ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ (ພາບ: daibieunhandan.vn)
ບັນດາຜູ້ມີສິດເລືອກຕັ້ງມີຄວາມປາດຖະໜາວ່າ ຈະເພີ່ມທະວີການແກ້ໄຂບັນດາການກະທຳສໍ້ລາດບັງຫຼວງ, ຜະລິດສິນຄ້າປອມ. ຄຽງຄູ່ກັນນັ້ນ, ຕ້ອງມີຂັ້ນຕອນທີ່ເໝາະສົມໃນການປະຕິບັດກົດໝາຍການສຶກສາ ສະບັບປັບປຸງ. ບັນດາຜູ້ມີສິດເລືອກຕັ້ງໄດ້ຊົມເຊີຍໝາກຜົນຂອງການຊັກຖາມບັນດາລັດຖະມົນຕີໃນວາລະປະຊຸມສະພາແຫ່ງຊາດທີ່ຜ່ານມາ, ພິເສດແມ່ນສະພາແຫ່ງຊາດຮັບຮອງເອົາກົດໝາຍວ່າດ້ວຍການປ້ອງກັນ ແລະ ຕ້ານເຫຼົ້າເບຍ.
ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໃຫ້ຮູ້ວ່າ ຄະນະປະຈຳສະພາແຫ່ງຊາດ ໄດ້ສະເໜີໃຫ້ລັດຖະບານຄົ້ນຄ້ວາການຫ້າມດື່ມເຫຼົ້າ ເບຍເມື່ອເຂົ້າຮ່ວມການສັນຈອນໄປມາ, ເພາະວ່າໃນໄລຍະທີ່ຜ່ານມາໄດ້ເກີດອຸບັດຕິເຫດທີ່ຮ້າຍແຮງຢ່າງ ຫຼວງຫຼາຍເຊິ່ງມີຜົນກະທົບເຖິງຊີວິດອັນຊີຂອງປະຊາຊົນ. ທ່ານນາງປະທານສະພາແຫ່ງຊາດກໍ່ແບ່ງປັນກັບຜູ້ມີສິດເລືອກຕັ້ງກ່ຽວກັບບັນດາສິ່ງຫຍໍ້ທໍ້ໃນຂະແໜງການສຶກສາ.
ໂດຍປະຕິບັດຕາມລາຍການໃນການພົບປະຜູ້ມີສິດເລືອກຕັ້ງ ພາຍຫຼັງກອງປະຊຸມສະໄໝສາມັນຄັ້ງທີ 7 ຂອງ ສະພາແຫ່ງຊາດ ຊຸດທີ 14, ໃນວັນທີ 17 ມິຖຸນາ, ທ່ານ ເຈີ່ນ ກວັກ ເວືອງ, ກຳມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກ, ໄດ້ລົງ ພົບປະກັບຜູ້ມີສິດເລືອກຕັ້ງ ໃນ 5 ບ້ານ ຂອງເມືອງ ວັນອຽນ, ແຂວງ ອຽນບ໊າຍ.
ກໍ່ໃນວັນດຽວກັນ, ກ່າວຄຳເຫັນໃນການພົບປະກັບຜູ້ມີສິດເລືອກຕັ້ງ ຢູ່ເທດສະບານ ແທັງອານ, ເມືອງວິງແທັງ, ນະຄອນ ເກິ່ນເທີ, ທ່ານປະທານ ຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທັງເມິນ ໃຫ້ຮູ້ວ່າ ປັດຈຸບັນ, ການປ່ຽນແປງຂອງ ດິນຟ້າອາກາດ ກຳລັງມີຜົນກະທົບຢ່າງຕໍ່ເນື່ອງເຖິງບັນດາແຂວງ, ນະຄອນໃນເຂດ ທົ່ງພຽງແມ່ນ້ຳຂອງທາງພາກໃຕ້ຫວຽດນາມ, ທ່ານສະເໜີ ໃຫ້ນະຄອນເກິ່ນເທີ ມີບັນດາມາດຕະການເພື່ອຫຼຸດຜ່ອນດິນເຊາະເຈື່ອນ, ບູລະນະສ້ອມແປງທາງເພື່ອໃຫ້ປະຊາຊົນສັນຈອນ ໄປ,ມາຢ່າງສະດວກສະບາຍ.
(ແຫຼ່ງຄັດຈາກ VOV)
