ຂ່າວສານ
ກົດໝາຍວ່າດ້ວຍການລົງທຶນພາກລັດ (ສະບັບປັບປຸງ) ມີຜົນສັກສິດນັບແຕ່ວັນທີ 1 ມັງກອນ 2020 ເປັນຕົ້ນໄປ
(ພາບປະກອບ: TTXVN)
ຕາມທ່ານ ເຈິ່ນກວັກເຟືອງ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ແລ້ວ, ເລື່ອງປະກາດໃຊ້ກົດໝາຍວ່າດ້ວຍການລົງທຶນພາກລັດ (ສະບັບປັບປຸງ) ແມ່ນເພື່ອແນໃສ່ສືບຕໍ່ປັບປຸງລະບອບລະບຽບການ, ກົດໝາຍກ່ຽວກັບການລົງທຶນພາກລັດຕາມທິດເອກະພາບ, ຄົບຊຸດ ກັບ ບັນດາກົດໝາຍອື່ນໆທີ່ກ່ຽວຂ້ອງໃຫ້ສົມບູນແບບ. ພ້ອມກັນນັ້ນ, ກົດໝາຍສະບັບປັບປຸງ ກໍຊ່ວຍເພີ່ມທະວີການຄຸ້ມຄອງບັນດາການເຄື່ອນໄຫວລົງທຶນພາກລັດ ແລະ ແຫຼ່ງເງິນລົງທຶນພາກລັດໄດ້ຢ່າງແໜ້ນແຟ້ນ ແລະ ມີປະສິດທິຜົນກວ່າ ກໍຄືສືບຕໍ່ແກ້ໄຂສະພາບການລົງທຶນແບບກະແຈກກະຈາຍ, ປະກອບສ່ວນຍົກສູງປະສິດທິຜົນການລົງທຶນໃຫ້ຖືກຕ້ອງຕາມເປົ້າໝາຍ, ການກໍານົດທິດຂອງຍຸດທະສາດ, ການວາງແຜນຜັງ, ແຜນການພັດທະນາເສດຖະກິດ, ສັງຄົມ ຂອງປະເທດຊາດ.
ດ້ວຍບັນດາຈຸດໃໝ່ໃນກົດໝາຍວ່າດ້ວຍການລົງທຶນພາກລັດ (ສະບັບປັບປຸງ), ເລື່ອງປະຕິບັດກົດໝາຍຈະສ້າງເງື່ອນໄຂສະດວກກວ່າໃຫ້ແກ່ວິວັດການກະກຽມໂຄງການຕ່າງໆ ແລະ ປະກອບສ່ວນດັດປັບອັດຕາປ່ອຍເງິນລົງທຶນພາກລັດ.
(ແຫຼ່ງຄັດຈາກ VOV)
