ທ່ານນາຍົກລັດຖະມົນຕີ ຫງວຽນຊວັນຟຸກ (ພາບ: chinhphu.vn) 

ເນື້ອໃນຈິດໃຈຊຶ່ງທ່ານນາຍົກລັດຖະມົນຕີວາງອອກສຳລັບນະຄອນຫຼວງ ຮ່າໂນ້ຍ ແມ່ນ ຂ້ຽວຂາດ, ຄົບຊຸດກ່າວອີກ, ແກ້ໄຂລຸລ່ວງບັນດາຂໍ້ຕິດຂັດເພື່ອພັດທະນາ. ໃນສະພາບການໂລກລະບາດ Covid-19 ສົ່ງຜົນກະທົບຢ່າງຮ້າຍແຮງເຖິງໂລກ, ທົ່ວປະເທດ ແລະ ນະຄອນຫຼວງ ຮ່າໂນ້ຍນັ້ນ, ທ່ານນາຍົກລັດຖະມົນຕີໄດ້ຍົກບາງຄຳຮຽກຮ້ອງສຳລັບນະຄອນຫຼວງຮ່າໂນ້ຍນັບແຕ່ນີ້ຮອດທ້າຍປີ. ກ່ອນອື່ນໝົດ, ນະຄອນຫຼວງ ຮ່າໂນ້ຍ ຕ້ອງເປັນແບບຢ່າງ ແລະ ບັນລຸ ໝາກຜົນດີທີ່ສຸດໃນການປະຕິບັດວຽກງານປ້ອງກັນ, ສະກັດກັັ້ນໂລກລະບາດ Covid-19. ຄຽງຄູ່ກັບໜ້າທີ່ປ້ອງກັນສະກັດກັັ້ນໂລກລະບາດ Covid-19, ປີນີ້ ຮ່າໂນ້ຍຕ້ອງພະຍາຍາມເຮັດສຳເລັດບັນດາເປົ້າໝາຍພື້ນຖານຕາມແຜນການທີ່ໄດ້ວາງອອກນັບແຕ່ຕົ້ນປີ, ລວມມີການເຕີບໂຕ, ແກ້ໄຂວຽກເຮັດງານທຳ, ລາຍຮັບງົບປະມານ, ປະກອບສ່ວນເຂົ້າໃນບັນດາເປົ້າໝາຍທົ່ວປະເທດໃນປີນີ້. ທ່ານນາຍົກລັດຖະມົນຕີ ກໍ່ຮຽກຮ້ອງ ຮ່າໂນ້ຍປະຕິບັດໜ້າທີ່ດຳເນີນກອງປະຊຸມໃຫຍ່ອົງຄະນະພັກທຸກຂັ້ນໃຫ້ເປັນຢ່າງດີ, ສ້າງຂີດໝາຍຢ່າງແຮງສຳລັບທົ່ວປະເທດໃນວິວັດການມຸ່ງໄປເຖິງກອງປະຊຸມໃຫຍ່ ທົ່ວປະເທດຄັ້ງທີ XIII ຂອງພັກ. ກ່າວຄຳເຫັນທີ່ກອງປະຊຸມທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໃຫ້ຮູ້ວ່າ:

ຮ່າໂນ້ຍຕ້ອງມານະພະຍາຍາມປະຕິບັດສຳເລັດບັນດາເປົ້າໝາຍພື້ນຖານ, ສຳຄັນ ຂອງ ແຜນການປີ 2020 ຄືການເຕີບໂຕ, ບັນຫາວຽກເຮັດງານທຳ, ເກັບງົບປະມານ, ປະກອບສ່ວນສຳຄັນໃຫ້ແກ່ທົ່ວປະເທດໃນການປະຕິບັດສຳເລັດໜ້າທີ່ປີ 2020 ໃນສະພາບການປະສົບກັບຄວາມຫຍຸ້ງຍາກຫຼາຍຢ່າງ. 

 (ແຫຼ່ງຄັດຈາກ VOV)