ຕາມເວັບໄຊສະຖິຕິ ແລ້ວ, ໄລ່ຮອດເວລາ 1 ໂມງຂອງວັນທີ 23 ມັງກອນ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ລວມທັງໝົດ ເກືອບ 350 ລ້ານຄົນ, ໃນນັ້ນມີຜູ້ເສຍຊີວິດກ່ວາ 5,6 ລ້ານຄົນ. ອາເມລິກາ ຍັງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19 ກ່ຽວກັບຈຳນວນຜູ້ຕິດເຊື້ອ ແລະ ຜູ້ເສຍຊີວິດ.
ສ່ວນຢູ່ ຫວຽດນາມ, ນັບແຕ່ເວລາ16 ໂມງຂອງວັນທີ 22 ມັງກອນ ຫາເວລາ 16 ໂມງຂອງວັນທີ 23 ມັງກອນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ໃໝ່ຕື່ມອີກ 14.978 ຄົນ ຢູ່ 62 ແຂວງ, ນະຄອນ. ໃນນັ້ນ ຮ່າໂນ້ຍ ສືບຕໍ່ແມ່ນທທ້ອງຖິ່ນມີຈຳນວນຜູ້ຕິດເຊື້ອໃໝ່ສູງທີ່ສຸດໃນທົ່ວປະເທດ ດວ້ຍຈຳນວນຜູ້ຕິດເຊື້ອແມ່ນ 2.967 ຄົນ. ກ່ຽວກັບວຽກງານສັກວັກຊິນກັນໂຄວິດ - 19, ໄລ່ຮອດເວລາ 14 ໂມງ 30 ນາທີ ຂອງວັນທີ 23 ມັງກອນ, ຫວຽດນາມ ໄດ້ສັກວັກຊິນກັນໂຄວິດ - 19 ເກືອບ 176 ລ້ານໂດສ.
ກ່ຽວກັບການສັກວັກຊິນັນໂຄວິດ - 19, ສຳນັກຂ່າວສານ Bloomberg ໃຫ້ຮູ້ວ່າທົ່ວໂລກ ມີ 184 ປະເທດ ໄດ້ສັກວັກຊິນກັນໂຄວິດ - 19 ກ່ວາ 9,9 ຕື້ໂດສ ໃຫ້ແກ່ປະຊາຊົນ, ທຽບເທົ່າປະມານ 36,4 ລ້ານໂດສຕໍ່ວັນ.
(ແຫຼ່ງຄັດຈາກ VOV)
