• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຍາມໃດ ຫວຽດນາມ ກໍ່ເຄົາລົບການພົວພັນຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງ ຫວຽດນາມ - ຍີ່ປຸ່ນ

ຍີ່ປຸ່ນ ຖືການພົວພັນກັບ ຫວຽດນາມ ເປັນສຳຄັນ ແລະ ຕີລາຄາສູງບັນດາຜົນງານໃນການພັດທະນາເສດຖະກິດ, ສັງຄົມ, ທີ່ຕັ້ງ, ບົດບາດທີ່ນັບມື້ນັບສຳຄັນຂອງ ຫວຽດນາມ ຢູ່ພາກພື້ນ ແລະ ໃນໂລກ
  ທ່ານປະທານປະເທດ ຫງວຽນຊວັນຟຸກ ເຈລະຈາກັບທ່ານນາຍົກລັດຖະມົນຕີ Kishida Fumio (ພາບ: TTXVN)  

ໃນໄລຍະຢູ່ຢ້ຽມຢາມຍີ່ປຸ່ນ ເຂົ້າຮ່ວມບັນດາການເຄື່ອນໄຫວຂອງພິທີຊາປະນາກິດສົມລະດັບຊາດ ອະດີດນາຍົກລັດຖະມົນຕີ Abe Shinzo, ວັນທີ 26 ກັນຍາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ດຳເນີນການເຈລະຈາກັບທ່ານນາຍົກລັດຖະມົນຕີ ຍີ່ປຸ່ນ Kishida Fumio.

ທ່ານປະທານປະເທດ ຫງວຽນຊວັນຟຸກ ຢືນຢັນວ່າ ຍາມໃດ ຫວຽດນາມ ກໍ່ເຄົາລົບການພົວພັນຍຸດທະສາດຢ່າງເລິກເຊິ່ງ, ກວ້າງຂວາງລະຫວ່າງ ຫວຽດນາມ - ຍີ່ປຸ່ນ; ຖື ຍີ່ປຸ່ນ ແມ່ນຄູ່ຮ່ວມມືຍຸດທະສາດສຳຄັນ ແລະ ຍາວນານ, ສະໜັບສະໜູນ ຍີ່ປຸ່ນ ຕັ້ງໜ້າປະກອບສ່ວນເພື່ອສັນຕິພາບ ແລະ ການພັດທະນາຂອງພາກພື້ນ ແລະ ຢູ່ໃນໂລກ.

ສ່ວນທ່ານນາຍົກລັດຖະມົນຕີ Kishida Fumio ຢືນຢັນວ່າ ຍີ່ປຸ່ນ ຖືການພົວພັນກັບ ຫວຽດນາມ ເປັນສຳຄັນ ແລະ ຕີລາຄາສູງບັນດາຜົນງານໃນການພັດທະນາເສດຖະກິດ, ສັງຄົມ, ທີ່ຕັ້ງ, ບົດບາດທີ່ນັບມື້ນັບສຳຄັນຂອງ ຫວຽດນາມ ຢູ່ພາກພື້ນ ແລະ ໃນໂລກ; ສືບຕໍ່ໜູນຊ່ວຍ, ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ຍີ່ປຸ່ນ.

ການນຳ 2 ທ່ານໄດ້ເຫັນດີສືບຕໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ຜ່ານການຮັກສາການຢ້ຽມຢາມ, ພົບປະຂັ້ນສູງເປັນປະຈຳ; ຊຸກຍູ້ການຮ່ວມມືທາງການທູດ, ຄວາມໝັ້ນຄົງ, ການປ້ອງກັນຊາດ, ເສດຖະກິດ, ວັດທະນະທຳ… ການນຳ 2 ທ່ານກໍ່ເຫັນດີເພີ່ມທະວີການຮ່ວມມືພາຍຫຼັງໂລກລະບາດໂຄວິດ-19; ແລກປ່ຽນກ່ຽວກັບບາງບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.

