ກ່າວຄຳເຫັນໄຂກອງປະຊຸມສຳມະນາ, ທ່ານ ຟ້າມກວາງຮ້ຽວ, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດໄດ້ຢັ້ງຢືນວ່າ: ລັດຖະບານຫວຽດນາມ ເອົາໃຈໃສ່ເປັນພິເສດເຖິງການປົກປ້ອງ, ໜູນຊ່ວຍບັນດາກຸ່ມເປົ້າໝາຍທີ່ມີຄວາມສ່ຽງຍ້ອນໂລກລະບາດ, ລວມມີຄົນທຸກຍາກ, ຄົນພິການ, ຜູ້ເຖົ້າ, ແຮງງານວາງງານ, ບໍ່ມີລາຍຮັບ ຫຼື ລາຍຮັບຖືກຫລຸດລົງ…ພ້ອມກັນນັ້ນ, ລັດຖະບານຫວຽດນາມ ໄດ້ມີບັນດາຂໍ້ລິເລີ່ມເພື່ອແນໃສ່ຊຸກຍູ້ການສົມທົບ, ຮ່ວມມືສາກົນໃນການຮັບມືກັບໂລກລະບາດໂຄວິດ-19, ໃນນັ້ນ ສິ່ງທີ່ເປັນໜ້າສົມໃຈ ນັ້ນແມ່ນການສະເໜີເລືອກເອົາວັນທີ 27 ທັນວາ ທຸກໆປີ ແມ່ນວັນໂລກກຽມພ້ອມຕ້ານໂລກລະບາດ ແນໃສ່ຍົກສູງສະຕິຄວາມຮັບຮູ້ ກໍ່ຄືເພີ່ມທະວີການຮ່ວມມື, ສົມທົບກັນໃນການປ້ອງກັນ, ຕ້ານໂລກລະບາດ.
ທີ່ກອງປະຊຸມສຳມະນາ, ບັນດາຜູ້ແທນກໍ່ໄດ້ແບ່ງປັນຂໍ້ມູນຂ່າວສານ, ບົດຮຽນທີ່ມີປະໂຫຍດກ່ຽວກັບບັນດາມາດຕະການປົກປ້ອງ ແລະ ຊຸກຍູ້ສິດທິມະນຸດໃນສະພາບໂລກລະບາດໂຄວິດ-19.
(ແຫຼ່ງຄັດຈາກ VOV)