ຂ່າວສານ

ການເດີນທາງໄປປະຕິບັດງານຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ: ເປີດບັນດາທິດຮ່ວມມືໃໝ່ລະຫວ່າງ ຫວຽດນາມ ແລະ ສະຫະພັນ ລັດເຊຍ ແລະ ຝລັ່ງ

13/09/2026

ໄປຄຽງຄູ່ກັບການເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ປັບປຸງການພົວພັນດ້ານການເມືອງ, ການນຳຂັ້ນສູງຫວຽດນາມ, ລັດເຊຍ ແລະ ຝລັ່ງມີຄວາມເປັນເອກະພາບສູງ, ມີການແລກປ່ຽນຢ່າງເລິກເຊິ່ງກ່ຽວກັບວຽກງານເຮັດແນວໃດເພື່ອຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ໃຫ້ມີປະສິດທິຜົນ ໃນບັນດາຂົງເຂດ

ທ່ານເລຮ່ວາຍຈຸງ ລັດຖະມົນຕີກະຊວງການຕ່າງປະເທດ ຫວຽດນາມ (ພາບ: VNA)

ການເດີນທາງໄປປະຕິບັດງານຂອງ ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໂຕເລິມ: ເປີດບັນດາທິດຮ່ວມມືໃໝ່ລະຫວ່າງ ຫວຽດນາມ ແລະ ສະຫະພັນ ລັດເຊຍ ແລະ ຝລັ່ງ. ສິ່ງນີ້ໂດຍທ່ານ ເລຮ່ວາຍຈຸງ ລັດຖະມົນຕີການຕ່າງປະເທດ ຫວຽດນາມ ເນັ້ນໜັກເມື່ອຕອບສຳພາດຕໍ່ນັກຂ່າວໃນຕອນບ່າຍວັນທີ 12 ກັນຍາ, ເມື່ອທ່ານເລຂາທິການໃຫຍ່, ປະທານປະເທດ ໂຕເລິມ ແລະ ຄະນະຜູ້ແທນຂັ້ນສູງ ຫວຽດນາມ ກັບເມືອຮອດຮ່າໂນ້ຍ, ສິ້ນສຸດການຢ້ຽມຢາມທາງລັດຖະກິດສະຫະພັນ ລັດເຊຍ, ຢ້ຽມຢາມສ.ຝລັ່ງຢ່າງເປັນທາງການ ຢ່າງຈົບງາມ ແລະ ເຂົ້າຮ່ວມກອງປະຊຸມສຸດຍອດ ອາວະກາດຕາມຄຳເຊື້ອເຊີນຂອງທ່ານ ປະທານາທິບໍດີ ລັດເຊຍ V.Putin, ທ່ານປະທານາທິບໍດີ ຝລັ່ງ Emmanuel Macron. ຕາມທ່ານລັດຖະມົນຕີ ເລຮ່ວາຍຈຸງແລ້ວ, ໄປຄຽງຄູ່ກັບການເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ປັບປຸງການພົວພັນດ້ານການເມືອງ, ການນຳຂັ້ນສູງຫວຽດນາມ, ລັດເຊຍ ແລະ ຝລັ່ງມີຄວາມເປັນເອກະພາບສູງ, ມີການແລກປ່ຽນຢ່າງເລິກເຊິ່ງກ່ຽວກັບວຽກງານເຮັດແນວໃດເພື່ອຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ໃຫ້ມີປະສິດທິຜົນ ໃນບັນດາຂົງເຂດຄື ເສດຖະກິດ, ການຄ້າ, ການລົງທຶນ, ວິທະຍາສາດເຕັກໂນໂລຢີ, ການສຶກສາ ບຳລຸງສ້າງ…ເພື່ອຈາກນັ້ນເປີດທິດທາງຮ່ວມມືໃໝ່ໃນບັນດາຂົງເຂດນີ້.

(ແຫຼ່ງຄັດຈາກ VOV)