ທ່ານເລຂາທິການໃຫຍ່ຫງວຽນຟຸຈ້ອງໃຫ້ການຕ້ອນຮັບປະທານາທິບໍດີອາເມລິກາ Donald Trump
(ພາບ: TTXVN)
ທີ່ການຕ້ອນຮັບ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ຊົມເຊີຍ ແລະ ຕີລາຄາສູງ ການຢ້ຽມຢາມຫວຽດນາມ ຂອງປະທານາທິບໍດີ Donald Trump ແລະ ຖືວ່າ, ການຢ້ຽມຢາມ ແມ່ນມີຄວາມໝາຍສຳຄັນ, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນ 2 ຝ່າຍຫວຽດນາມ - ອາເມລິກາ ແລະ ເພື່ອຜົນສຳເລັດຂອງກອງປະຊຸມສຸດຍອດ APEC 2017 ໂດຍຫວຽດນາມ ເປັນເຈົ້າພາບຈັດຕັ້ງ. ທ່ານເລຂາທິການໃຫຍ່ ຫງວຽນຟຸຈ້ອງ ສະເໜີໃຫ້ 2 ຝ່າຍຈົ່ງສືບຕໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ພົບປະແລກປ່ຽນຂັ້ນສູງ, ຍູ້ແຮງການຮ່ວມມືທາງດ້ານການສຶກສາ, ພັດທະນາແຫຼ່ງຊັບພະຍາກອນມະນຸດ, ວິທະຍາດສາດ ເຕັກໂນໂລຊີ, ສົມທົບກັນໃນເວທີປາໄສຫຼາຍຝ່າຍ. ທ່ານເລຂາທິການໃຫຍ່ ຫງວຽນຟຸຈ້ອງ ເຊື່ອໝັ້ນວ່າ, ການພົນພັນລະຫວ່າງຫວຽດນາມ - ອາເມລິກາ ຈະສືບຕໍ່ພັດມະນາຢ່າງດີງາມ ໃນໄລຍະຈະມາເຖິງ.
ສ່ວນທ່ານປະທານາທິບໍດີອາເມລິກາ Donald Trump ໄດ້ສະແດງຄວາມປະທັບໃຈຢ່າງເລິກເຊິ່ງ ກ່ຽວກັບປະເທດຊາດ, ປະຊາຊົນຫວຽດນາມ ແລະ ບັນດາຜົນງານທີ່ຫວຽດນາມ ຍາດມາໄດ້. ທ່ານໄດ້ແຈ້ງໃຫ້ທ່ານເລຂາທິການໃຫຍ່ ຫງວຽນຟຸຈ້ອງ ຊາບ ກ່ຽວກັບໝາກຜົນບັນດາການເຈລະຈາ, ແລກປ່ຽນກັບທ່ານປະທາປະເທດ ເຈີ່ນດ້າຍກວາງ. ທ່ານຖືວ່າ, ລະດັບມູນຄ່າການສົ່ງອອກເກີນດຸ່ນໄປຍັງອາເມລິກາ ຂອງຫວຽດນາມ ແມ່ນຫຼັກຖານສະແດງໃຫ້ເຫັນວ່າ ຫວຽດນາມ ໄດ້ບັນລຸປະສິດທິຜົນກວ່າເກົ່າໃນການຮ່ວມມື 2 ຝ່າຍ ໃນໄລຍະທີ່ຜ່ານມາ ແລະ ສະແດງຄວາມຫວັງ ຢາກໃຫ້ຫວຽດນາມ ເພີ່ມທະວີການນຳເຂົ້າບັນດາປະເພດສິນຄ້າ ທີ່ອາເມລິກາ ມີທ່າດີ ແລະ ທ່າແຮງບົ່ມຊ້ອນ ເພື່ອກ້າວໄປເຖິງການດຸ່ນດ່ຽງທາງດ້ານການຄ້າກວ່າເກົ່າ, ພ້ອມທັງຍູ້ແຮງການຮ່ວມມືໃນຂົງເຂດຕ່າງໆ.
(ແຫຼ່ງຄັດຈາກ VOV)
