“ງານວາງສະແດງສາກົນຄັ້ງທີ 9 ກ່ຽວກັບເຕັກໂນໂລຊີຕໍ່ກ່ຳປັ່ນ, ການເດີນເຮືອ ແລະ ກິດຈະກຳທະເລ” – Vietship 2018 ຈະດຳເນີນໃນລະຫວ່າງວັນທີ 24 – 26 ມັງກອນ ຢູ່ສູນກອງປະຊຸມແຫ່ງຊາດ, ຮ່າໂນ້ຍ.

ການປະຊຸມຂ່າວງານວາງສະແດງຕໍ່ກ່ຳປັ່ນ Vietship 2018
(ພາບ: baogiaothong.vn)

      Vietship 2018 ແມ່ນງານວາງສະແດງສະເພາະຂະແໜງຕໍ່ກ່ຳປັ່ນ, ການເດີນເຮືອ ແລະ ກິດຈະກຳທະເລທີ່ມີຂອບຂະໜາດໃຫຍ່ສຸດຢູ່ຫວຽດນາມ. ເຂົ້າຮ່ວມງານວາງສະແດງຄັ້ງນີ້ມີ 97 ບໍລິສັດທີ່ມາຈາກ 13 ປະເທດ; ໃນນັ້ນຫວຽດນາມ ມີ 59 ບໍລິສັດ ແລະ ມີ 38 ບໍລິສັດຕ່າງປະເທດ ດ້ວຍຮ້ານວາງສະແດງ 163 ຮ້ານ.
        ບັນດາຂົງເຂດທີ່ໄດ້ວາງສະແດງລວມມີ: ເຕັກໂນໂລຊີຕໍ່ກ່ຳປັ່ນ ແລະ ສ້ອມແປງກ່ຳປັ່ນ; ອຸປະກອນ ແລະ ວັດຖຸອຸປະກອນຮັບໃຊ້ການຕໍ່ກ່ຳປັ່ນ; ເຄື່ອງອຸປະກອນໃນໂຮງງານຕໍ່ກ່ຳປັ່ນ… ບັນດາການເຄື່ອນໄຫວໃນຂອບເຂດງານວາງສະແດງລວມມີ: ກວດມອບລາງວັນຜະລິດຕະພັນເຕັກໂນໂລຊີ ແລະ ການບໍລິການເຂົ້າຮ່ວມງານວາງສະແດງ; ເວທີປາໄສຜູ້ຊື້; ກອງປະຊຸມສຳມະນາສະເພາະຂະແໜງດ້ວຍຫົວຂໍ້ “ຕະຫຼາດຂົນສົ່ງທາງທະເລ ແລະ ຕໍ່ກ່ຳປັ່ນຫວຽດນາມ - ກາລະໂອກາດ ແລະ ສິ່ງທ້າທາຍ” ແລະ ພິທີລົງນາມໃນສັນຍາລະຫວ່າງບັນດາຄູ່ຮ່ວມມື.

ແຫຼ່ງຄັດຈາກ VOV