ຂ່າວສານ
ທ່ານນາຍົກລັດຖະມົນຕີ ຟ້າມມິນຈິງ ຢ້ຽມຢາມແຂວງ ບັກຢາງ ແລະ ບັກນິງ- 2 ແຂວງຖືກຜົນສະທ້ອນຫຼາຍທີ່ສຸດຈາກໂລກລະບາດໂຄວິດ-19
ຕອນບ່າຍວັນທີ 29 ພຶດສະພາ, ທ່ານນາຍົກລັດຖະມົນຕີ ຟ້າມມິນຈິງ ໄດ້ໄປຢ້ຽມຢາມ ແລະ ເຮັດວຽກກັບການນຳແຂວງ ບັກຢາງ ແລະ ບັກນິງ, ເຊິ່ງແມ່ນ 2 ທ້ອງຖິ່ນພວມຖືກຜົນສະທ້ອນຫຼາຍທີ່ສຸດຍ້ອນໂລກລະບາດໂຄວິດ-19 ດ້ວຍຈຳນວນຜູ້ຕິດເຊື້ອພະຍາດຂຶ້ນເຖິງ 1.880 ຄົນ ຢູ່ແຂວງ ບັກຢາງ ແລະ ກວ່າ 730 ຄົນຢູ່ແຂວງ ບັກນິງ.
ຢູ່ແຂວງ ບັກຢາງ, ບັນດາສະມາຊິກລັດຖະບານ ແລະ ລັດຖະມົນຕີໄດ້ຕອບບັນດາຂໍ້ສະເໜີຂອງການນຳແຂວງ ສຳລັບເລື່ອງເພີ່ມກຳລັງປ້ອງກັນ, ຕ້ານໂລກລະບາດ, ສັກວັກຊິນກັນໂຄວິດ-19, ນຳໃຊ້ເຕັກໂນໂລຊີໃນການປ້ອງກັນ, ຕ້ານໂລກລະບາດ, ຊ່ວຍທາງແຂວງແກ້ໄຂບັນດາຄວາມຫຍຸ້ງຍາກໃນການສົ່ງອອກໝາກລິນຈີ່ ແລະ ຍູ້ແຮງການຈຳໜ່າຍຢູ່ພາຍໃນປະເທດ… ກ່າວຄຳເຫັນສະຫຼຸບ, ທ່ານນາຍົກລັດຖະມົນຕີ ຟ້າມມິນຈິງ ຢືນຢັນວ່າ, ເພື່ອບັນລຸໄດ້ຜົນສຳເລັດໃນວຽກງານປ້ອງກັນ, ຕ້ານໂລກລະບາດ, ຕ້ອງລະດົມການເຂົ້າຮ່ວມຂອງລະບົບການເມືອງຮາກຖານ. ທ່ານນາຍົກລັດຖະມົນຕີ ກໍ່ເຫັນດີຕໍ່ກັບການນຳໃຊ້ເຕັກໂນໂລຊີສ້າງຮາກຖານຂໍ້ມູນ ເພື່ອແນໃສ່ຊ່ວຍເພີ່ມທະວີກຳລັງຕິດກຕາມ, ຄຸ້ມຄອງໃນການປ້ອງກັນ, ຕ້ານໂລກລະບາດ.
ແລະກໍ່ໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຟ້າມມິນຈິງ ໄດ້ລົງໄປແຂວງ ບັກນິງ, ຢູ່ທີ່ນີ້, ທ່ານນາຍົກລັດຖະມົນຕີ ຮຽກຮ້ອງໃຫ້ແຂວງ ບັກນິງ ຈົ່ງສືບຕໍ່ຜັນຂະຫຍາຍບັນດາມາດຕະການປ້ອງກັນ, ຕ້ານໂລກລະບາດໃນຂອບເຂດກວ້າງກວ່າ; ຍູ້ແຮງການວິໄຈໃຫ້ແກ່ກຳມະກອນຢູ່ບັນດາເຂດອຸດສາະກຳ ແລະ ເຂດມີຄວາມສ່ຽງສູງ; ເສີມຂະຫຍາຍບົດບາດຂອງລະບົບການເມືອງຂັ້ນຮາກຖານໃນການປ້ອງກັນ, ຕ້ານໂລກລະບາດກັບທີ່.
ໃນເຫດການທີ່ກ່ຽວຂ້ອງ, ໂດຍຕອບສະໜອງຄຳຮຽກຮ້ອງຂອງທ່ານລັດຖະມົນຕີກະຊວງສາທາລະນະສຸກ ຫງວຽນແທັງລອງ, ຮອດຕອນບ່າຍວັນທີ 29 ພຶດສະພາ, ມີພະນັກງານການແພດ, ນັກສຶກສາຢູ່ບັນດາໂຮງໝໍແພດສາດ 25.680 ຄົນ ກຽມພ້ອມໄປໜູນຊ່ວຍ 2 ແຂວງ ບັກຢາງ ແລະ ບັກນິງ.
(ແຫຼ່ງຄັດຈາກ VOV)
