ຕອນເຊົ້າວັນທີ 9 ມີນາ, ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ, ໄດ້ໂອ້ລົມທາງໂທລະສັບກັບທ່ານລັດຖະມົນຕີກະຊວງປ້ອງກັນປະເທດ ນິວຊີແລນ Peeni Henare.

    

ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ (ພາບ: TTXVN)

ສອງຝ່າຍໄດ້ຢັ້ງຢືນວ່າ ການພົວພັນຮ່ວມມືດ້ານປ້ອງກັນຊາດລະຫວ່າງສອງປະເທດຍັງມີຄວາມສາມາດບົ່ມຊ້ອນ ແລະ ເງື່ອນໄຂພັດທະນາຫຼາຍຢ່າງ, ບົນພື້ນຖານຂອງການພົວພັນຄູ່ຮ່ວມມືຍຸດທະສາດ. ສອງຝ່າຍໄດ້ເຫັນດີເປັນເອກະພາບສະເໜີກະຊວງປ້ອງກັນປະເທດຂອງສອງປະເທດສືບຕໍ່ເປັນເຈົ້າການວາງແຜນການຮ່ວມມື ແລະ ພ້ອມແລ້ວທີ່ຈະຜັນຂະຫຍາຍດ້ວຍຮູບການທີ່ແທດເໝາະກັບເງື່ອນໄຂເອື້ອອຳນວຍ, ສຸມໃສ່ບັນດາຂົງເຂດຄື ເພີ່ມທະວີການພົບປະ, ແລກປ່ຽນຄະນະຜູ້ແທນ, ໂດຍສະເພາະແມ່ນຄະນະຜູ້ແທນຂັ້ນສູງ.

        ສອງຝ່າຍເຫັນດີຄົ້ນຄວ້າການສ້າງຊ່ອງສົນທະນາລະຫວ່າງບັນດາເຈົ້າໜ້າທີ່, ນັກຮຽນຮູ້ດ້ານປ້ອງກັນຊາດຂອງສອງປະເທດ; ຊຸກຍູ້ການຮ່ວມມືບຳລຸງສ້າງ; ຄົ້ນຄວ້າຄວາມສາມາດຮ່ວມມືໃນຂົງເຂດປ້ອງກັນຄວາມປອດໄພທາງເຄືອຂ່າຍອິນເຕີເນັດ; ແລກປ່ຽນວິຊາການສຶກສາ;… ຜັນຂະຫຍາຍຂໍ້ຕົກລົງວ່າດ້ວຍການປະຕິບັດບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນຊາດໃນຂົງເຂດຮັກສາສັນຕິພາບ ສປຊ.

        ກະຊວງປ້ອງກັນປະເທດສອງປະເທດຈະຊຸກຍູ້ການຄົ້ນຄວ້າໂດຍໄວ, ສ້າງແຜນການຮ່ວມມື ໄລຍະ 3 ປີ ຕໍ່ໄປ 2022 – 2025 ເພື່ອເປັນເຈົ້າການຜັນຂະຫຍາຍວຽກງານຮ່ວມມືດ້ານປ້ອງກັນຊາດ, ໃຫ້ສົມກັບສາຍພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ນິວຊີແລນ.

(ແຫຼ່ງຄັດຈາກ VOV)