ຂ່າວສານ

ຊາວ ຫວຽດນາມ ຊົມເຊີຍຜົນງານຂອງທິມຊາດບານເຕະ U23 ຫວຽດນາມ ຢູ່ AFC 2018

29/01/2018

ເປັນຄັ້ງທຳອິດໄດ້ຍາດເອົາໄຊຊະນະຢືນອັນດັບທີ 2 ໃນງານແຂ່ງຂັນບານເຕະ AFC 2018,

ທິມບານເຕະ U23 ຫວຽດນາມ ໄດ້ກາຍເປັນ “ຜູ້ຊະນະເລີດ” ໃນຈິດໃຈຂອງຜູ້ນິຍົມບານເຕະ ຫວຽດນາມ

      ຊຶ່ງແມ່ນງານແຂ່ງຂັນມີຊື່ສຽງລະດັບທະວີບ, ບັນດານັກກິລາບານເຕະ U23 ຫວຽດນາມ ໄດ້ກາຍເປັນ “ຜູ້ຊະນະເລີດ” ໃນຈິດໃຈຂອງຜູ້ນິຍົມບານເຕະ ຫວຽດນາມ. ວັນທີ 28 ມັງກອນ, ທິມບານເຕະ ກັບເມືອ ຮ່າໂນ້ຍ ແລະ ໃນຕອນບ່າຍວັນດຽວກັນ, ທີ່ຫ້ອງວ່າການລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ມີການພົບປະກັບຄູຝຶກ ແລະ ທິມບານເຕະ U23. ໃນຕອນຄ່ຳວັນທີ 28 ມັງກອນ, ກະຊວງວັດທະນະທຳ - ກິລາ ແລະ ທ່ອງທ່ຽວ ຈັດຕັ້ງພິທີຕ້ອນຮັບ ແລະ Gala ເຊີດຊູບັນດານັກບານເຕະ U23. ຜູ້ນິຍົມບານເຕະ ຫວຽດນາມ ແບ່ງປັນວ່າ:
        “ເປັນຄົນນິຍົມບານເຕະ, ຂ້າພະເຈົ້າເຫັນວ່າ ນັກກິລາບານເຕະ U23 ເປັນນັກວິລະຊົນ. U23 ໄດ້ສະແດງນ້ຳໃຈຮັກຊາດ, ແຂ່ງຂັນຢ່າງສຸດຈິດສຸດໃຈ ແລະ ຍາດໄດ້ສິ່ງທີ່ດີເລີດທີ່ສຸດ”
        “ເຖິງວ່າຖືກເສຍໃຫ້ອູເຢີເບກິສະຖານຢູ່ນັດແຂ່ງຂັນຊິງຊະນະເລີດກໍ່ຕາມ ແຕ່ U23 ຫວຽດນາມ ຍັງເປັນທິມຊະນະເລີດໃນຈິດໃຈຂອງຜູ້ນິຍົມບານເຕະ”.
        “ຫວັງວ່າ ບັນດານັກບານເຕະໃນທິມ U23 ຫວຽດນາມ ຈະສືບຕໍ່ເສີມຂະຫຍາຍທ່າແຮງຂອງຕົນ, ຕໍ່ກຳລັງແຮງໃຫ້ທິມຊາດ”.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.