  ທ່ານປະທານປະເທດຫວຽດນາມ ຫງວຽນຊວັນຝຸກ ໄດ້ພົບປະກັບປະທານສະພາຕ່ຳຍີ່ປຸ່ນ Hosoda Hiroyuki (ພາບ:TTXVN)  

ແລະກໍ່ໃນວັນດຽວກັນ, ທ່ານປະທານປະເທດຫວຽດນາມ ຫງວຽນຊວັນຝຸກ ໄດ້ພົບປະກັບປະທານສະພາຕ່ຳຍີ່ປຸ່ນ Hosoda Hiroyuki. ທີ່ການພົບປະ, ທ່ານປະທານປະເທດຫວຽດນາມ ຫງວຽນຊວັນຝຸກ ຢືນຢັນວ່າ ຫວຽດາມ ຖືເປັນສຳຄັນ ແລະ ຢາກພ້ອມກັບຍີ່ປຸ່ນ ເພີ່ມທະວີການພົວພັນຄູ່ຮ່ວມມືຍຸດທະສາດເລິກເຊິ່ງກ້ວາງຂວາງກ່ວາອີກ ໂດຍສະເພາະແມ່ນໃນໂອກາດສອງປະເທດ ສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດໃນປີ 2023. ທ່ານປະທານປະເທດສະເໜີໃຫ້ສອງຝ່າຍ ສືບຕໍ່ເຮັດໃຫ້ການຮ່ວມມືໃນບັນດາຂົງເຂດເລິກເຊິ່ງກ່ວາອີກ ເພື່ອສືບຕໍ່ຄວາມປາດຖະໜາຂອງ ອະດີດນາຍົກລັດຖະມົນຕີ Abe Shinzo,  ໃນນັ້ນ ມີການເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ຂັ້ນຕ່າງໆ, ການຮ່ວມມືລະຫວ່າງສະພາແຫ່ງຊາດ, ບັນດາອົງການສ້າງກົດໝາຍສອງປະເທດ.

ສ່ວນທ່ານປະທານສະພາຕ່ຳຍີ່ປຸ່ນ Hosoda Hiroyuki ໄດ້ເນັ້ນໜັກເຖິງບົດບາດຂອງຫວຽດນາມ ຕໍ່ຍີ່ປຸ່ນ; ທ່ານຢືນຢັນຈະສະໜັບສະໜູນການຊຸກຍູ້ການພົວພັນ ໂດຍສະເພາະແມ່ນໃນການສ້າງພື້ນຖານໂຄງລ່າງ, ຖ່າຍຖອດເຕັກໂນໂລຊີ, ສົ່ງຜະລິດຕະພັນກະເສດຫວຽດນາມ ໄປຕະຫຼາດຍີ່ປຸ່ນ….ທ່ານກໍ່ສະແດງໃຫ້ເຫັນຄວາມປາດຖະໜາ ຢາກຕ້ອນຮັບທ່ານປະທານສະພາແຫ່ງຊາດຫວຽດນາມ ເວືອງດິນເຫ້ວ ມາຢ້ຽມຢາມຍີ່ປຸ່ນ.

ສອງຝ່າຍໄດ້ເຫັນດີເປັນເອກະພາບ ຈະສືບຕໍ່ສົມທົບກັນຢ່າງແໜ້ນແຝ້ນ ໃນບັນດາບັນຫາສາກົນ, ສະໜັບສະໜູນບົດບາດ ແລະ ຫຼັກໝັ້ນຂອງ ອາຊຽນ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.

(ແຫຼ່ງຄັດຈາກ VOV)

ຖະແຫຼງການຮ່ວມ ຫວຽດນາມ - ສະຫະພັນ ລັດເຊຍ

ຖະແຫຼງການຮ່ວມ ຫວຽດນາມ - ສະຫະພັນ ລັດເຊຍ

2 ປະເທດໄດ້ອອກຖະແຫຼງການຮ່ວມກ່ຽວກັບເລື່ອງ ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານເລິກເຊິ່ງຂຶ້ນຕື່ມ.

Top