ຂ່າວສານ
ນະຄອນໂຮ່ຈີມິນ ເບິ່ງແຍງດູແລ ແລະ ໜູນຊ່ວຍຊາວຜູ້ອອກແຮງງານທີ່ຖືກຜົນສະທ້ອນຈາກໂລກລະບາດໂຄວິດ - 19
ການນຳນະຄອນໂຮ່ຈີມິນ ລົງໄປກວດກາວຽກງານເບິ່ງແຍງດູແລຊີວິດການເປັນຢູ່ຂອງກຳມະກອນ (ພາບ: congan.com.vn)
ຕໍ່ໜ້າສະພາບການທີ່ຊາວຜູ້ອອກແຮງງານປະມານ 60.000 ຄົນ ຖືກຜົນສະທ້ອນຈາກໂລກລະບາດໂຄວິດ - 19, ວັນທີ 14 ເມສາ, ສະຫະພັນແຮງງານນະຄອນໂຮ່ຈີມິນ ໄດ້ຊີ້ນຳໃຫ້ອົງການກຳມະບານທຸກຂັ້ນ ຜັນຂະຫຍາຍວຽກງານເບິ່ງແຍງດູແລໃຫ້ແກ່ສະມາຊິກຊາວໜຸ່ມ, ກຳມະກອນຊາວຜູ້ອອກແຮງງານທີ່ວ່າງງານຕາມລະບອບລະບຽບການໂດຍໄວ. ເປົ້າໝາຍໄດ້ຮັບບູລິມະສິດແມ່ນສະມາຊິກຊາວໜຸ່ມເພດຍິງ, ກຳມະບານກໍາລັງຖືພາ, ລ້ຽງລູກນ້ອຍກວ່າ 12 ເດືອນ, ອາຈານອະນຸບານ, ສະມາຊິກຊາວໜຸ່ມ, ກຳມະບານທີ່ຖືກຕັດເງິນເດືອນ, ຊາວຜູ້ອອກແຮງງານທີ່ເປັນພະຍາດຫນັກ. ຕາມການສະຖິຕິຫຼ້າສຸດຂອງ ສະຫະພັນແຮງງານນະຄອນໂຮ່ຈີມິນແລ້ວ, ປັດຈຸບັນ ອົງການກຳມະບານຂັ້ນຕ່າງໆ 30 ແຫ່ງຂອງນະຄອນ ໄດ້ຈັດຕັ້ງປະຕິບັດວຽກງານດູແລຊີວິການເປັນຢູ່ຂອງຊາວຜູ້ອອກແຮງງານກວ່າ 6,500 ຄົນທີ່ວ່າງງານ ດ້ວຍຍອດຈຳນວນງົບປະມານທັງໝົດ ແມ່ນເກືອບ 8 ຕື້ດົ່ງ. ໄປຄຽງຄູ່ກັນນັ້ນ, ສະຫະພັນແຮງງານນະຄອນ ກໍຍູ້ແຮງວຽກງານໂຄສະນາເຜີຍແຜ່ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19; ຢ້ຽມຢາມຖາມຂ່າວ, ລະດົມກຳລັງໃຈບັນດາວິສາຫະກິດ ແລະ ຊາວຜູ້ອອກແຮງງານ ໃຫ້ປະຕິບັດຄຳສັ່ງຂອງນາຍົກລັດຖະມົນຕີກ່ຽວກັບວຽກງານປະຕິບັດບັນດາມາດຕະການຮີບດ່ວນເພື່ອປ້ອງກັນ ແລະ ສະກັດກັດໂລກະລະບາດໃຫ້ຢ່າງເຂັ້ມງວດ.
(ແຫຼ່ງຄັດຈາກ VOV)
