• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຄວາມ​ຊົງ​ຈຳ​ຄາວ​ເຍົາ​ໄວ - ຊຸດ​ສະສົມ​ແຟ​ຊັ່ນ ອິນ​ໂດ​ເນ​ເຊຍ ​ທີ່​ສະ​ຫງວນ​ໃຫ້​ແກ່​ໄວ​ໜຸ່ມ ຫວຽດ

ສັບປະດາ ແຟຊັ່ນສາກົນ ຫວຽດນາມ ລະດູໃບໄມ້ຫຼົ່ນ ລະດູໜາວ 2022 - Aquafina Vietnam International Fashion Week Fall Winter 2022 (AVIFW) ໄດ້ດຳເນີນແຕ່ວັນທີ 23 ຫາວັນທີ 27 ພະຈິກ ທີ່ຜ່ານມາຢູ່ ຮ່າໂນ້ຍ ໄດ້ດຶງດູດມີການເຂົ້າຮ່ວມນັກອອກແບບ, ເຄື່ອງໝາຍແຟຊັ່ນ 18 ທ່ານທັງຢູ່ພາຍໃນປະເທດ ແລະ ສາກົນ. ເຂົ້າຮ່ວມເຫດການແຟຊັ່ນທີ່ມີອິດທິພົນຊື່ສຽງ ແລະ ໃຫຍ່ທີ່ສຸດໃນປີຂອງ ຫວຽດນາມ, ທ່ານ Priyo Oktaviano - ນັກອອກແບບຊາວ ອິນໂດເນເຊຍ ໄດ້ນຳມາເຊິ່ງສາຍລົມໃໝ່ດ້ວຍຊຸດສະສົມທີ່ຂຶ້ນກັບເຄື່ອງໝາຍແຟຊັ່ນສະເພາະຂອງຕົນ - “SPOUS”. ໃນລາຍການຊາຍຄາອາຊຽນພາກນີ້, ຂໍເຊີນທ່ານຜູ້ຟັງພ້ອມກັບນັກຂ່າວ VOV ພົບປະກັບນັກອອກແບບທີ່ມີຄວາມສາມາດນີ້ ຜ່ານບົດສາລະຄະດີ: “ຄວາມຊົງຈຳຄາວເຍົາໄວ” - ຊຸດສະສົມແຟຊັ່ນ ອິນໂດເນເຊຍ ທີ່ສະຫງວນໃຫ້ແກ່ໄວໜຸ່ມ ຫວຽດ.
  ບັນດາຊຸດສະແດງຢູ່ສັບປະດາ ແຟຊັ່ນສາກົນ ຫວຽດນາມ ລະດູໃບໄມ້ຫຼົ່ນ ລະດູໜາວ 2022 (ພາບ: KBRI)  

ໂດຍແມ່ນໜຶ່ງໃນສອງນັກອອກແບບຕ່າງປະເທດທີ່ປະກົດຕົວໃນມື້ທີ 3 ຂອງ AVIFW, ທ່ານ Priyo Oktaviano ແນະນຳຊຸດສະສົມ “ຄວາມຊົງຈຳຄາວເຍົາໄວ” “Childhood Reminiscence” ທີ່ເຕັມໄປດ້ວຍລັກສະນະ Street style. ດ້ວຍຊຸດແຕ່ງກາຍ 28 ຊຸດ ທີ່ນຳມາສັບປະດາແຟຊັ່ນ ຫວຽດນາມ ຄັ້ງນີ້ ແມ່ນການປະດິດຄິດສ້າງໂດຍອີງໃສ່ການອະນຸລັກຮັກສາບັນດາຄຸນຄ່າທີ່ເປັນມູນເຊື້ອ, ພິເສດແມ່ນລວດລາຍຂອງແຜ່ນແພພື້ນເມືອງອິນໂດເນເຊຍ ຂອງນັກອອກແບບຄົນນີ້.

