• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຟ້າມມິງຈິ້ງ ສິ້ນສຸດການເຂົ້າຮ່ວມກອງປະຊຸມບັນດາການນຳ ອາຊຽນ ຢ່າງຈົບງາມ

ທ່ານນາຍົກລັດຖະມົນຕີ ຟ້າມມິງຈິ້ງ ເຂົ້າຮ່ວມກອງປະຊຸມບັນດາການນຳ ອາຊຽນ. ພາບ: ເຢືອງຢາງ/VNA
ຕອນເຊົ້າວັນທີ 25 ເມສາ 2021, ທ່ານນາຍົກລັດຖະມົນຕີ ຟ້າມມິງຈິ້ງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ກັບມາເຖິງ ຮ່າໂນ້ຍ, ສິ້ນສຸດການເຂົ້າຮ່ວມກອງປະຊຸມບັນດາການນຳ ອາຊຽນ ຢູ່ ຈາກາຕາ, ອິນໂດເນເຊຍ ຢ່າງຈົບງາມ.

ໃນກອບຂອງກອງປະຊຸມຄັ້ງນີ້, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ມີການເຂົ້າຮ່ວມກອງປະຊຸມບັນດາການນຳ ອາຊຽນ; ພົບປະເຈລະຈາກັບທ່ານປະທານາທິບໍດີ ອິນໂດເນເຊຍ Joko Widodo; ພົບປະແລກປ່ຽນຄຳຄິດຄຳເຫັນກັບເຈົ້າຊີວິດ ບຣູໄນ Darussalam Haji Hassanal Bolkiah; ພົບປະສອງຝ່າຍກັບທ່ານນາຍົກລັດຖະມົນຕີ ກຳປູເຈຍ Hun Sen, ທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ, ທ່ານນາຍົກລັດຖະມົນຕີ ມາເລເຊຍ Muhyiddin Yassin; ຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi.

ທ່ີກອງປະຊຸມບັນດາການນຳ ອາຊຽນ, ທ່ານນາຍົກລັດຖະມົນຕີ ຟ້າມມິງຈິ້ງ ແລະ ບັນດາການນຳ ອາຊຽນ ໄດ້ສຸມໃສ່ແລກປ່ຽນກ່ຽວກັບ 3 ເນື້ອໃນຕົ້ນຕໍແມ່ນ ການຮ່ວມມືກໍ່ສ້າງປະຊາຄົມ ອາຊຽນ, ການພົວພັນກັບຕ່າງປະເທດຂອງ ອາຊຽນ ແລະ ບັນດາບັນຫາໃນພາກພື້ນ, ສາກົນ ພວມມີຄວາມສົນໃຈ. 

ທີ່ບັນດາການພົບປະສອງຝ່າຍ, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ຮັບຄວາມອວຍພອນຈາກການນຳ ບັນດາປະເທດ ອາຊຽນ ຕໍ່ເລື່ອງທ່ານນາຍົກລັດຖະມົນຕີ ຟ້າມມິງຈິ້ງ ຫາກໍ່ໄດ້ສະພາແຫ່ງຊາດ ຫວຽດນາມ ເລືອກຕັ້ງເປັນນາຍົກລັດຖະມົນຕີ ຄົນໃໝ່ຂອງ ຫວຽດນາມ; ອວຍພອນ ແລະ ສະແດງຄວາມນິຍົມ ຫວຽດນາມ ໃນວຽກງານປ້ອງກັນ ແລະ ຕ້ານໂລກລະບາດ ໂຄວິດ-19, ສຳເລັດບົດບາດທີ່ເປັນປະທານ ອາຊຽນ ປີ 2020 ແລະ ບັນດາຜົນງານດີເດັ່ນຕ່າງໆ ໃນດ້ານເສດຖະກິດ, ສັງຄົມ. ການນຳບັນດາປະເທດ ອາຊຽນ ໄດ້ຢັ້ງຢືນ ວ່າ ຖືການເພີ່ມທະວີການພົວພັນຮ່ວມມືມິດຕະພາບກັບ ຫວຽດນາມ ເປັນສິ່ງສຳຄັນ. 

ທີ່ບັນດາການພົບປະ, ທ່ານນາຍົກລັດຖະມົນຕີ ຟ້າມມິງຈິ້ງ ແລະ ການນຳບັນດາປະເທດ ອາຊຽນ ໄດ້ເປັນເອກະສັນກັນຈະສືບຕໍ່ພັດທະນາການພົວພັນຮ່ວມມືຫຼາຍດ້ານ ລະຫວ່າງ ບັນດາປະເທດຄື ຊຸກຍູ້ການລົງທຶນ, ການຄ້າສອງສົ້ນ, ເພີ່ມທະວີການຮ່ວມມືເທິງທະເລ, ການຮັບມືກັບໂລກລະບາດ ໂຄວິດ-19.
ປະຕິບັດ: VNA/VNP
 

ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ຊອ​ກ​ຫາ​ໄມ້​ງັດ​​ຊຸກ​ຍູ້, ບ​ອ​ນ​ອີ່ງ​ເພື່ອ​ໃຫ້​ແຂວງ​ທ້າຍ​ບິ່ງ​ເພີ່ມ​ທະ​ວີ​ຄວາມ​ໄວ, ບຸກ​ທະ​ລຸ​ໃນ​ໄລ​ຍະ​ຈະ​ມາ​ເຖິງ

ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ຊອ​ກ​ຫາ​ໄມ້​ງັດ​​ຊຸກ​ຍູ້, ບ​ອ​ນ​ອີ່ງ​ເພື່ອ​ໃຫ້​ແຂວງ​ທ້າຍ​ບິ່ງ​ເພີ່ມ​ທະ​ວີ​ຄວາມ​ໄວ, ບຸກ​ທະ​ລຸ​ໃນ​ໄລ​ຍະ​ຈະ​ມາ​ເຖິງ

ທ່ານນາຍົກລັດຖະມົນຕີ ຟ້າມມິງຈິງ ຕັກເຕືອນແຂວງທ້າຍບິ່ງຕ້ອງຄົ້ນຄ້ວາ, ຂຸດຄົ້ນທີ່ດິນຢ່າງມີປະສິດທິຜົນ, ເຮັດໃຫ້ໃໝ່ບັນດາກຳລັງໜູນເຕີບໂຕທີ່ມີຢູ່ແລ້ວ.

Top