ໃນສະພາບໂລກລະບາດໂຄວິດ-19 ມີການຜັນແປຢ່າງສັບສົນນັ້ນ, ຫຼາຍທ້ອງຖິ່ນໄດ້ສ້າງບັນດາແຜນການລະອຽດ ເພື່ອຮັບປະກັນແຫຼງສະໜອງສິນຄ້າທີ່ຈຳເປັນ ເພື່ອຮັບມືກັບໂລກລະບາດໂຄວິດ-19 ໃນທຸກສະພາບການ.
ພະແນກອຸດສາຫະກຳ ແລະ ການຄ້າແຂວງ ວິ້ງຟຸກ ໄດ້ເຮັດວຽກກັບບັນດາຕະຫຼາດ, ຮ້ານສັບພະສິນຄ້າໃນບໍລິເວນແຂວງກ່ຽວກັບວຽກງານຮັບປະກັນສິນຄ້າ. ປະຈຸບັນ, ບັນດາຫົວໜ່ວຍໄດ້ໃຫ້ຄຳໝັ້ນສັນຍາສະໜອງສິນຄ້າຢ່າງພຽງພໍ ໃຫ້ແກ່ຄວາມຕ້ອງການບໍລິໂພກຂອງປະຊາຊົນ ຕໍ່ໜ້າສະພາບຜັນແປໃໝ່ຂອງໂລກລະບາດ.
ຢູ່ນະຄອນ ໂຮ່ຈີມິນ, ສະພາບສິນຄ້າເປັນປົກກະຕິ, ແຫຼ່ງສະໜອງສິນຄ້າເຫຼືອລົ້ນ, ລາຄາບໍ່ມີການເໜັງຕິງ. ພະແນກອຸດສາຫະກຳ ແລະ ການຄ້ານະຄອນໂຮ່ຈີມິນ ສະເໜີໃຫ້ບັນດາຫົວໜ່ວຍ ຈົ່ງຮີບຮັ່ງບັນດາການເຄື່ອນໄຫວຫຼຸດຜ່ອນຜົນກະທົບຂອງໂລກລະບາດໂຄວິດ-19, ໃນນັ້ນຮຽກຮ້ອງຕ້ອງຮັບປະກັນສິນຄ້າທຸກປະເພດຢ່າງຄົບຖ້ວນຄື: ນ້ຳມັນ, ທັນຍາຫານ, ສະບຽນອາຫານທີ່ຈຳເປັນ, ຜ້າອັດປາກ-ອັດດັງ, ຢາຂ້າເຊື້ອ…
ສ່ວນຢູ່ຮ່າໂນ້ຍ, ພະແນກອຸດສາຫະກຳ ແລະ ການຄ້ານະຄອນຮ່າໂນ້ຍ ໄດ້ສ້າງຕັ້ງຄະນະກວດກາສະພາບການສະໜອງ ແລະ ຈຳໜ່າຍສິນຄ້າໃນບໍລິເວນ. ປະຈຸບັນ, ຮ່າໂນ້ຍ ໄດ້ກະກຽມສິນຄ້າ 17 ປະເພດ ດ້ວຍມູນຄ່າ 194.000 ຕື້ດົ່ງ ເພື່ອຮັບປະກັນແຫຼ່ງສະໜອງສິນຄ້າ, ຮັບໃຊ້ປະຊາຊົນເພື່ອການປ້ອງກັນ, ຕ້ານໂລກລະບາດໃນລະດັບສູງສຸດ. ສ່ວນບັນດາຮ້ານຊັບພະສິນຄ້າ ໄດ້ເປັນເຈົ້າການເພີ່ມຈຳນວນສິນຄ້າສະສົມໄວຂຶ້ນແຕ່ 30-50%.
