ຕາມແຫຼ່ງຂ່າວຈາກກະຊວງສາທາລະນະສຸກຫວຽດນາມ ໃຫ້ຮູ້ວ່າ: ໄລ່ຮອດເວລາ 18 ໂມງຂອງວັນທີ 19 ສິງຫາ ຫວຽດນາມ ມີຜູ້ຕິດເຊື້ອພະຍາດໂຄວິດ-19 ທັງໝົດ 312.611 ຄົນ, ຢືນອັນດັບທີ 72/222 ປະເທດ ແລະ ເຂດແຄ້ວນ. ຈຳນວນຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 120.059 ຄົນ.
ປະຈຸບັນ, ມີ 6 ໃນຈຳນວນ 62 ແຂວງບໍ່ກວດພົບກໍລະນີຕິດເຊື້ອພະຍາດໂຄວິດ-19 ເປັນເວລາ 14 ວັນແລ້ວຄື: ກວາງນິງ, ບັກກ້ານ, ຕວຽນກວາງ, ລາຍເຈົາ, ຮ່ວາບິ່ງ, ຫາຍຟ່ອງ.ສ່ວນຢູ່ໃນໂລກ: ອາເມລິກາ ຍັງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19, ດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ຫຼາຍກ່ວາ 38 ລ້ານຄົນ ແລະ ຜູ້ເສຍຊີວິດ ກ່ວາ 641.000 ຄົນ. ຕໍ່ໜ້າສະພາບການໂລກລະບາດພວມມີການຜັນແປຢ່າງສັບສົນນັ້ນ, ທ່ານປະທານາທິບໍດີ ອາເມລິກາ Joe Biden ໄດ້ປົກປ້ອງທັດສະນະກ່ຽວກັບການສັກວັກຊິນກັນໂຄວິດ - 19 ເຂັມທີ 3.
ການປະກົດຂຶ້ນຂອງເຊື້ອໄວຣັດສາຍພັນ Delta ໄດ້ ແລະ ພວມຕ່າວປີ້ນ ໝາກຜົນໃນການຕ້ານໂລກລະບາດ ເກືອບທັງໝົດຂອງ ບັນດາປະເທດໃນບັນດາການແຜ່ລະບາດຮອບກ່ອນນັ້ນ. ໃນຮອບເວລາ 24 ຊົ່ວໂມງທີ່ຜ່ານມາ, ເມັກຊີໂກ ໄດ້ປະກາດຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກເກືອບ 29.000 ຄົນ ເຊິ່ງແມ່ນຈຳນວນຜູ້ຕິດເຊື້ອຫຼາຍທີ່ສຸດໃນມື້ 1 ນັບແຕ່ເວລາເກີດໂລກລະບາດໂຄວິດ - 19.
(ແຫຼ່ງຄັດຈາກ VOV)