ເມື່ອແສງໄຟຈາກເວທີໄດ້ແຈ້ງຂຶ້ນ, ນັບແຕ່ເວທີຫຼັກ, ແຕ່ລະຊຸດແຕ່ງກາຍໃນຊຸດສະແດງ “Childhood Reminiscence” ຄ່ອຍໆໄດ້ປະກົດຂຶ້ນຕາມລຳດັບ. ເມື່ອກ້າວເດີນບາດທຳອິດ ເຕັມໄປດ້ວຍພະລັງງານທີ່ແຮງກ້າບົນເວທີ catwalk ພ້ອມກັບດົນຕີທີ່ຟົດຟື້ນ, ນາຍແບບສວມເສື້ອຄຸມຍາວບາງໆສີຂຽວອ່ອນ, ມືຖືກະເປົານ້ອຍໆສີບົວໜ້າຮັກ ໄດ້ນຳມາເຊິ່ງຄວາມຮູ້ສຶກແປກໃໝ່ບໍ່ຄືໃຜ.

ຜູ້ຊົມຈະຮູ້ສຶກປະຫຼາດໃຈເມື່ອເຫັນໄດ້ເຖິງການອອກແບບທີ່ໃໝ່ອ່ຽມຂອງນັກອອກແບບທີ່ມາຈາກອິນໂດເນເຊຍ ເມື່ອນາຍແບບຄົນຕໍ່ໄປ ໄດ້ສວມເສື້ອຕັດຫຍິບຈາກແຜ່ນແພພື້ນເມືອງຂອງອິນໂດເນເຊຍ ພ້ອມກັບໂສ້ງ 5 ສ່ວນສີເຫຼືອງ. ການປະສົມປະສານກັນທີ່ເໝະສົມລະຫວ່າງໂສ້ງ 5 ສ່ວນຂາໃຫຍ່ ທີ່ໄດ້ຕັດຫຍິບຢ່າງລະອຽດອໍ ພ້ອມເສື້ອເສີດສີເຫຼືອງອ່ອນ ແລະ ເກີບກິລາ ໄດ້ສ້າງເປັນລັກສະນະສະເພາະທີ່ລຽບງ່າຍໃຫ້ແກ່ຊຸດແຕ່ງກາຍ. ກໍຄືແນວນັ້ນ, ແຕ່ລະຊຸດແຕ່ງກາຍທີ່ມີສີສັນສົດໃສ ປະສົມປະສານກັບລວດລາຍທີ່ເປັນເອກະລັກຂອງອິນໂດເນເຊຍໄດ້ແນະນຳໃຫ້ແຂກຜູ້ຊົມ.

ແທນໃຫ້ບັນດາເກີບສົ້ນສູງທີ່ມັກໄດ້ສະແດງບົນເວທີແຟຊັ່ນ, ສ່ວນຫຼາຍນາງແບບມຮາສັບປະດາແຟຊັ່ນສາກົນຄັ້ງນີ້ໄດ້ໃສ່ ເກີບບູດແບບ “ຫ້າວໆ”, ພິເສດກວ່ານັ້ນ ແມ່ນເກີບຢາງ. ພ້ອມດ້ວຍຊົງຜົມຍ້ອມສີສັນທີ່ສົດໃສ, ໜຸ່ມນ້ອຍ. ສິ່ງທີ່ສ້າງຄວາມພິເສດໃຫ້ແກ່ຊຸດສະແດງຢູ່ເທິງເວທີ ແມ່ນນາງແບບ ແທນທີ່ຈະເດີນຢູ່ເທິງເວທີຮອບໜຶ່ງແລ້ວລົງ ເຂົາເຈົ້າເດີນອີກຮອບໜຶ່ງກັບຜູ້ຖັດໄປຈຶ່ງລົງເວທີ, ຊ່ວຍໃຫ້ແຂກຜູ້ຊົມມີຄວາມປະທັບໃຈຢ່າງເລິກເຊິ່ງກ່ຽວກັບຊຸດສະແດງ. ເມື່ອແບ່ງປັນກ່ຽວກັບຊຸດສະແດງຂອງຕົນ, ນັກອອກແບບອິນໂດເນເຊຍ Priyo Oktaviano ໃຫ້ຮູ້ວ່າ:

