ຂ່າວສານ

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ພົບປະກັບຄະນະນັກກິລາ ຫວຽດນາມ

23/12/2019

ກ່າວຄຳເຫັນທີ່ການພົບປະກັບຄະນະນັກກິລາ ຫວຽດນາມເຂົ້າຮ່ວມ Sea Games ຄັ້ງທີ 30, ໃນຕອນເຊົ້າວັນທີ 22 ທັນວາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊັວນຟຸກ ໄດ້ສະແດງຄວາມຊົມເຊີຍຄະນະນັກກິລາ ຫວຽດນາມ ກ່ຽວກັບບັນດາຜົນງານດີເດັ່ນທີ່ບັນລຸໄດ້ໃນ Sea Games ຄັ້ງທີ 30.

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ມອບຂອງຂວັນໃຫ້ແກ່ຄະນະນັກກິລາ ຫວຽດນາມ
(ພາບ: VGP)

ທ່ານນາຍົກລັດຖະມົນຕີ ເນັ້ນໜັກວ່າ ນີ້ແມ່ນ Sea Games ຄັ້ງປະຫວັດສາດເປັນໜ້າຈົດຈຳທີ່ສຸດຂອງຄະນະນັກກິລາ ແລະ ຢັ້ງຢືນວ່າ ບັນດາຫຼຽນໄຊທັງໝົດເຊິ່ງແຕ່ລະໝູ່ຄະນະ, ສ່ວນບຸກຄົນບັນລຸໄດ້ລ້ວນແຕ່ເປັນໜ້າເຄົາລົບ, ລ້ວນແຕ່ແມ່ນ ຢາດເຫື່ອ ແລະ ກຳລັງແຮງຂອງທຸກຄົນ. ທ່ານກ່າວວ່າ:

ມີກິລາບາງປະເພດຫາກໍ່ພັດທະນາຢູ່ ຫວຽດນາມ ແຕ່ກໍ່ສາມາດບັນລຸໄດ້ໝາກຜົນດີເດັ່ນ. ມີຫຼາຍແບບຢ່າງ, ເຖິງວ່າ ຮ່າງກາຍໄດ້ຮັບບາດເຈັບກໍ່ຕາມແຕ່ກໍ່ບໍ່ຍອມແພ້. ບັນດາຮູບພາບດັ່ງກ່າວໄດ້ສ້າງຄວາມຕື້ນຕັນໃຈເປັນຢ່າງຍິ່ງ.
ທ່ານນາຍົກລັດຖະມົນຕີ ເນັ້ນໜັກວ່າ, Sea Games ຄັ້ງນີ້ ແມ່ນເປັນໜ້າຈົດຈຳ, ນຳມາເຊິ່ງ ຄວາມເອກອ້າງທະນົງໃຈໃຫ້ແກ່ປະເທດຊາດ, ສ້າງບັນຍາກາດເບີກບານມ່ວນຊື່ນ ໃນໝູ່ປະຊາຊົນ.

(ແຫຼ່ງຄັດຈາກ VOV)

ຄະນະຜູ້ແທນຂັ້ນສູງ ລາວ, ກຳປູເຈຍ ຈະເຂົ້າຮ່ວມພິທີສະເຫຼີມສະຫຼອງ 50 ປີ ແຫ່ງວັນປົດປ່ອຍພາກໃຕ້

28/04/2025
ຂ່າວສານ

ຄະນະຜູ້ແທນຂັ້ນສູງພັກ ແລະ ລັດ ລາວ ໂດຍທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ທອງລຸນ ສີສຸດລິດ ຈະນຳໜ້າຄະນະມາເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັດປົດປ່ອຍພາກໃຕ້ ຫວຽດນາມ, ທ້ອນໂຮມປະເທດຊາດເປັນເອກະພາບ ແຕ່ວັນທີ 28 – 30 ເມສາ 2025;