ຂ່າວສານ
ທ່ານຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນ ມອບຂອງຂວັນບຸນປີໃໝ່ໃຫ້ຄອບຄົວນະໂຍບາຍຢູ່ ອານຢາງ
ຕອນເຊົ້າວັນທີ 29 ທັນວາ, ໃນການໄປປະຕິບັດງານຢູ່ແຂວງ ອານຢາງ, ທ່ານຮອງປະທານຜູ້ປະຈຳການສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ໄດ້ໄປຢ້ຽມຢາມ, ອວຍພອນປີໃໝ່ ແລະ ມອບຂອງຂວັນໃຫ້ບັນດາຄອບຄົວນະໂຍບາຍໃນບໍລິເວນນະຄອນ ລອງຊວຽນ.
ທີ່ການພົບປະ, ທ່ານ ເຈິ່ນແທັງເໝີ້ນ ຢືນຢັນວ່າ, ພັກ, ລັດ, ປະຊາຊົນ ຍາມໃດກໍ່ຈົດຈຳບຸນຄຸນ, ການເສຍສະຫຼະຢ່າງໃຫຍ່ຫຼວງຂອງບັນດາຄອບຄົວນະໂຍບາຍ, ຄອບຄົວມີຄຸນງາມຄວາມດີໃນການຕໍ່ສູ້ກູ້ຊາດຄັ້ງຕ່າງໆ ແລະ ໃນພາລະກິດພັດທະນາປະເທດຊາດ. ພ້ອມທັງສະເໜີໃຫ້ແຂວງ ອານຢາງ ກະກຽມເງື່ອນໄຂທີ່ດີເພື່ອຮັບໃຊ້ປະຊາຊົນຕ້ອນຮັບບຸນປີໃໝ່ຢ່າງປອດໄພ, ປະຢັດ; ຜັນຂະຫຍາຍວຽກງານປ້ອງກັນ, ຕ້ານໂລກລະບາດໂຄວິດ-19, ແຜນການຟື້ນຟູ ແລະ ພັດທະນາເສດຖະກິດ- ສັງຄົມຢ່າງມີປະສິດທິຜົນ.
ພ້ອມກັນນັ້ນ, ແຂວງ ອານຢາງ ຕ້ອງສືບຕໍ່ລະດົມທຸກແຫຼ່ງກຳລັງເພື່ອເບິ່ງແຍງດູແລໃຫ້ແກ່ປະຊາຊົນ; ປະຕິບັດວຽກງານຮັບປະກັນຊີວິດສັງຄົມ, ຫຼຸດຜ່ອນຄວາມທຸກຍາກ, ໂດຍສະເພາະແມ່ນສຳລັບພໍ່ແມ່ປະຊາຊົນເຂດພູດອຍ, ເຂດຊາຍແດນ, ເຂດຊົນເຜົ່າສ່ວນໜ້ອຍ ແລະ ເຂດປະສົບກັບຄວາມຫຍຸ້ງຍາກພິເສດ.
(ແຫຼ່ງຄັດຈາກ VOV)