“ຊຸດສະແດງນີ້ແມ່ນ Street Fashion ມີລັກສະນະແປກໃໝ່. ຂ້າພະເຈົ້ານຳໃຊ້ຫຼາຍສີສັນເຊ່ັນ: ສີສົ້ມ, ສີເຫຼືອງ, ສີຂຽວອ່ອນ, ສີບົວ. ຕ້ອງເສຍເວລາເຖິງ 3 ເດືອນ ເພື່ອປະສົມສີທຳມະຊາດ ກັບສີເຄມີ. ບັນດາລວດລາຍທີ່ຕິດເທິງຊຸດແຕ່ງກາຍ ແມ່ນໄດ້ເຮັດດ້ວຍມື. ໄປຄຽງຄູ່ກັ້ນນັ້ນ, ຂ້າພະເຈົ້າກໍ່ສົມທົບລວດລາຍທີ່ເປັນມູນເຊື້ອຂອງອິນໂດເນເຊຍ ກັບວັດສະດຸທີ່ມີລັກສະນະເປັນແບບກະຕູນ, ແບບແຜນທັນສະໄໝ. ໃນຊຸດສະແດງ 28 ຊຸດ, ໃນນັ້ນສ່ວນໃຫຍ່ ແມ່ນຜູ້ຊາຍນຸ່ງ ທີ່ໄດ້ແນະນຳໃນຄັ້ງນີ້ ແມ່ນຂອງຂວັນທີ່ຂ້າພະເຈົ້າມອບໃຫ້ໄວໜຸ່ມ”.

ນີ້ບໍ່ແມ່ນຄັ້ງທຳອິດທີ່ນັກອອກແບບອິນໂດເນເຊຍ ໄດ້ເຂົ້າຮ່ວມສັບປະດາ ແຟຊັ່ນສາກົນ ຫວຽດນາມ ລະດູໃບໄມ້ຫຼົ່ນ - ລະດູໜາວ. ໃນງານສະແດງແຟຊັ່ນທີ່ໄດ້ຈັດຂຶ້ນໃນປີ 2016, ນັກອອກແບບຄົນນີ້ກໍ່ໄດ້ແນະນຳຊຸດສະແດງ  “Potpuirri” ທີ່ມີແຮງບັນດານໃຈຈາກດອກໄມ້ແຫ້ງ ໃຫ້ວົງການແຟຊັ່ນຫວຽດນາມ. ປີນີ້, ໂດນແທ້ຮນັກອອກແບບໜຶ່ງດຽວຂອງ ອິນໂດເນເຊຍ ທີ່ໄດ້ເຂົ້າຮ່ວມງານວາງສະແດງ, ເພິ່ນຍາມໃດກໍ່ຮູ້ສຶກກັງວົນໃຈວ່າ ຈະເຮັດແນວໃດເພື່ອແນະນຳຈຸດທີ່ເປັນເອກະລັກສະເພາະຂອງລວດລາຍທີ່ເປັນມູນເຊື້ອຂອງອິນໂດເນເຊຍ ແຕ່ຍັງມີລັກສະນະສາກົນ ແລະ ມີລັກສະນະນຳໃຊ້ສູງໃນຊີວິດປະຈຳວັນ, ພິເສດແມ່ນໄດ້ຮັບຄວາມນິຍົມຈາກໄວໜຸ່ມ.

ຊຸດສະແດງນີ້ຂອງຂ້າພະເຈົ້າແມ່ນບັນດາຄວາມຊົງຈຳຄາວເຍົາໄວ. ລວດລາຍຂອງຊຸດສະແດງແມ່ນລວດລາຍທີ່ເປັນເອກະລັກສະເພາະຂອງສະຖານທີ່ຂ້າພະເຈົ້າດຳລົງຊີວິດ - Jawa ຕາເວັນອອກ ແລະ ແຜ່ນແພ Bali. ຂ້າພະເຈົ້າຢາກແນະນຳຄຸນຄ່າທີ່ເປັນມູນເຊື້ອຂອງອິນໂດເນເຊຍ, ນຳມາເຊິ່ງຈຸດທີ່ເປັນເອກະລັກສະເພາະຂອງ ອິນໂດເນເຊຍ ກັບເມືອ ຫວຽດນາມ ແລະ ກໍ່ເໝາະສົມກັບຫົວຂໍ້ຂອງສັບປະດາແພຊັ່ນ ສາກົນ Aquafina “Teast of Heritage”. ສະຕາຍ໌ ໃນຊຸດສະແດງຂອງຂ້າພະເຈົ້າແມ່ນສົດຊື່ນ ແລະ ມີຫຼາຍສີສັນທີ່ສະຫງວນໃຫ້ແກ່ໄວໜຸ່ມ ຍ້ອນວ່າເຂົາເຈົ້າແມ່ນຜູ້ຂະຫຍັນຂັນແຂງ ແລະ ເຕັມໄປດ້ວຍພະລັງງານ.

