• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຢ້ຽມຢາມ ຣູມານີ ຢ່າງເປັນທາງການ

 ໂດຍໄດ້ຮັບຄຳເຊີນຂອງທ່ານລັດຖະມົນຕີກະຊວງການຕ່າງປະເທດ ຣູມານີ Teodor Melescanu, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມິງ ໄດ້ໄປຢ້ຽມຢາມ ຣູມານີ ຢ່າງເປັນທາງການແຕ່ວັນທີ 06 – 07 ກໍລະກົດ.
ທີ່ການພົບປະກັບທ່ານນາງຮອງປະທານສະພາຕ່ຳ ຣູມານີ Mihalcescu, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຢືນຢັນວ່າ ລັດຖະບານ ຫວຽດນາມ ປາດຖະໜາຢາກສືບຕໍ່ປັບປຸງ ແລະ ພັດທະນາການພົວພັນທຸກດ້ານກັບ ຣູມານີ, ເປັນຕົ້ນແມ່ນໃນຂົງເຂດເສດຖະກິດ - ການຄ້າ - ການລົງທຶນ ແລະ ໃນບັນດາຂົງເຂດທີ່ 2 ປະເທດ ສາມາດໜູນຊ່ວຍໃຫ້ກັນໄດ້. ສ່ວນທ່ານນາງຮອງປະທານສະພາຕ່ຳ ຣູມານີ Mihalcescu ຢືນຢັນວ່າ: ຈະສະໜັບສະໜູນລັດຖະບານ 2 ປະເທດ ພັດທະນາການຮ່ວມມື 2 ຝ່າຍຢ່າງຮອບດ້ານ, ສະພາແຫ່ງຊາດ ຣູມານີ ສະໜັບສະໜູນການລົງນາມໃນສັນຍາການຄ້າເສລີ ຫວຽດນາມ - ອີຢູ (EVFTA) ໂດຍໄວ ແລະ ຈະໃຫ້ສັດຕະຍາບັນສັນຍາປົກປ້ອງການລົງທຶນ (IPA) ພາຍຫລັງສັນຍາດັ່ງກ່າວໄດ້ລົງນາມຢ່າງເປັນທາງການ.

ທ່ານຮອງນາຍົກລັດຖະມົນຕີ ຟ້າມບີ່ງມິງ ແລະ ທ່ານນາງຮອງປະທານສະພາຕ່ຳ Carmen Ileana Mihalcescu (ພາບ: ກະຊວງການຕ່າງປະເທດ)
ທີ່ການພົບປະເຈລະຈາກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ, ທ່ານລັດຖະມົນຕີການຕ່າງປະເທດ ຣູມານີ Teodor Melescanu ຢືນຢັນວ່າ: ຫວຽດນາມ ໄດ້ ແລະ ພວມເປັນຄູ່ຮ່ວມມືສຳຄັນຂອງ ຣູມານີ ຢູ່ ອາຊີ ແລະ ອາຊີຕາເວັນອອກສ່ຽງໃຕ້; ທ່ານປາດຖະໜາວ່າ 2 ຝ່າຍຈະພ້ອມກັນມານະພະຍາຍາມເພື່ອນຳການພົວພັນຮ່ວມມື 2 ປະເທດພັດທະນາຢ່າງມີປະສິດທິຜົນ ແລະ ແທດຈິງໃນທຸຫດ້ານ. ສ່ວນທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ສະເໜີລັດຖະບານ ຣູມານີ ສ້າງເງື່ອນໄຂໃຫ້ປະຊາຄົມຊາວ ຫວຽດນາມ ອາໄສຢູ່ ຣູມານີ ດຳລົງຊີວິດ, ທຳມາຫາກິນ, ເຊື່ອມໂຍງ ແລະ ປະກອບສ່ວນໃຫ້ແກ່ປະເທດປະຈຳຖິ່ນ ກໍ່ຄືປະກອບສ່ວນໃຫ້ແກ່ການພົວພັນມິດຕະພາບລະຫວ່າງ 2 ປະເທດ, 2 ຊາດພັດທະນາຢ່າງດີງາມ.

ທ່ານຮອງນາຍົກລັດຖະມົນຕີ ຟ້າມບີ່ງມິງ  ແລະ ທ່ານລັດຖະມົນຕີການຕ່າງປະເທດTeodor Melescanu (ພາບ: ກະຊວງການຕ່າງປະເທດ)
ທີ່ການພົບປະກັບທ່ານນາງນາຍົກລັດຖະມົນຕີ ຣູມານີ Viorica Dancila, 2 ຝ່າຍໄດ້ເຫັນດີເປັນເອກະພາບເພື່ອນຳການພົວພັນເສດຖະກິດ - ການຄ້າໃຫ້ເໝາະສົມກັບການພົວພັນດ້ານການເມືອງ - ການຕ່າງປະເທດ ກໍ່ຄືຄວາມສາມາດບົ່ມຊ້ອນ ແລະ ຄວາມມຸ່ງມາດປາດຖະໜາຂອງ 2 ຝ່າຍ. ແກ້ໄຂບັນດາສິ່ງຕິດຂັດໃນການຮ່ວມມືເສດຖະກິດ, ໃນນັ້ນ ໄດ້ເນັ້ນໜັກເຖິງຄວາມສຳຄັນຂອງກົນໄກຄະນະກຳມະການຮ່ວມມືລະຫວ່າງລັດຖະບານ 2 ປະເທດ.
ທ່ານຮອງນາຍົກລັດຖະມົນຕີ ຟ້າມບີ່ງມິງ ພົບປະກັບທ່ານນາງນາຍົກລັດຖະມົນຕີ ຣູມານີ Viorica Dancila
ແລະກໍ່ໃນວັນທີ 06 ກໍລະກົດ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມິງ ໄດ້ໄປຢ້ຽມຢາມສະຖານທູດ ຫວຽດນາມ ປະຈຳ ຣູມານີ.
(ແຫຼ່ງຄັດຈາກ VOV)

Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ)

Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ)

ດ້ວຍຈຳນວນເຮືອບິນກ່ວາ 105 ລຳ ແລະ ຈຳນວນຜູ້ໂດຍສານເພີ່ມຂຶ້ນຢ່າງຕໍ່ເນື່ອງໃນແຕ່ລະປີ, Vietjet ພວມຕັ້ງໜ້າເປີດກ້ວາງສາຍການບິນອອກສູ່ບັນດາທະວີບ, ພັດທະນາຈຸບິນໃໝ່ ແລະ ທັນສະໄໝ ພ້ອມກັບຄູ່ຮ່ວມມືຍຸດທະສາດ.

Top