ນາຍົກລັດຖະມົນຕີກຳປູເຈຍ HunSen
ພາບ:internet
ທ່ານນາຍົກລັດຖະມົນຕີກຳປູເຈຍ HunSen ໄດ້ຢັ້ງຢືນຄືນການສະຫນັບສະຫນູນ Timor Leste ກາຍເປັນສະມາຊິກທີ 11 ຂອງອາຊຽນ ແລະ ສະມາຊີກຂອງອົງການການຄ້າໂລກ. ທ່ານນາຍົກລັດຖະມົນຕີ ກຳປູເຈຍ Hun Sen ຫາກໍໄປຢ້ຽມຢາມ Timor Leste ໃນເວລາ 2 ວັນ ຄືວັນທີ 20 ແລະ 21/8. ທ່ານ Hun Sen ໝັ້ນໝາຍຈະຫນູນຊ່ວຍດ້ານເຕັກນິກ ແລະ ສົ່ງຜູ້ຊ່ຽວຊານມາຊ່ວຍ Timor Leste ກາຍເປັນສະມາຊິກ ຂອງ ອົງການການຄ້າໂລກ ແລະ ກອງປະຊຸມ ສປຊ ກ່ຽວກັບການຄ້າ ແລະ ພັດທະນາ. ນອກນັ້ນ ໃນການຢ້ຽມຢາມ, ສອງຝ່າຍໄດ້ລົງນາມໃນເອກະສານຮ່ວມມື 3 ສະບັບ ໃນບັນດາຂົງເຂດການຄ້າ, ການທ່ອງທ່ຽວ, ນ້ຳມັນອາຍແກດສ.
ພາບ:internet
(ແຫຼ່ງຄັດຈາກ VOV)
