ຕອນບ່າຍວັນທີ 05 ພະຈິກ (ຕາມເວລາທ້ອງຖິ່ນ, ຢູ່ ວໍຊິງຕັນ ດີຊີ, ອາເມລິກາ), ທ່ານພົນໂທ ຫງວຽນເຈື່ອງທັງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ແລະ ທ່ານ John Noh, ຜູ້ຊ່ວຍລັດຖະມົນຕີກະຊວງສົງຄາມ ອາເມລິກາ, ໄດ້ເປັນປະທານຮ່ວມການສົນທະນາດ້ານນະໂຍບາຍປ້ອງກັນຊາດ ຫວຽດນາມ - ອາເມລິກາ ຄັ້ງທີ 14.
ທີ່ການສົນທະນາ, ສອງຝ່າຍໄດ້ເນັ້ນໜັກເຖິງການແກ້ໄຂຜົນຮ້າຍຢ້ອນຫຼັງຈາກສົງຄາມ ສືບຕໍ່ເປັນຈຸດເດັ່ນໃນການພົວພັນລະຫວ່າງ ຫວຽດນາມ - ອາເມລິກາ. ທ່ານ John Noh ຜູ້ຊ່ວຍລັດຖະມົນຕີ ໄດ້ຢືນຢັນການສະໜັບສະໜູນ ຫວຽດນາມ ເອກະລາດ, ສ້າງຄວາມເຂັ້ມແຂງດ້ວຍຕົນເອງ, ວັດທະນາຖາວອນ ແລະ ນະໂຍບາຍປ້ອງກັນຊາດ "ສີ່ບໍ່" ຂອງ ຫວຽດນາມ; ພ້ອມກັນນັ້ນ ຕີລາຄາສູງຕໍ່ເຈດຕະນາດີ, ການຮ່ວມມືຂອງ ຫວຽດນາມ ໃນການຊອກຄົ້ນຫາກະດູກຂອງທະຫານ ອາເມລິກາ ຫາຍສາບສູນໃນສົງຄາມ. ໃນໄລຍະຈະມາເຖິງ, ສອງຝ່າຍເຫັນດີທີ່ຈະສືບຕໍ່ຜັນຂະຫຍາຍບັນດາເນື້ອໃນຮ່ວມມືທີ່ໄດ້ເປັນເອກະພາບນຳກັນແລ້ວ, ຮັກສາສັນຕິພາບ, ອຸດສາຫະກຳປ້ອງກັນຊາດ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ. ສິ້ນສຸດການສົນທະນາ, ຫົວໜ້າຄະນະຜູ້ແທນສອງທ່ານໄດ້ລົງນາມໃນບົດບັນທຶກ ການສົນທະນາດ້ານນະໂຍບາຍປ້ອງກັນຊາດ ຫວຽດນາມ - ອາເມລິກາ ຄັ້ງທີ 14.
