• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານເລຂາທິການໃຫຍ່ ຫງວຽນຟູຈ້ອງ ໂອ້ລົມທາງໂທລະສັບກັບທ່ານນາຍົກລັດຖະມົນຕີເຢຍລະມັນ Olaf Scholz

ການໂອ້ລົມທາງໂທລະສັບ ກັບທ່ານນາຍົກລັດຖະມົນຕີເຢຍລະມັນ Olaf Scholz, ໃນຕອນບ່າຍວັນທີ 31 ມີນາ, ທ່ານເລຂາທິການໃຫຍ່ ຫງວຽນຟູຈ້ອງ ສະເຫນີໃຫ້ສອງປະເທດ ເພີ່ມທະວີການພົວພັນດ້ານການເມືອງ ໃນນັ້ນ ມີເລື່ອງແລກປ່ຽນຄະນະຜູ້ແທນ, ເປັນຕົ້ນແມ່ນຄະນະຜູ້ແທນຂັ້ນສູງ, ຊຸກຍູ້ການພົວພັນລະຫວ່າງ ພັກກອມມູນິດ ຫວຽດນາມ ກັບບັນດາພັກການເມືອງ ຢູ່ ເຢຍລະມັນ, ຍົກສູງການຮ່ວມມືລະຫວ່າງສອງປະເທດກ່ຽວກັບການລົງທຶນ, ການຄ້າ, ວິທະຍາສາດ, ເຕັກໂນໂລຊີ, ການສຶກສາ, ການປ້ອງກັນຊາດ ປ້ອງກັນຄວາມສະຫງົບໃຫ້ຂຶ້ນສູ່ລະດັບສູງໃຫມ່.
  ທ່ານເລຂາທິການໃຫຍ່ ຫງວຽນຟູຈ້ອງ ໂອ້ລົມທາງໂທລະສັບກັບທ່ານນາຍົກລັດຖະມົນຕີເຢຍລະມັນ Olaf Scholz (ພາບ: VTV)  

 ທ່ານເລຂາທິການໃຫຍ່ ກໍ່ສະເຫນີ ລັດຖະບານ ເຢຍລະມັນ ສືບຕໍ່ເອົາໃຈໃສ່ສ້າງເງື່ອນໄຂສະດວກໃຫ້ແກ່ຊາວ ຫວຽດນາມ ອາໄສຢູ່ ເຢຍລະມັນໃນການດຳລົງຊີວິດ ແລະ ເຮັດວຽກ.

ທ່ານເລຂາທິການໃຫຍ່ ຫງວຽນຟູຈ້ອງ ແລະ ທ່ານນາຍົກລັດຖະມົນຕີ ເຢຍລະມັນ ກໍ່ໄດ້ແລກປ່ຽນບາງບັນຫາພາກພື້ນ ແລະ ສາກົນ ຊື່ງຕ່າງຝ່າຍຕ່າງມີຄວາມສົນໃຈ. ການນຳສອງທ່ານ ເຫັນດີ ຈະຊີ້ນຳການຊຸກຍູ້ການຮ່ວມມືໃນບັນດາຂົງເຂດຊື່ງສອງປະເທດຕ່າງມີຄວາມສົນໃຈໃນໄລຍະຈະມາເຖິງ.

ທ່ານນາຍົກລັດຖະມົນຕີ ເຢຍລະມັນ Olaf Scholz  ຢືນຢັນ: ເຢຍລະມັນ ຖື ການພົວພັນຄູ່ຮ່ວມມືຍຸດທະສາດ ເຢຍລະມັນ - ຫວຽດນາມ ພວມພັດທະນາອັນດີງາມເປັນສຳຄັນ, ມີຫລາຍຄວາມສາມາດບົ່ມຊ້ອນເພື່ອສືບຕໍ່ພັດທະນາຢ່າງແຮງ. ທ່ານນາຍົກລັດຖະມົນຕີ ສະເຫນີໃຫ້ສອງປະເທດຍູ້ແຮງການຮ່ວມມືດ້ານການເມືອງສອງຝ່າຍ ແລະ ຢູ່ບັນດາເວທີປາໄສສາກົນ, ເພີ່ມທະວີການຮ່ວມມືດ້ານເສດຖະກິດ, ໃນນັ້ນ ເສີມຂະຫຍາຍທ່າແຮງຂອງ ສັນຍາການຄ້າເສລີ ຫວຽດນາມ - ອີຢູ (EVFTA) ແລະ ຊຸກຍູ້ບັນດາໂຄງການຂອງ ເຢຍລະມັນ ຢູ່ ຫວຽດນາມ, ຮັບມືກັບການປ່ຽນແປງຂອງດິນຟ້າອາກາດ ແລະ ການປ້ອງກັນຕ້ານໂລກລະບາດໂຄວິດ 19.

(ແຫຼ່ງຄັດຈາກ VOV)

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

Top