• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫງວຽນຊວັນຟຸກ ເຮັດວຽກກັບໜ່ວຍງານທີ່ປຶກສາດ້ານເສດຖະກິດ

      ຕອນບ່າຍວັນທີ 20 ມັງກອນ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຮັດວຽກກັບໜ່ວຍງານທີ່ປຶກສາດ້ານເສດຖະກິດ.

ທ່ານນາຍົກລັດຖະມົນຕີ ຫງວຽນຊວັນຟຸກ ເຮັດວຽກກັບໜ່ວຍງານທີ່ປຶກສາດ້ານເສດຖະກິດ (ພາບ: TTXVN)
      ທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນຊວັກຟຸກ ສະເໜີວ່າ ໜ່ວຍງານທີ່ປຶກສາຈົ່ງປຶກສາຫາລືບັນດາມາດຕະການເສີມຂະຫຍາຍພູມປັນຍາ, ປະກອບສ່ວນໃຫ້ລັດຖະບານໃນການປະຕິບັດແຜນການທີ່ໄດ້ວາງອອກ, ເພື່ອບັນລຸໄດ້ໝາກຜົນສູງກ່ວາໃນປີ 2020. ທ່ານນາຍົກລັດຖະມົນຕີປາດຖະໜາວ່າ ໜ່ວຍງານທີ່ປຶກສາດ້ານເສດຖະກິດຈະເປັນເສນາທິການ, ອຸທິດສ່ວນເພື່ອຊ່ວຍພື້ນຖານເສດຖະກິດປະເທດຊາດເຕີບໂຕສູງໃນຊຸມປີຈະມາເຖິງ ແລະ ມີກຳລັງແຮງໃໝ່ ເພື່ອຫລຸດພົ້ນອອກຈາກລະດັບລາຍຮັບປານກາງ, ທ່ານສະເໜີໜ່ວຍງານຄວນຕິດຕາມກວດກາສະພາບການເສດຖະກິດພາຍໃນປະເທດ ແລະ ຕ່າງປະເທດຢ່າງໃກ້ຊິດ ເພື່ອພົບເຫັນບັນຫາໃໝ່ຢ່າງທັນການ, ເປັນເສນາທິການໃຫ້ແກ່ນາຍົກລັດຖະມົນຕີ, ເປັນຕົ້ນແມ່ນບັນດາມາດຕະການແກ້ໄຂ, ດັດປັບນະໂຍບາຍ ເພື່ອບັນລຸໄດ້ຄາດໝາຍ, ໝາກຜົນທີ່ໄດ້ວາງອອກ. ພ້ອມກັນນັ້ນ, ໜ່ວຍງານຄວນປະກອບຄຳເຫັນກ່ຽວກັບຍຸດທະສາດການພັດທະນາຢ່າງເລິກເຊິ່ງກ່ວາ, ມີວິໄສທັດຍາວໄກ, ເປັນຕົ້ນແມ່ນຕິດພັນກັບແຜນການ 2021 – 2025; ຕັ້ງໜ້າເຂົ້າຮ່ວມປະກອບຄຳເຫັນສ້າງລະບຽບນະໂຍບາຍ, ກົດໝາຍ, ພິເສດແມ່ນການພົບເຫັນຈຸດຄ້າງຄາຄວນແກ້ໄຂ.
ແລະກໍ່ໃນຕອນບ່າຍວັນທີ 21 ມັງກອນ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ໄດ້ລົງກວດກາວຽກງານປະຈຳການ, ກຽມພ້ອມສູ້ຮົບ ແລະ ອວຍພອນບຸນເຕັດກຳລັງຕຳຫຼວດເຄື່ອນທີ່. ຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຮຽກຮ້ອງໃຫ້ກຳລັງຕຳຫຼວດປະຊາຊົນເວົ້າລວມ, ກຳລັງຕຳຫຼວດເຄື່ອນທີ່ເວົ້າສະເພາະ ໃນບໍ່ວ່າສະພາບການໃດ ກໍ່ຕ້ອງປົກປັກຮັກສາອະທິປະໄຕແຫ່ງຊາດ ແລະ ຮັກສາສະຖຽນລະພາບດ້ານການເມືອງ, ສັງຄົມ, ສ້າງສະພາບແວດລ້ອມແຫ່ງສັນຕິພາບ ແລະ ສ້າງເງື່ອນໄຂສະດວກເພື່ອສ້າງສາປະເທດຊາດໃຫ້ພັດທະນາ.
 (ແຫຼ່ງຄັດຈາກ VOV)

ສະພາແຫ່ງຊາດເລືອກຕັ້ງທ່ານພົນເອກ ໂຕເລິມ ດຳລົງຕຳແໜ່ງປະທານປະເທດ ຫວຽດນາມ

ສະພາແຫ່ງຊາດເລືອກຕັ້ງທ່ານພົນເອກ ໂຕເລິມ ດຳລົງຕຳແໜ່ງປະທານປະເທດ ຫວຽດນາມ

ທ່ານ ໂຕເລິມ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ, ສະມາຊິກສະພາແຫ່ງຊາດຊຸດທີ XV, ໄດ້ຮັບເລືອກຕັ້ງດຳລົງຕຳແໜ່ງປະທານປະເທດ ຫວຽດນາມ ອາຍຸການ 2021 – 2026.

Top