• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຖະແຫຼງການຮ່ວມຫວຽດນາມ-ອີຢິບ: ປັບປຸງຄວາມໄວ້ເນື້ອເຊື່ອໃຈລະຫວ່າງ 2 ປະເທດ

ທ່ານປະທານປະເທດຫວຽດນາມ ເຈີ່ນດ້າຍກວາງ ແລະ ພັນລະຍາໄປຢ້ຽມຢາມທາງລັດຖະກິດຢູ່ອີຢິບ ໃນລະຫວ່າງວັນທີ 25 – 28 ສິງຫາ 2018. ວັນທິ 28 ສິງຫາ, ຫວຽດນາມ ແລະ ອີຢິບ ໄດ້ອອກຖະແຫຼງການຮ່ວມ.


ຫວຽດນາມ-ອີຢິບ ປັບປຸງຄວາມໄວ້ເນື້ອເຊື່ອໃຈລະຫວ່າງ 2 ປະເທດ

(ພາບ: TTXVN)

ຖະແຫຼງການຮ່ວມຊີ້ແຈ້ງວ່າ,ໃນການຢ້ຽມຢາມ, ທ່ານປະທານປະເທດ ເຈີ່ນດ້າຍກວາງ ໄດ້ມີການເຈລະຈາຂັ້ນສູງກັບທ່ານປະທານາທິບໍດີອີຢິບ Abdel Fattah Al Sisi, ພົບປະເຈລະຈາກັບທ່ານປະທານສະພາແຫ່ງຊາດ Abdel Aal ແລະ ທ່ານນາຍົກລັດຖະມົນຕີ Mostafa Madboudy.

        ການນຳ 2 ທ່ານໄດ້ແລກປ່ຽນຢ່າງເລິກເຊິ່ງ, ກວ້າງຂວາງກ່ຽວກັບບັນດາບັນຫາ 2 ຝ່າຍ, ພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ການນຳ 2 ທ່ານໄດ້ຢືນຢັນວ່າ, ການຢ້ຽມຢາມທາງລັດຖະກິດຂອງທ່ານປະທານປະເທດ ເຈີ່ນດ້າຍກວາງ ແມ່ນຂີດໝາຍສຳຄັນໃນການພົວພັນລະຫວ່າງ 2 ປະເທດ, ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ອີຢິບ. 2 ຝ່າຍສະແດງຄວາມເຊື່ອໝັ້ນວ່າ, ໝາກຜົນຂອງການຢ້ຽມຢາມອີຢິບ ຄັ້ງທຳອິດຂອງທ່ານປະທານປະເທດແຫ່ງສສ.ຫວຽດນາມ ຈະປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ເປີດກວ້າງການຮ່ວມມືດ້ານການຄ້າ, ການລົງທຶນ, ການສຶກສາບຳລຸງສ້າງ, ຊຸກຍູ້ການພົບປະແລກປ່ຽນດ້ານວັດທະນະທຳ ແລະ ປະຊາຊົນ 2 ປະເທດ.

        ການນຳ 2 ປະເທດເຫັນດີຄວນເພີ່ມທະວີການແລກປ່ຽນຄະນະຜູ້ແທນທຸກຂັ້ນຜ່ານບັນດາຊ່ອງທາງຄື: ລັດຖະບານ, ສະພາແຫ່ງຊາດ, ທ້ອງຖິ່ນ, ປະຊາຊົນ, ວິສາຫະກິດ 2 ປະເທດ, ພອມທັງຢືນຢັນວ່າ ຄວນສືບຕໍ່ເສີມຂະຫຍາຍປະສິດທິຜົນບັນດາກົນໄກຮ່ວມມືທີ່ມີຢູ່ແລ້ວຄື: ຄະນະກຳມະການລະຫວ່າງລັດຖະບານ, ການທາບທາມຄວາມເຫັນດ້ານການເມືອງ ແລະ ບັນດາກົນໄກອື່ນ… 2 ຝ່າຍຮຽກຮ້ອງໃຫ້ປະຊາຄົມສາກົນຮ່ວມແຮງຮ່ວມໃຈເພື່ອສະກັດກັ້ນ ແລະ ແກ້ໄຂບັນດາການປະທະກັນດ້ານອາວຸດໂດຍສັນຕິວິທີ ສອດຄ່ອງກັບກົດບັດຂອງສະຫະປະຊາຊາດ ແລະ ກົດໝາຍສາກົນ.

        ການນຳ 2 ທ່ານໄດ້ເຫັນດີສືບຕໍ່ຊຸກຍູ້ການຮ່ວມມື 2 ຝ່າຍໃນບັນດາຂົງເຂດການຄ້າ, ການລົງທຶນ. ການນຳ 2 ທ່ານກໍ່ໄດ້ເປັນສັກຂີພິຍານການລົງນາມໃນບັນດາຂໍ້ຕົກລົງຮ່ວມມືໃນຫຼາຍຂົງເຂດ. 2 ຝ່າຍພ້ອມແລ້ວທີ່ຈະເພີ່ມທະວີໃນຫຼາຍຂົງເຂດ ແລະ ພ້ອມກັນມານະພະຍາຍາມເພື່ອຄວາມກ້າວໜ້າ ແລະ ຄວາມຮຸ່ງເຮືອງສິວິໄລຂອງແຕ່ລະພາກພື້ນ.

(ແຫຼ່ງຄັດຈາກ VOV)


ຫວຽດນາມ - ລັດເຊຍ ຊຸກຍູ້ການຮ່ວມມືຕ້ານອາດຊະຍາກຳ

ຫວຽດນາມ - ລັດເຊຍ ຊຸກຍູ້ການຮ່ວມມືຕ້ານອາດຊະຍາກຳ

ຕອນບ່າຍວັນທີ 4 ຕຸລາ, ຢູ່ຮ່າໂນ້ຍ, ທ່ານປະທານປະເທດ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Igor Krasnov ຫົວໜ້າອົງການໄອຍະການສະຫະພັນລັດເຊຍ ທີ່ພວມຢ້ຽມຢາມຫວຽດນາມ.

Top