• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ງານວາງສະແດງປື້ມ “ສະເຫຼີມສະຫຼອງ 75 ປີແຫ່ງວັນສະຖາປະນາປະເທດສາທາລະນະລັດສັງຄົມນິຍົມຫວຽດນາມ”

      ງານວາງສະແດງໄດ້ວາງສະແດງເອກະສານແມ່ນປື້ມ, ພາບແຕ້ມ, ພາບຖ່າຍ, ວີດີໂອ ແລະ ບັນດາສະແຕມ 1.000 ຢ່າງຂອງເກືອບ 50 ຫົວໜ່ວຍພິມຈຳໜ່າຍ, ຈຳໜ່າຍປື້ມ, ຫໍສະມຸດ

(ພາບປະກອບ: thanhuytphcm.vn)
      ຕອນຄ່ຳວັນທີ 31 ສິງຫາ, ຢູ່ຮ່າໂນ້ຍ, ກົມພິມຈຳໜ່າຍໄດ້ສົມທົບກັບກັບກົມສື່ສານ ແລະ ພິມຈຳໜ່າຍ, ຫໍສະມຸດແຫ່ງຊາດຫວຽດນາມ ໄດ້ຈັດພິທີໄຂງານວາງສະແດງທາງອອນລາຍ “ສະເຫຼີມສະຫຼອງ 75 ປີແຫ່ງວັນສະຖາປະນາປະເທດສາທາລະນະລັດສັງຄົມນິຍົມຫວຽດນາມ”. ງານວາງສະແດງຖືກດຳເນີນໃນລະຫວ່າງວັນທີ 01 – 19 ກັນຍາ ດ້ວຍລະຫັດທາງອິນເຕີແນັດ book365.vn.
        ງານວາງສະແດງໄດ້ວາງສະແດງເອກະສານແມ່ນປື້ມ, ພາບແຕ້ມ, ພາບຖ່າຍ, ວີດີໂອ ແລະ ບັນດາສະແຕມ 1.000 ຢ່າງຂອງເກືອບ 50 ຫົວໜ່ວຍພິມຈຳໜ່າຍ, ຈຳໜ່າຍປື້ມ, ຫໍສະມຸດ, ຫໍພິພິຕະພັນໃນທົ່ວປະເທດ, ເຊິ່ງໄດ້ວາບພາບຄືນປະຫວັດສາດອັນສະຫງ່າອົງອາດນັບພັນໆປີຂອງຊາດຫວຽດນາມ. ທ່ານ ຮ່ວາງວິ້ງບາວ, ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ, ເນັ້ນໜັກວ່າ:
        “ຜ່ານການວາງສະແດງ, ແນະນຳປື້ມ, ເອກະສານທີ່ງານວາງສະແດງປື້ມເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສະຖາປະນາປະເທດສາທາລະນະລັດສັງຄົມນິຍົມຫວຽດນາມ, ກະຊວງຖະແຫຼງຂ່າວ ແລະ ສື່ສານ ປາດຖະໜາວ່າ ງານວາງສະແດງຈະປະກອບສ່ວນສຶກສາມູນເຊື້ອການປະຕິວັດ; ຢືນຢັນຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ບົດບາດນຳພາຂອງພັກກອມມູນິດຫວຽດນາມ ແລະ ເສັ້ນທາງກ້າວຂຶ້ນສັງຄົມນິຍົມ ເຊິ່ງປະທານໂຮ່ຈີມິນ ໄດ້ເລືອກເຟັ້ນ. ພ້ອມທັງເປັນການຢືນຢັນບັນດາການປະກອບສ່ວນຂອງຂະແໜງພິມຈຳໜ່າຍຫວຽດນາມ ໃນພາລະກິດສ້າງສາ ແລະ ພັດທະນາປະເທດຊາດສັງຄົມນິຍົມ”.
        ແລະກໍ່ເນື່ອງໃນໂອກາດນີ້, ສູນອະນຸລັກຮັກສາມໍລະດົກທັງລອງ - ຮ່າໂນ້ຍ ກໍ່ໄດ້ຈັດງານວາງສະແດງພາບຖ່າຍດ້ວຍຫົວຂໍ້ “ເອກະລາດ” ຢູ່ເຂດມໍລະດົກ ຮ່ວາງແທັ່ງທັງລອງ ນັບແຕ່ວັນທີ 31 ສິງຫາ 2020 ຢູ່ຮ່າໂນ້ຍ ແລະ ມີທາງອອນລາຍໃນເວັບໄຊ: trungbayonline.hoangthanhthanglong.vn.
(ແຫຼ່ງຄັດຈາກ VOV)

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ສອງ​ຝ່າຍ​ຢັ້ງ​ຢືນ​ສືບ​ຕໍ່​ປະ​ສານ​ສົມ​ທົບ​ຢ່າງ​ແໜ້ນ​ແຟ້ນ, ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນ​ຢູ່ AIPA, ສະ​ຫະ​ພັນ ລັດ​ຖະ​ສະ​ພາ ໂລກ (IPU), ເວ​ທີ​ປາ​ໄສ​ລັດ​ຖະ​ສະ​ພາ​ອາ​ຊີ - ປາ​ຊີ​ຟິກ (APPF) ແລະ ສະ​ພາ​ລະ​ຫວ່າງ​ລັດ​ຖະ​ສະ​ພາ​ຝ​ລັ່ງ​ໂກ​ໂຟ​ນີ (APF).

Top