ຕອນຄ່ຳວັນທີ 02 ທັນວາ, ຢູ່ຮ່າໂນ້ຍ, ສູນກາງສະມາຄົມຊາວກະສິກອນ ຫວຽດນາມ ໄດ້ຈັດພິທີເຊີດຊູ ແລະ ມອບນາມມະຍົດ “ຊາວກະສິກອນ ຫວຽດນາມ ດີເດັ່ນ” ປີ 2021 ຢ່າງສົມກຽດ. ນີ້ແມ່ນການເຄື່ອນໄຫວປະຈຳປີຂອງສະມາຄົມຊາວກະສິກອນ ຫວຽດນາມ ເພື່ອແນໃສ່ເຊີດຊູບັນດາແບບຢ່າງຊາວກະສິກອນດີເດັ່ນກ້າວໜ້າ, ມີຫົວຄິດປະດິດສ້າງ, ອຸທິດສ່ວນໃນການອອກແຮງງານ, ຜະລິດ, ສ້າງຊົນນະບົດໃໝ່ ແລະ ປົກປັກຮັກສາອະທິປະໄຕຄວາມໝັ້ນຄົງຂອງປະເທດຊາດ.
ນີ້ແມ່ນຄັ້ງທີ 9 ສູນກາງສະມາຄົມຊາວກະສິກອນ ຫວຽດນາມ ເປັນເຈົ້າພາບ ຈັດພິທີເຊີດຊູ ແລະ ມອບນາມມະຍົດ “ຊາວກະສິກອນ ຫວຽດນາມ ດີເດັ່ນ”. ທີ່ພິທີ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ພ້ອມກັບການນຳສະມາຄົມຊາວກະສິກອນ ຫວຽດນາມ, ການນຳບາງອົງການ, ຄະນະ, ຂະແໜງການ ໄດ້ມອບນາມມະຍົດ ຊາວກະສິກອນ ຫວຽດນາມ ດີເດັ່ນປີ 2021 ໃຫ້ຊາວກະສິກອນ 63 ຄົນ ທີ່ມີຜົນງານດີເດັ່ນໃນການເຄື່ອນໄຫວຜະລິດກະສິກຳ.
(ແຫຼ່ງຄັດຈາກ VOV)
