ຂ່າວສານ

ຊ່າງພາບທີ່ມີຊື່ສຽງ Nick Ut ຢ້ຽມຢາມຂ່າວພາບ ຫວຽດນາມ

04/10/2022

ວັນທີ 3 ຕຸລາ 2022, ຜູ້ຖ່າຍຮູບພາບທີ່ມີຊື່ສຽງ Napalm Girl (ຍິງສາວ Napalm) Nick Ut ໄດ້ໄມາຢ້ຽມຢາມ ແລະ ໂອ້ລົມກັບບັນດານັກຂ່າວ ແລະ ບັນນາທິການຂອງຂ່າວພາບ ຫວຽດນາມ, ສຳນັກຂ່າວສານ ຫວຽດນາມ ເນື່ອງໃນໂອກາດເດີນທາງມາຢ້ຽມຢາມ ຫວຽດນາມ.

ຫົວໜ້າບັນນາທິການໃຫຍ່ຂ່າວພາບ ຫວຽດນາມ ຫງວຽນຖັ໋ງ ແນະນຳໃຫ້ຊ່າງພາບ Nick Ut ກ່ຽວກັບໜ້າປົກບັນດາສິ່ງພິມຂອງຂ່າວພາບ ຫວຽດນາມ. ພາບ: ຂ່າວພາບ ຫວຽດນາມ

ຊ່າງພາບ Nick Ut ເບິ່ງບັນດາສິ່ງພິມຂອງ ຂ່າວພາບ ຫວຽດນາມ. ພາບ: ຂ່າວພາບ ຫວຽດນາມ

ຊ່າງພາບ Nick Ut ເບິ່ງ ເວັບໄຊ ຂອງຂ່າວພາບ ຫວຽດນາມ.
ພາບ: ຂ່າວພາບ ຫວຽດນາມ

ສຳລັບບັນດານັກຂ່າວ ແລະ ບັນນາທິການຂອງຂ່າວພາບຫວຽດນາມ, ນີ້ແມ່ນໂອກາດດີເພື່ອຮັບຟັງບັນດາການແປ່ງປັນກ່ຽວກັບຮູບພາບປະຫວັດສາດໂລກ ເມື່ອ 50 ປີກ່ອນ, ກ່ຽວກັບຮູບພາບກໍ່ຄືບັນດາປະສົບການໃນການເຮັດວຽກໃນອະດີດຂອງນັກຊ່າງພາບທີ່ມີອາຍຸ 52 ປີທີ່ເຮັດວຽກໃຫ້ສຳນັກຂ່າວ Associated Press (AP).

ຊ່າງພາບ Nick Ut ໂອ້ລົມກັບນັກຂ່າວ ແລະ ບັນນາທິການຂອງຂ່າວພາບຫວຽດນາມ. ພາບ: ຂ່າວພາບ ຫວຽດນາມ

ຮູບພາບ “ຍິງສາວ Napalm” ໂດຍຊ່າງພາບ Nick Ut ເປັນຜູ້ຖ່າຍ.

“ຍິງສາວ Napalm” ໄດ້ນໍາເອົາລາງວັນ Pulitzer ມາໃຫ້ແກ່ຊ່າງພາບ Nick Ut, ຊາວ ຫວຽດນາມ ຄົນທຳອິດ ໃນສະຕະວັດທີ 20 ໄດ້ຮັບໜຶ່ງໃນບັນດາລາງວັນ ມີກຽດ ສັກສີທີ່ສຸດໃນດ້ານໜັງສືພິມ. ຮູບພາບນີ້ຂອງເພິ່ນຍັງຖືກຈັດອັນດັບທີ 41 ໃນ 100 ຮູບພາບທີ່ມີອິດທິພົນທີ່ສຸດໃນສະຕະວັດທີ 20 ແລະ ເປັນໜຶ່ງໃນຮູບພາບຂ່າວ 10 ແຜ່ນທີ່ໜ້າຈົດຈຳທີ່ສຸດໃນຮອບ 50 ປີ. ຮູບພາບດັ່ງກ່າວຍັງໄດ້ຮັບຮອງວ່າ ໄດ້ປະກອບສ່ວນເຂົ້າໃນການສິ້ນສຸດສົງຄາມຢູ່ ຫວຽດນາມ.