ຂ່າວສານ
ທ່ານເລຂາທິການໃຫຍ່, ປະທານປະເທດ ໂຕເລິມ: ສະພາທິດສະດີສູນກາງສືບຕໍ່ຢັ້ງຢືນບົດບາດຫຼັກແຫຼ່ງໃນການຄົ້ນຄ້ວາ ແລະ ໃຫ້ຄຳປຶກສາຍຸດທະສາດ
ສະພາທິດສະດີສູນກາງຕ້ອງກຳແໜ້ນ, ຄົ້ນຄ້ວາ, ຕີລາຄາເນື້ອໃນ, ກຳນົດຄວາມຮັບຜິດຊອບໃນການຄົ້ນຄ້ວາ, ການໃຫ້ຄຳປຶກສາຂອງຕົນຢ່າງຖືກຕ້ອງເພື່ອສຸມໃສ່ແກ້ໄຂ. ນັ້ນແມ່ນຄຳຮຽກຮ້ອງຕ້ອງການຂອງທ່ານເລຂາທິການໃຫຍ່, ປະທານປະເທດ ໂຕເລິມ ທີ່ພິທີສະເຫຼີມສະຫຼອງ 30 ປີ ແຫ່ງວັນສ້າງຕັ້ງສະພາທິດສະດີສູນກາງ (30/10/1996-30/10/2026)ແລະ ພິທີຕ້ອນຮັບຫຼຽນໄຊໂຮ່ຈີມິນ.
ທີ່ພິທີປະດັບຫຼຽນໄຊໂຮ່ຈີມິນໃຫ້ສະພາທິດສະດີສູນກາງ ແລະ ກ່າວຄຳເຫັນທີ່ພິທີສະເຫຼີມສະຫຼອງ, ທ່ານເລຂາທິການໃຫຍ່, ປະທານປະເທດ ໂຕເລິມ ສະເໜີສະພາສືບຕໍ່ຢັ້ງຢືນ ແລະ ຍົກສູງບົດບາດແກ່ນສານ, ຫຼັກແຫຼ່ງໃນການຄົ້ນຄ້ວາທິດສະດີ, ສະຫຼຸບພຶດຕິກຳຕົວຈິງ ແລະ ໃຫ້ຄຳປຶກສາຍຸດທະສາດຂອງພັກ, ເປັນເຈົ້າການຄາດຄະເນ ແລະ ພົບເຫັນບັນດາບັນຫາໃໝ່. ໃນນັ້ນ, ສະພາຕ້ອງຕິດແທດການຫັນປ່ຽນຂອງປະເທດຊາດ ແລະ ໂລກ, ເລືອກເອົາບັນດາບັນຫາຄົ້ນຄ້ວາຈາກຄຳຮຽກຮ້ອງຂອງການນຳພາ, ການພັດທະນາ.
ທ່ານເລຂາທິການໃຫຍ່, ປະທານປະເທດ ຮຽກຮ້ອງສະພາແຫ່ງຊາດປະຕິບັດ ສອງບັ້ນການສະຫຼຸບໃຫຍ່ ເປັນຢ່າງດີ, ປະກອບສ່ວນສ້າງບາດກ້າວພັດທະນາໃໝ່ກ່ຽວກັບທິດສະດີ ແລະ ວິໄສທັດ ການນຳພາຂອງພັກ. ໃນນັ້ນ, ສະຫຼຸບ 100 ປີແຫ່ງພັກນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດໂຄງການການເມື່ອງສ້າງສາປະເທດຊາດໃນໄລຍະຂ້າມຜ່ານຂຶ້ນສັງຄົມນິຍົມ ແມ່ນໜ້າທີ່ທີ່ມີຄວາມໝາຍຍຸດທະສາດ, ເຊື່ອມຕໍ່ປະຫວັດສາດ ອັນຍາວນານກັບຄຳຮຽກຮ້ອງຕ້ອງການໃນປັດຈຸບັນ ແລະ ຄວາມມຸ່ງຫວັງຕໍ່ອະນາຄົດຢ່າງເລິກເຊິ່ງ.
