ທ່ານ Denis Rondepierre, ກຳມະການກົມການເມືອງ, ຜູ້ປະຈຳການຄະນະເລຂາທິການພັກກອມມູນິດ ຝລັ່ງ

(ພາບ: Baotintuc.vn)

ການຢ້ຽມຢາມ ສ.ຝລັ່ງ ຢ່າງເປັນທາງການຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ປະກອບສ່ວນຍົກສູງການຮ່ວມມືລະຫວ່າງ 2 ປະເທດ - ນັ້ນແມ່ນຄຳເຫັນຂອງທ່ານ Denis Rondepierre, ກຳມະການກົມການເມືອງ, ຜູ້ປະຈຳການຄະນະເລຂາທິການພັກກອມມູນິດ ຝລັ່ງ (PCF) ເມື່ອຕອບສຳພາດນັກຂ່າວສຳນັກຂ່າວສານ ຫວຽດນາມ ປະຈຳ ຝລັ່ງ ເນື່ອງໃນໂອກາດທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ຢ້ຽມຢາມ ສ ຝລັ່ງ ຢ່າງເປັນທາງການແຕ່ວັນທີ 25 – 27 ມີນາ ຕາມຄຳເຊີນຂອງທ່ານປະທານາທິບໍດີ ສ. ຝລັ່ງ Emmanuel Macron.

        ຕາມທ່ານ Denis Rondepierre, ການຢ້ຽມຢາມ ສ ຝລັ່ງ ຢ່າງເປັນທາງການຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ແມ່ນມີຄວາມໝາຍສຳຄັນ, ຊຶ່ງໄດ້ດຳເນີນເນື່ອງໃນໂອກາດ ຫວຽດນາມ ແລະ ຝລັ່ງ ສະເຫຼີມສະຫຼອງ 5 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ. ການຢ້ຽມຢາມຈະປະກອບສ່ວນສຳຄັນຊຸກຍູ້ການພົວພັນຍຸດທະສາດເພື່ອແນໃສ່ຍົກສູງການພົວພັນຮ່ວມມືລະຫວ່າງ ຝລັ່ງ ແລະ ຫວຽດນາມ ໃນຫຼາຍຂົງເຂດຄື: ວັດທະນະທຳ, ການສຶກສາ, ການບຳລຸງສ້າງ, ຍຸຕິທຳ, ການບໍລິການ, ພັດທະນາເສດຖະກິດ, ການປ້ອງກັນຊາດ, ປ້ອງກັນຄວາມສະຫງົບ ແລະ ຮັບປະກັນສັນຕິພາບຢູ່ພາກພື້ນ ແລະ ຢູ່ໃນໂລກ.

ພາບປະກອບ

ທ່ານ Denis Rondepierre ໃຫ້ຮູ້ວ່າ: ທ້າຍເດືອນ ເມສາ 2018, ມີຄະນະຜູ້ແທນຂອງ ພັກກອມມູນິດ ຝລັ່ງ (PCF) ຈະມາຢ້ຽມຢາມ, ເຮັດວຽກຢູ່ ຫວຽດນາມ ເພື່ອແນໃສ່ແລກປ່ຽນດ້ານການເມືອງຢ່າງເລິກເຊິ່ງ ກ້ວາງຂວາງ ແລະ ກະກຽມ ຈັດກອງປະຊຸມສຳມະນາຫົວເລື່ອງສະເພາະ ຄັ້ງທີ 3 ລະຫວ່າງ PCF ແລະ ພັກກອມມູນິດ ຫວຽດນາມ, ຊຶ່ງຄາດວ່າ ຈະດຳເນີນຢູ່ ປາຣີ ໃນປີ 2019.

        ແລະ ກໍ່ເນື່ອງໂອກາດການຢ້ຽມຢາມ ຝລັ່ງ ຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ມີບົດຂຽນ “ແງ່ຫວັງອັນດີງາມຂອງການພົວພັນ ຫວຽດນາມ - ຝລັ່ງ” ລົງພິມໃນໜັງສືພິມ “Le Monde” ຂອງ ຝລັ່ງ.

        ບົດຂຽນໃຫ້ຮູ້ວ່າການພົວພັນ ຫວຽດນາມ - ຝລັ່ງ ໄດ້ພັດທະນາຢ່າງແຮງກ່ວາພາຍຫຼັງທີ່ ຫວຽດນາມ ເຂົ້າເປັນສະມາຊິກຂອງ ອາຊຽນ ໃນປີ 1995, ຂ້າມຜ່ານຂອບເຂດການພົວພັນ 2 ຝ່າຍ ແລະ ນອນໃນຂອບເຂດການພົວພັນລະຫວ່າງສະຫະພາບ ເອີລົບ ກັບ ຫວຽດນາມ ແລະ ນອນໃນນະໂຍບາຍຂອງ ຝລັ່ງ ສຳລັບ ອາຊີຕາເວັນອອກສ່ຽງໃຕ້.

      ບົດຂຽນຖືວ່າ ການເພີ່ມທະວີການພົວພັນຮ່ວມມື ຫວຽດນາມ - ຝລັ່ງ ໄດ້ກາຍເປັນຄວາມຮຽກຮ້ອງຕ້ອງການພາວະວິໄສ ແລະ ຈຳເປັນເພື່ອຜົນປະໂຫຍດຂອງທັງ 2 ປະເທດ.