• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫງວຽນຊວັນຟຸກ ຍ້ອງຍໍຊົມເຊີຍຄະນະພັກການທະຫານສູນກາງ ແລະ ກະຊວງປ້ອງກັນປະເທດ ໃນການປ້ອງກັນ, ສະກັດກັ້ນໂລກລະບາດໂຄວິດ - 19

      ວັນທີີ 24 ມິຖຸນາ ຢູ່ຮ່າໂນ້ຍ, ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ຈັດຕັ້ງກອງປະຊຸມການເມືອງການທະຫານທົ່ວກອງທັບ ໄລຍະ 6 ເດືອນຕົ້ນປີ 2020.

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ (ພາບ: baochinhphu.vn)
      ເຂົ້າຮ່ວມ ແລະ ກ່າວຄໍາເຫັນຊີ້ນໍາກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ  ໄດ້ຍ້ອງຍໍຊົມເຊີຍ ຄະນະພັກການທະຫານສູນກາງ ແລະ ກະຊວງປ້ອງກັນປະເທດ ໄດ້ຊີ້ນໍາ, ນໍາພາທົ່ວກອງທັບຜັນຂະຫຍາຍໜ້າທີ່ຢ່າງຮອບດ້ານ. ພິເສດແມ່ນກອງທັບໄດ້ເສີມຂະຫຍາຍບົດບາດຫຼັກແຫຼ່ງແກ່ນສານ, ນໍາໜ້າໃນການປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ເປັນຢ່າງດີ. ເມື່ອເຕື້ອງເຖິງໜ້າທີວຽກງານໃນ 6 ເດືອນທ້າຍປີ, ທ່ານນາຍົກລັດຖະມົນຕີ ຫງວຽນຊວັນຟຸກ ສະເໜີໃຫ້ ຄະນະພັກການທະຫານສູນກາງ ແລະ ກະຊວງປ້ອງກັນປະເທດ ຊີີ້ນໍາ, ນໍາພາວຽກງານກະກຽມ, ຈັດຕັ້ງກອງປະຊຸມໃຫຍ່ອົງຄະນະພັກຂັ້ນຕ່າງໆໃນກອງທັບໃຫ້ເປັນຢ່າງດີ ເພື່ອກ້າວໄປເຖິງກອງປະຊຸມໃຫຍ່ອົງຄະນະພັກ ຂອງກອງທັບ ຄັ້ງທີີ 11 ໃຫ້ເປັນແບບຢ່າງດີເດັ່ນຢ່າງແທ້ຈິງໃນທົ່ວພັກ. ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ ນັບແຕ່ນີ້ຈົນຮອດທ້າຍປີ, ປະເທດຊາດຈະສືບຕໍ່ປະເຊີນໜ້າກັບສິ່ງທ້າທາຍກ່ຽວກັບການປົກປັກຮັກສາອະທິປະໄຕທະເລ, ໝູ່ເກາະ ແລະ ຄວາມໝັ້ນຄົງແບບໃໝ່. ສະນັ້ນ, ບັນດາກໍາລັງໃນທົ່ວກອງທັບຕ້ອງຮັກສາທ່າກຽມພ້ອມສູ້ຮົບຢ່າງເຂັ້ມງວດ, ຄຸ້ມຄອງເຂດນ່ານຟ້າ, ນ່ານທະເລ, ຊາຍແດນ, ລະບົບອິນເຕີເນັດ ແລະ ບັນດາບໍລິເວນຈຸດສຸມໃຫ້ແໜ້ນແຟ້ນ ເພື່ອກຽມພ້ອມແກ້ໄຂບັນດາກໍລະນີໃຫ້ເປັນຢ່າງດີ, ປະກອບສ່ວນສໍາຄັນພ້ອມກັບທົ່ວພັກ, ທົ່ວປວງຊົນ ປົກປັກຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ.
 (ແຫຼ່ງຄັດຈາກ VOV)

ໄຂກອງປະຊຸມຄັ້ງທີ 6 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII

ໄຂກອງປະຊຸມຄັ້ງທີ 6 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII

ສະພາບການເສດຖະກິດ - ສັງຄົມ, ງົບປະມານແຫ່ງລັດປີ 2022, ແຜນພັດທະນາເສດຖະກິດ - ສັງຄົມ, ແຜນງົບປະມານແຫ່ງລັດປີ 2023 ແລະ ແຜນການການເງິນ - ງົບປະມານແຫ່ງລັດໄລຍະ 3 ປີ.

Top