ກອງປະຊຸມສໍາມະນາ ພາຍໃຕ້ຫົວຂໍ້ວ່າ “ເຄື່ອງໝາຍການຄ້າໃນຍຸດທະສາດພັດທະນາວິສາຫະກິດ”
ທີ່ກອງປະຊຸມສໍາມະນາຜູ້ແທນຫຼາຍທ່ານຖືວ່າ ປັດຈຸບັນການສ້າງ ແລະ ພັດທະນາເຄື່ອງໝາຍການຄ້າຍັງຄົງແມ່ນຈຸດອ່ອນຂອງວິສາຫະກິດຫວຽດນາມ. ວິສາຫະກິດຫວຽດນາມສ່ວນຫຼາຍແມ່ນຍັງບໍ່ທັນມີຄວາມສາມາດຢ່າງພຽງພໍເພື່ອສ້າງເຄື່ອງໝາຍການຄ້າໃຫ້ແກ່ຕົນເອງ.
ໃນສະພາບ ທີ່ປັດຈຸບັນ ປະເທດພວມເຊື່ອມໂຍງຢ່າງເລິກເຊິ່ງກວ້າງຂວາງໃນພື້ນຖານເສດຖະກິດພາກພື້ນ ແລະ ສາກົນນັ້ນ, ການສ້າງເຄື່ອງໝາຍການຄ້າບໍ່ພຽງແຕ່ແມ່ນໜັງສືເດີນທາງຊ່ວຍວິສາຫະກິດໃນການເຄື່ອນໄຫວສົ່ງອອກເທົ່ານັ້ນ, ຫາກຍັງແມ່ນການສ້າງຊື່ສຽງ, ເຄື່ອງໝາຍການຄ້າຂອງປະເທດອີກດ້ວຍ. ຕາມທ່ານ ດິງຮົ່ງກີ່, ປະທານສະພາບໍລິຫານບໍລິສັດຫຸ້ນສ່ວນ Secion ແລ້ວ, ເພື່ອນໍາຜະລິດຕະພັນຂອງຫວຽດນາມອອກສູ່ຕ່າງປະເທດນັ້ນ ຜະລິດຕະພັນເຫຼົ່ານັ້ນຕ້ອງມີມູນຄ່າສະເພາະ, ຈາກນັ້ນ ຈິ່ງສ້າງຄວາມດູດດື່ມຕໍ່ກັບຕະຫຼາດໄດ້. ທ່ານກ່າວວ່າ:“ປັດຈຸບັນ, ພວກຂ້າພະເຈົ້າໄດ້ສົ່ງອອກສິນຄ້າໄປຍັງ 60 ປະເທດ ແລະ ເຂດແຄວ້ນ. ດ້ວຍບັນດາບົດຮຽນທີ່ຖອດຖອນມາໄດ້ນັ້ນ ພວກຂ້າພະເຈົ້າເຫັນວ່າ ຖ້າຢາກເຊື່ອມໂຍງເຂົ້າກັບສາກົນ, ເພື່ອນໍາບັນດາຜະລິດຕະພັນຂອງຫວຽດນາມອອກສູ່ຕ່າງປະເທດນັ້ນ, ພວກເຮົາຕ້ອງສ້າງມູນຄ່າຂອງເຄື່ອງໝາຍການຄ້າສະເພາະຂອງຕົນ ແລະ ເມື່ອຢາກມີທີ່ຕັ້ງຍາວນານນັ້ນ ການສ້າງເຄື່ອງໝາຍການຄ້າແບບຍືນຍົງແມ່ນສໍາຄັນທີ່ສຸດ”.
(ແຫຼ່ງຄັດຈາກ VOV)
