ກອງປະຊຸມສົນທະນາດ້ານປ້ອງກັນຊາດ ຂັ້ນຮອງລັດຖະມົນຕີ ຫວຽດນາມ - ສ.ເກົາຫຼີ ຄັ້ງທີ 7 (ພາບ: VOV)
ທ່ານພົນໂທ ບຸ່ຍວັນນາມ, ຮອງລັດຖະມົນຕີກະຊວງຕໍາຫຼວດຫວຽດນາມ ແລະ ທ່ານ Choi Yong Hwan ຮອງຜູ້ອໍານວຍການທີ 1 ອົງການສືບລາຊະການລັບ ແຫ່ງຊາດ ສ.ເກົາຫຼີ ເປັນປະທານກອງປະຊຸມ.
ນະທີ່ນີ້, ສອງຝ່າຍໄດ້ເຫັນດີ ຈະເປີດກວ້າງຮູບແບບ, ເນື້ອໃນ ແລະ ລວງເລິກຂອງຂໍ້ມູນຂ່າວສານທີ່ນໍາມາປຶກສາຫາລືກ່ຽວກັບສະພາບຄວາມໝັ້ນຄົງພາຍໃນພາກພື້ນ ແລະ ຄວາມສະຫງົບຂອງແຕ່ລະປະເທດ, ຮັບໃຊ້ໃຫ້ແກ່ວຽງານແຈ້ງເຕືອນປ້ອງກັນຈາກທາງໄກ, ວາງກໍານົດນະໂຍບາຍ ຮັບປະກັນຄວາມສະຫງົບປອດໄພຂອງແຕ່ລະປະເທດ; ສົມທົບກັນປ້ອງກັນຄວາມສະຫງົບ, ປອດໄພໃຫ້ແກ່ຄະນະຜູ້ແທນສອງປະເທດ, ກອງປະຊຸມ, ເຫດການສາກົນທີ່ສໍາຄັນທີ່ດໍາເນີນຢູ່ແຕ່ລະປະເທດ; ຮັບປະກັນຄວາມສະຫງົບປອດໄພ ແລະ ສິດຜົນປະໂຫຍດອັນຊອບທໍາຂອງພົນລະເມືອງປະເທດເພື່ອນມິດທີ່ມາເຮັດວຽກ, ສຶກສາຮໍ່າຮຽນ ແລະ ດໍາລົງຊີວິດຢູ່ປະເທດຂອງຕົນ. ສອງຝ່າຍກໍເຫັນດີເພີ່ມທະວີການແລກປ່ຽນບົດຮຽນປະສົບການ, ຈັດສົ່ງນັກຊ່ຽວຊານ, ການໜູນຊ່ວຍທາງດ້ານອຸປະກອນ, ບໍາລງຸສ້າງພະນັກງານ ປະຕິບັດວຽກງານຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ.
(ແຫຼ່ງຄັດຈາກ VOV)
