ຕອນບ່າຍວັນທີ 30 ສິງຫາ, ຢູ່ ຮ່າໂນ້ຍ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ມີການເຈລະຈາທາງໄກກັບທ່ານປະທານສະພາແຫ່ງຊາດ ໄທ ຊວນ ລີກໄພ.
ທ່ານປະທານສະພາແຫ່ງຊາດ ເວືອງດິ່ງເຫວ້ ສະເໜີໃຫ້ ໄທ ສືບຕໍ່ສະໜັບສະໜູນ ຫວຽດນາມ ໃນການປະຕິບັດບົດບາດ ກຳມະການບໍ່ປະຈຳການສະພາຄວາມໝັ້ນຄົງ ສປຊ ໃນໄລຍະ 6 ເດືອນທ້າຍປີ 2021; ພ້ອມທັງປາດຖະໜາວ່າ ສອງຝ່າຍຈະສືບຕໍ່ເພີ່ມທະວີການຮ່ວມມືເພື່ອຮັບມືກັບໂລກລະບາດໂຄວິດ - 19; ສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນແລະກັນໃນເວທີປາໄສຫຼາຍຝ່າຍ ແລະ ພ້ອມກັບ ຫວຽດນາມ ຊຸກຍູ້ຫຼັກໝັ້ນລວມຂອງ ອາຊຽນ ໃນບັນຫາທະເລຕາເວັນອອກ.ນະທີ່ນີ້, ປະທານສະພາແຫ່ງຊາດສອງປະເທດໄດ້ເຫັນດີເປັນເອກະພາບໂດຍຖືວ່າ ເພື່ອສືບຕໍ່ຊຸກຍູ້ສາຍພົວພັນຄູ່ຮ່ວມມືຍຸດທະສາດເພີ່ມທະວີ ຫວຽດນາມ - ໄທ ໃຫ້ນັບມື້ນັບແທດຈິງ, ສືບຕໍ່ຮັກສາການພົບປະແລກປ່ຽນຄະນະຜູ້ແທນຂັ້ນສູງ ແລະ ຂັ້ນຕ່າງໆ, ໂດຍສະເພາະແມ່ນບັນດາກົນໄກຮ່ວມມືສອງຝ່າຍທີ່ພວມມີຢູ່ແລ້ວ. ສອງຝ່າຍສືບຕໍ່ສ້າງເງື່ອນໄຂໃຫ້ແກ່ວິສາຫະກິດຂອງກັນລົງທຶນ, ດຳເນີນທຸລະກິດ ເພື່ອແນໃສ່ນຳວົງເງິນການຄ້າສອງສົ້ນໃຫ້ບັນລຸເປົ້າໝາຍ 25 ຕື້ USD ຕາມທິດສະໝ່ຳສະເໝີ ແລະ ເພີ່ມປະສິດທິຜົນການລົງທຶນ ໂດຍໄວ.
ທ່ານປະທານສະພາແຫ່ງຊາດ ຊວນ ລີກໄພ ກໍສະໜັບສະໜູນຄຳເຫັນຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ກ່ຽວກັບການພົວພັນຫຼາຍຝ່າຍ, ໃນນັ້ນ, ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ ເພື່ອປະກອບສ່ວນເຂົ້າໃນການພັດທະນາຂອງພາກພື້ນ. ທ່ານປະທານສະພາແຫ່ງຊາດ ໄທ ຊີ້ແຈ້ງວ່າ ໂດຍເປັນສອງປະເທດບ້ານໃກ້ເຮືອນຄຽງ, ໄທ ແລະ ຫວຽດນາມ ຈະສືບຕໍ່ຊຸກຍູ້ການຮ່ວມມືການຄ້າ, ມານະພະຍາຍາມຫຼຸດຜ່ອນສິ່ງກີດຂວາງ ແລະ ເຮັດໃຫ້ສາຍພົວພັນລະຫວ່າງສອງປະເທດເລິກເຊິ່ງຂຶ້ນຕື່ມ.
(ແຫຼ່ງຄັດຈາກ VOV)
