• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ງານຕະຫຼາດນັດການຄ້າລາວ-ຫວຽດຊ່ວຍເພີ່ມທະວີການຮ່ວມມືຮອບດ້ານລະຫວ່າງສອງປະເທດ

      ງານຕະຫຼາດນັດການຄ້າ ລາວ-ຫວຽດນາມ 2019 ມີຮ້ານວາງຂາຍສິນຄ້າກວ່າ 240 ຮ້ານ ຂອງຫົວໜ່ວຍວິສາຫະກິດ 180 ແຫ່ງ.
            ຕອນບ່າຍວັນທີ 27 ມິຖຸນາຢູ່ສູນວາງສະແດງ-ຫໍປະຊຸມ-ການຄ້າສາກົນລາວ (ITECC) ຢູ່ນະຄອນຫຼວງວຽງຈັນ, ກົມສົ່ງເສີມການຄ້າ, ກະຊວງອຸດສະຫະກຳແລະການຄ້າຫວຽດນາມໄດ້ປະສານສົມທົບກັບກົມສົ່ງເສີມການຄ້າ, ກະຊວງອຸດສະຫະກຳແລະການຄ້າລາວຈັດພິທີເປີດງານຕະຫຼາດນັດການຄ້າລາວ-ຫວຽດ2019 (VIETLAO EXPO 2019).

ຮ້ານວາງສະແດງສິນຄ້າຂອງແຂວງກວາງນິງ ທີ່ງານຕະຫຼາດນັດ
      ກ່າວຄຳເຫັນທີ່ພິທີເປີດ, ທ່ານຮອງລັດຖະມົນຕີກະຊວງອຸດສະຫະກຳແລະການຄ້າຫວຽດນາມກາວກວ໊ກຮຶງເນັ້ນໜັກວ່າເພື່ອຍູ້ແຮງການຮ່ວມມືພັດທະນາ, ຫວຽດນາມແລະລາວຄວນຍູ້ແຮງການປະຕິບັດບັນດາຄຳໝັ້ນສັນຍາແລະ ສັນຍາການຄ້າທີ່ໄດ້ຮັບການລົງນາມແລ້ວ, ພັດທະນາພື້ນຖານໂຄງລ່າງດ້ານຄົມມະນາຄົມແລະ ໂຄງລ່າງດ້ານການຄ້າ.
        ທ່ານຮອງລັດຖະມົນຕີກະຊວງອຸດສະຫະກຳແລະການຄ້າລາວພັນທອງພິດທຸມມາກໍ່ໄດ້ເນັ້ນໜັກວ່າງານຕະຫຼາດນັດການຄ້າລາວ-ຫວຽດ ໄດ້ຈັດຕັ້ງໃນທຸກໆປີ ເປັນເຫດການສຳຄັນ ແລະ ມີຄວາມໝາຍສຳຄັນທີ່ສຸດ ໃນການຊ່ວຍເພີ່ມທະວີ ການຮ່ວມມືຮອບດ້ານລະຫວ່າງສອງປະເທດ ລາວ-ຫວຽດນາມ, ພ້ອມດຽວກັນນັ້ນ ກໍ່ຊ່ວຍໃຫ້ການຮ່ວມມືດ້ານເສດຖະກິດ-ການຄ້າ ລາວ-ຫວຽດນາມ ນັບມື້ນັບພັດທະນາ ຂຶ້ນສູ່ລະດັບສູງໃໝ່.
        ງານຕະຫຼາດນັດການຄ້າ ລາວ-ຫວຽດນາມ 2019 ມີຮ້ານວາງຂາຍສິນຄ້າກວ່າ 240 ຮ້ານ ຂອງຫົວໜ່ວຍວິສາຫະກິດ 180 ແຫ່ງ. ໃນນັ້ນ, ຮ້ານວາງຂາຍສິນຄ້າຫວຽດນາມມີ ທັງໝົດ120 ຮ້ານທີ່ບັນລຸມາດຕະຖານ ຂອງວິສາຫະກິດເກືອບ 80 ແຫ່ງ ທີ່ມີຄຸນນະພາບ, ເຄື່ອງໝາຍການຄ້າ ແລະ ມີອິດທິພົນຊື່ສຽງຂອງຫວຽດນາມ ເຊິ່ງຂຶ້ນກັບຂະແໜງ ສິນຄ້າປະເພດຕ່າງຄື ການຢາ ແລະ ອຸປະກອນການແພດ, ເຄື່ອງຈັກອຸດສາຫະກຳ, ການກໍ່ສ້າງ ແລະວັດສະດຸກໍ່ສ້າງ, ກະສິກຳ-ປ່າໄມ້, ສິນໃນນ້ໍາ ແລະ ອາຫານປຸງແຕ່ງ, ເຄື່ອງນຸ່ງ-ແຟຊັ້ນ, ເຄື່ອງສິລະປະຫັດຖະກໍາ ແລະ ເຄື່ອງຕົກແຕ່ງພາຍໃນເຮືອນ, ເຄື່ອງປລາດສະຕິກ ແລະ ຜະລິດຕະພັນໃຊ້ສອຍປະຈຳວັນ.
 (ແຫຼ່ງຄັດຈາກ VOV)
 
 

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ມີຫຼາຍຮູບແບບສະຕາດອັບ (start up), ປະດິດຄິດສ້າງທີ່ເປັນເອກະລັກ, ມີລັກສະນະໝູນໃຊ້ສູງ ໂດຍນັກຮຽນ, ນັກສຶກສາໃນທົ່ວປະເທດແນະນຳໃນວັນບຸນສະຕາດອັບແຫ່ງຊາດຂອງນັກຮຽນ, ນັກສຶກສາ ຄັ້ງທີ VI, ເຊິ່ງໄດ້ດຳເນີນຢູ່ນະຄອນ ເກີ່ນເທີ ໃນກາງເດືອນພຶດສະພາຜ່ານມາ. ວັນບຸນດັ່ງກ່າວໄດ້ກາຍເປັນເວທີແຫ່ງພູມປັນຍາ, ເຊີດຊູຄວາມສາມາດປະດິດຄິດສ້າງ, ຜົນງານຂອງນັກຮຽນ, ນັກສຶກສາ, ພ້ອມທັບປຸກລຸກນ້ຳໃຈສະຕາດອັບ, ຄວາມຄາດຫວັງກໍ່ຮ່າງສ້າງຕົວ, ສ້າງອາຊີບ, ປະກອບສ່ວນເຮັດໃຫ້ນັກຮຽນ, ນັກສຶກສາປ່ຽນແປງຈິນຕະນາການ, ຄວາມຮັບຮູ້, ກ້າຄິດ, ກ້າທຳ ແລະ ເສີມຂະຫຍາຍກຳລັງຄວາມສາມາດຂອງຕົນ.

Top