ໃນມື້ນີ້ທີ່ໄດ້ຮັບໃບຢັ້ງຢືນຈາລຶກຄຸນງາມຄວາມດີພາຍຫຼັງລໍຄອຍມາເປັນເວລາຫຼາຍປີ. ພວກເຮົາໄດ້ມານະພະຍາຍາມບັນລຸໄດ້ໝາກຜົນຫຼາຍຢ່າງ, ແຕ່ບໍ່ໄດ້ຢຸດຢູ່ພຽງແຕ່ເທົ່ານັ້ນ, ຫາກຍັງຕ້ອງມານະພະຍາຍາມຫຼາຍກວ່າອີກ ເພື່ອໃຫ້ຜູ້ມີຄຸນງາມຄວາມດີໄດ້ຮັບການເຊີດຊູຢ່າງເໝາະສົມ, ເພື່ໃຫ້ຊີວິດທາງດ້ານວັດຖຸ, ຈິດໃຈຂອງຜູ້ມີຄຸນງາມຄວາມດີ, ຍາດຕິພີ່ນ້ອງຜູ້ມີຄຸນງາມຄວາມດີນັບມື້ນັບດີງາມກວ່າ.”

(ແຫຼ່ງຄັດຈາກ VOV)