ທີ່ການເຮັດວຽກກັບການນຳແຂວງ ຈ່າວິງ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຢັ້ງຢືນບັນດາຄວາມມານະພະຍາຍາມຂອງແຂວງ ຈ່າວິງໃນວຽກງານປ້ອງກັນ, ຕ້ານໂລກລະບາດໂຄວິດ - 19, ແຂວງ ໄດ້ຄວບຄຸມໂລກລະບາດໂຄວິດ - 19 ໂດຍພື້ນຖານ ແລະ ພວມກະກຽມຟື້ນຟູການຜະລິດຄືນໃໝ່.

ທ່ານຮອງນາຍົກລັດຖະມົນຕີ ຫວູດຶກດາມ ໄດ້ໃສ່ໃຈ ແຂວງ ຈ່າວິງວ່າ ເມື່ອວິສາຫະກິດເຄື່ອນໄຫວຄືນໃໝ່, ບັນດາໂຮງຈັກ, ໂຮງງານ ໃນບໍລິເວນແຂວງ ຕ້ອງຮັບປະກັນ ມາດຖານ “3 ຂຽວ” (ໂຮງງານຂຽວ, ບ່ອນທີ່ຢູ່ຂຽວ ແລະ ກຳມະກອນຂຽວ). ກຳມະກອນພາຍຫຼັງກັບຄືນເຮັດວຽກ ຈະໄດ້ຮັບການໜູນຊ່ວຍກວດຫາເຊື້ອໄວຣັດ SARS-CoV-2 ໂດຍໄວ.

ກ່ອນໜ້ານັ້ນ, ໃນຕອນບ່າຍວັນທີ 18 ກັນຍາ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ມີການເຮັດວຽກກັບນະຄອນເກິ່ນເທີ ກ່ຽວກັບການປະຕິບັດວຽກງານປ້ອງກັນ, ຕ້ານໂລກລະບາດໂຄວິດ - 19. ທ່ານຮອງນາຍົກລັດຖະມົນຕີ ຫວູດຶກດາມ ຢັ້ງຢືນ, ຕີລາຄາສູງ ຄວາມມານະພະຍາຍາມຂອງນະຄອນໃນການຄວບຄຸມໂລກລະບາດໂຄວິດ - 19. ເຖິງຢ່າງໃດກໍ່ຕາມ, ສະພາບການໂລກລະບາດໂຄວິດ - 19 ຢູ່ແຂວງເກິ່ນເທີ ຍັງມີການຜັນແປຢ່າງສັບສົນ. ເພາະສະນັ້ນ, ໃນໄລຍະຈະມາເຖິງ, ນະຄອນຄວນສືບຕໍ່ຍູ້ໄວການກວດຫາເຊື້ອ ໃນຊຸມຊົນໃຫ້ຫຼາຍກ່ວາອີກ.

(ແຫຼ່ງຄັດຈາກ VOV)