• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ງາ​ນ​ວາງ​ສະ​ແດງ​ຮູບ​ຖ່າຍ “ການ​ພ​ົວ​ພັນ​ມິດ​ຕະ​ພາບ​ແບບ​ພິ​ເສດ ຫວຽດ​ນາມ - ລາວ”

“ງານວາງສະແດງຮູບຖ່າຍຄັ້ງນີ້ ແມ່ນໂອກາດເພື່ອໃຫ້ພວກເຮົາທົບທວນຄືນມູນເຊື້ອໄມຕີຈິດມິດຕະພາບລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ພ້ອມກັນມຸ່ງໄປສູ່ອະນາຄົດແຫ່ງການຮ່ວມມືນັບມື້ນັບຍືນຍົງ ແລະ ມີປະສິດທິຜົນ. ງານວາງສະແດງແມ່ນການເຄື່ອນໄຫວວັດທະນະທຳມີຄວາມໝາຍຕັກເຕືອນປະຊາຊົນສອງປະເທດລຸ້ນຕ່າງໆ ຄວນຈົດຈຳມູນເຊື້ອການພົວພັນສາມັກຄີແບບພິເສດ ລະຫວ່າງ ຫວຽດນາມ - ລາວ..."

ເນື່ອງໃນໂອກາດສະເຫຼີມສະຫຼອງວັນສະຖາປະນາປະເທດແຫ່ງ ສປປ ລາວ ຄົບຮອບ 45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ສົມທົບກັບສະຖານທູດ ລາວ ປະຈຳ ຫວຽດນາມ ຈັດຕັ້ງງານວາງສະແດງຮູບຖ່າຍ “ການພົວພັນມິດຕະພາບແບບພິເສດ ລະຫວ່າງ ຫວຽດນາມ - ລາວ” ຂຶ້ນຢູ່ ຮ່າໂນ້ຍ ໃນລະຫວ່າງວັນທີ 01 – 05 ທັນວາ.

ບັນດາຜູ້ແທນເຂົ້າຮ່ວມພິທີໄຂ 

ກ່າວຄຳເຫັນທີ່ພິທີໄຂ, ທ່ານ ຕະກວາງດົງ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຖືວ່າ:
“ງານວາງສະແດງຮູບຖ່າຍຄັ້ງນີ້ ແມ່ນໂອກາດເພື່ອໃຫ້ພວກເຮົາທົບທວນຄືນມູນເຊື້ອໄມຕີຈິດມິດຕະພາບລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ພ້ອມກັນມຸ່ງໄປສູ່ອະນາຄົດແຫ່ງການຮ່ວມມືນັບມື້ນັບຍືນຍົງ ແລະ ມີປະສິດທິຜົນ. ງານວາງສະແດງແມ່ນການເຄື່ອນໄຫວວັດທະນະທຳມີຄວາມໝາຍຕັກເຕືອນປະຊາຊົນສອງປະເທດລຸ້ນຕ່າງໆ ຄວນຈົດຈຳມູນເຊື້ອການພົວພັນສາມັກຄີແບບພິເສດ ລະຫວ່າງ ຫວຽດນາມ - ລາວ. ຂ້າພະເຈົ້າເຊື່ອໝັ້ນວ່າ, ຜ່ານງານວາງສະແດງຄັ້ງນີ້ ພ້ອມກັບການພົວພັນດ້ານການເມືອງ, ເສດຖະກິດ, ການພົວພັນຮ່ວມມື, ແລກປ່ຽນວັດທະນະທຳ ລະຫວ່າງສອງປະເທດ ຈະປະກອບສ່ວນສຳຄັນ ເຂົ້າໃນການເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ.”

ດ້ວຍຮູບຖ່າຍກວ່າ 100 ແຜ່ນ, ງານວາງສະແດງຄັ້ງນີ້ຢາກແນະນຳເຖິງຜູ້ຊົມສາຍພົວພັນແບບພິເສດລະຫວ່າງສອງຊາດ ຫວຽດນາມ - ລາວ ໃນຕະຫຼອດໄລຍະແຫ່ງການຕໍ່ສູ້ປົດປ່ອຍຊາດໃນເມື່ອກ່ອນ ກໍຄື  ຂະບວນວິວັດການແຫ່ງການປ່ຽນແປງໃໝ່ ແລະ ສ້າງສາປະເທດຊາດ, ຢັ້ງຢືນຄວາມຕັດສິນໃຈຂອງສອງພັກ, ສອງລັດ ແລະ ປະຊາຊົນສອງປະເທດເພີ່ມພູນຄູນສ້າງຢ່າງບໍ່ຢຸດຢັ້ງໃຫ້ສາຍພົວພັນ ຫວຽດນາມ - ລາວ ໝັ້ນຄົງທະໜົງແກ່ນໄປຊົ່ວກາລະນານ. ງານວາງສະແດງກສຸມໃສ່ແນະນຳເຖິງທ່ານຜູ້ຊົມກ່ຽວກັບຊີວິດ ແລະ ພາລະກິດແຫ່ງການປະຕິວັດຂອງປະທານ ໄກສອນ ພົມວິຫານ - ເຊິ່ງເປັນເພື່ອນມິດສະຫາຍທີ່ສະໜິດສະໜົມຂອງພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ; ແນະນຳຮູບພາບ, ປະເທດລາວ ລ້ານຊ້າງ ທີ່ສວຍງາມ, ມີມູນເຊື້ອປະຫວັດສາດ ແລະ ວັດທະນະທຳຫຼາຍຢ່າງ, ພິເສດແມ່ນບັນດາຜົນງານສຳຄັນ ເຊິ່ງປະຊາຊົນ ລາວ ບັນລຸໄດ້.

        ທີ່ພິທີໄຂ, ທ່ານເອກອັກຄະລັດຖະທູດ  ລາວ ປະຈຳ ຫວຽດນາມ ແສງເພັດ ຮຸ່ງບຸນຍວງ ໄດ້ສະແດງຄວາມຂອບອົກຂອບໃຈຕໍ່ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ທີ່ໄດ້ມີຂໍ້ລິເລີ່ມ ແລະ ຈັດຕັ້ງເຫດການນີ້ຂຶ້ນ ເຊິ່ງເປັນຂອງຂວັນອັນລ້ຳຄ່າເພື່ອສະເຫຼີມສະຫຼອງສອງເຫດການປະຫວັດສາດສຳຄັນຂອງປະເທດຊາດ.

(ແຫຼ່ງຄັດຈາກ VOV)
 

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ປະທານປະເທດ ໂຕເລີມ ພົບປະກັບພະມະຫາກະສັດ ກຳປູເຈຍ Norodom Sihamoni

ຕອນບ່າຍວັນທີ 12 ກໍລະກົດນີ້, ທ່ານປະທານປະເທດ ໂຕເລີມ ໄດ້ເດີນທາງເຖິງສະໜາມບິນສາກົນພະນົມເປັນ, ນະຄອນຫຼວງພະນົມເປັນ, ເລີ່ມຕົ້ນການຢ້ຽມຢາມທາງລັດຖະກິດຢູ່ລາຊະອານາຈັກກຳປູເຈຍແຕ່ວັນທີ 12-13 ກໍລະກົດນີ້, ຕາມຄຳເຊີນຂອງພະມະຫາກະສັດກຳປູເຈຍ Norodom Sihamoni .

Top