“Childhood Reminiscence” ບໍ່ພຽງແຕ່ໄດ້ຮັບຄວາມນິຍົມ ຈາກເພື່ອນໜຸ່ມ ຫວຽດນາມ ເທົ່ານັ້ນ ຫາກບັນດານັກອອກແບບ ຫວຽດນາມ ຍັງໄດ້ຕີລາຄາສູງອີກດ້ວຍ. ນັກອອກແບບ ຫງວຽນດຶກຮຸ່ງ ໃຫ້ຮູ້ວ່າ:

ຂ້າພະເຈົ້າມັກຊຸດສະແດງນີ້ທີ່ສຸດ. ກ່ອນອື່ນແມ່ນການແນະນຳຂອງເພື່ອນອິນໂດເນເຊຍ ທີ່ມີລັກສະນະແຟຊັ່ນສາກົນ.  ຂ້າພະເຈົ້າເຫັນໄດ້ການກຳນົດທິດກ່ຽວກັບທາງດ້ານຄວາມງາມໃນຊຸດສະແດງນີ້, ນັ້ນແມ່ນໜ້າທີ່ຂອງນັກອອກແບບຊາວອິນໂດເນເຊຍ ກໍ່ຄືຂ້າພະເຈົ້າເອງ. ຂ້າພະເຈົ້າຄິດວ່າ ຊຸດສະແດງນີ້ຈະໄດ້ຮັບການສະໜັບສະໜູນຈາກນເພື່ອນໜຸ່ມ ຫວຽດນາມ.

ຍາມໃດກໍ່ນຳໃຊ້ວັດສະດຸແຜ່ນແພ ທີ່ເຮັດດ້ວຍມືໃນບັນດາຊຸດອອກແບບຂອງຕົນ ເປັນວິທີການເຊິ່ງ Priyo Oktaviano ຕັກເຕືອນຕົນເອງ ຕ້ອງຮັກສາແຜ່ນແພມູນເຊື້ອ ອິນໂດເນເຊຍ ໃນການປະດິດຄິດສ້າງສິລະປະ. ການເຂົ້າຮ່ວມສັບປະດາແພຊັ່ນສາກົນ ຫວຽດນາມ ຄັ້ງນີ້ ນຳມາເຊິ່ງແນວຄວາມຄິດຈະປະສົມປະສານກັບວັດສະດຸແຜ່ນແຜມູນເຊື້ອຂອງ ຫວຽດນາມ ໃນບັນດາຊຸດສະແດງຕໍ່ໄປຂອງ Priyo Oktaviano. ແນວຄວາມຄິດນີ້ ເລີ່ມມາຈາກໃສ ແລະ ຈະໄດ້ນັກອອກແບບທີ່ມີຄວາມເກັ່ງກ້າສາມາດຂອງ ອິນໂດເນເຊຍປະຕິບັດຄືແນວໃດ? ເຊີນບັນດາທ່ານພ້ອມກັນ ຕິດຕາມບົດສາລະຄະດີຕໍ່ໄປຂອງພວກຂ້າພະເຈົ້າທີ່ມີມີຊື່ວ່າ: ນັກອອກແບບອິນໂດເນເຊຍ Priyo Oktaviano - ມີຄວາມຄິດປະດິດສ້າງຈາກບັນດາຄຸນຄ່າຂອງມູນເຊື້ອ.

(ແຫຼ່ງຄັດຈາກ VOV)

ຫວຽດນາມ ດຶງດູດທຶນ FDI ກວ່າ 1,2 ຕື້ USD ໃນເດືອນ ມັງກອນ 2023

ຫວຽດນາມ ດຶງດູດທຶນ FDI ກວ່າ 1,2 ຕື້ USD ໃນເດືອນ ມັງກອນ 2023

ໃນເດືອນ ມັງກອນ 2023, ຫວຽດນາມ ມີ 153 ໂຄງການລົງທຶນໂດຍກົງຈາກຕ່າງປະເທດ (FDI) ໄດ້ສະໜອງໃໝ່, ດ້ວຍຍອດທຶນຈົດທະບຽນແມ່ນ 1,2 ຕື້ USD.

Top