ຂ່າວສານ

ທ່ານຮອງນາຍົກລັດຖະມົນຕີ ເວຶອງດິ່ງເຫ້ວ ເຂົ້າຮ່ວມກອງປະຊຸມພັດທະນານະຄອນວິງ

09/09/2019

ຕອນເຊົ້າວັນທີ 8 ກັນຍາ, ຢູ່ນະຄອນວິງ, ແຂວງເງະອານ ໄດ້ດຳເນີນກອງປະຊຸມຜັນຂະຫຍາຍບັນດາເນື້ອໃນແຈ້ງການ ຂອງ ກົມການເມືອງກ່ຽວກັບການພັດທະນານະຄອນວິງ.

ກອງປະຊຸມພັດທະນານະຄອນວິງ (ພາບ: laodong.vn)

ກ່າວຄຳເຫັນທີ່ກອງປະຊຸມ, ທ່ານ ຮອງນາຍົກລັດຖະມົນຕີ ຫວຽດນາມ ເວຶອງດິ່ງເຫ້ວເນັ້ນໜັກວ່າ: ນັບແຕ່ອະດີດກໍ່ຄືປັດຈຸບັນ ນະຄອນວິງໄດ້ພິສູດໃຫ້ເຫັນກ່ຽວກັບຂະໜາດ, ທີ່ຕັ້ງຍຸດທະສາດພິເສດສຳຄັນ - ເມືອງເອກຂອງແຂວງເງະອານ ແລະ ແມ່ນໃຈກາງຂອງເຂດທາງທິດເໜືອຂອງພາກກາງ. ການຫັນເປັນໂລກະພິວັດ ແລະ ທ່າອ່ຽງຂອງບັນດາພື້ນຖານເສດຖະກິດໂລກທີ່ມີການເໜັງຕິງ, ປ່ຽນແປ່ງໃໝ່ຢ່າງບໍ່ຢຸດຢັ້ງມຸ່ງໄປເຖິງການປະຕິວັດອຸດສາຫະກຳ 4.0. ດັ່ງນັ້ນ, ນະຄອນວິງຕ້ອງນຳໜ້າໃນການປະຕິວັດ ການນຳໃຊ້ເຕັກໂນໂລຢີຂໍ້ມູນຂ່າວສານເຂົ້າການຄຸ້ມຄອງ, ບໍລິຫານ ແລະ ພັດທະນາຢ່າງແຮງ. ດ້ານອື່ນ, ນະຄອນກໍ່ຄວນເປັນເຈົ້າການປະກາດໃຊ້ກົນໄກ, ນະໂຍບາຍເພື່ອດຶງດູດແຫຼ່ງກຳລັງ ໃນນັ້ນເອົາໃຈໃສ່ເປັນພິເສດເຖິງການສົ່ງເສີມກຳຫຼັງແຮງພາຍໃນ ແລະ ລະດົມການລົງທຶນຈາກບັນດາອົງການຈັດຕັ້ງ, ວິສາຫະກິດທັງຢູ່ພາຍໃນ ແລະ ຕ່າງປະເທດແຕ່ກໍ່ຕ້ອງມີຈຸດສຸມ ແລະ ບຸລິມະສິດການພັດທະນານະຄອນວິງຢ່າງຮອບດ້ານ. ພ້ອມທັງຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງຄົ້ນຄ້ວາ, ສະເໜີໃຫ້ລັດຖະບານກ່ຽວກັບບັນດາກົນໄກ, ນະໂນບາຍໃຫ້ເໝາະສົມເພື່ອພັດທະນານະຄອນວິງແນໃສ່ລະດົມບັນດາແຫຼ່ງກຳລັງໃຫ້ສູງສຸດ, ປັບປຸງສະພາບແວດລ້ອມການລົງທຶນດຳເນີນທຸລະກິດຢ່າງແຮງ, ຍາດແຍ່ງເອົາການຮ່ວມມື, ການໜູນຊ່ວຍຈາກປະຊາຄົມ, ນັກອຸປະຖຳ, ນັກລົງທຶນທັງຢູ່ພາຍໃນ ແລະ ຕ່າງປະເທດໃຫ້ມີປະສິດທິຜົນ.

(ແຫຼ່ງຄັດຈາກ VOV)