ຂ່າວສານ

ງານວາງສະແດງແຜນທີ່ແລະເອກະສານວັດຖຸພັນ “ຮ່ວາງຊາ, ເຈື່ອງຊາບັນດາພະຍານຫຼັກຖານປະຫວັດສາດແລະນິຕິທຳ”

20/10/2018

ຕອນເຊົ້າວັນທີ 19 ຕຸລາ, ຢູ່ສູນວັດທະນະທຳເມືອງ ຫ່າມເຕີນ, ແຂວງບິ່ງທ້ວນ, ພະແນກຖະແຫຼງຂ່າວ ແລະ ສື່ສານແຂວງບິ່ງທ້ວນ ໄດ້ສົມທົບກັບຄະນະກຳມະການປະຊາຊົນເມືອງ ຫ່າມເຕີນ ຈັດຕັ້ງງານວາງສະແດງແຜນທີ່ ແລະ ເອກະສານວັດຖຸພັນ “ຮ່ວາງຊາ, ເຈື່ອງຊາບັນດາພະຍານຫຼັກຖານປະຫວັດສາດແລະນິຕິທຳ”.

(ງານວາງສະແດງແຜນທີ່ແລະເອກະສານວັດຖຸພັນ “ຮ່ວາງຊາ ເຈື່ອງຊາບັນດາພະຍານຫຼັກຖານປະຫວັດສາດແລະນິຕິທຳ”)

ງານວາງສະແດງໄດ້ແນະນຳແຜນທີ່ 100 ແຜ່ນ, Atlas ເຊິ່ງໄດ້ຄັດເລືອກຈາກແຜນທີ່ 260 ແຜ່ນທີ່ກ່ຽວຂ້ອງເຖິງບັນຫາອຳນາດອະທິປະໄຕ ທີ່ມີຕໍ່ 2 ໝູ່ເກາະຮ່ວາງຊາ ແລະ ເຈື່ອງຊາຂອງຫວຽດນາມ.

ງານວາງສະແດງໄດ້ແນະນຳບັນດາກຸ່ມເອກະສານດ້ວຍພາສາຫວຽດເດີມ, ພາສາຫວຽດ, ຝລັ່ງ ໂດຍສະໄໝລາດຊະວົງສັກດີນາຫວຽດນາມ ແລະ ອຳນາດການປົກຄອງຢູ່ອິນດູຈີນ ປະກາດໃຊ້ນັບແຕ່ສະຕະວັດທີ 17 ມາຮອດຕົ້ນສະຕະວັດທີ 20, ຢັ້ງຢືນວິວັດການກຳນົດ, ປະຕິບັດ, ປົກປັກຮັກສາອຳນາດອະທິປະໄຕຢ່າງຕໍ່ເນື່ອງຂອງຫວຽດນາມ ສຳລັບ 2 ໝູ່ເກາະຮ່ວາງຊາ, ເຈື່ອງຊາ. ງານວາງສະແດງຈະເປີດປະຕູຮອດວັນທີ 22 ຕຸລາ ຈຶ່ງອັດລົງ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.