• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງປະຊຸມສຳມະນາວິທະຍາສາດສາກົນກ່ຽວກັບ ທະເລຕາເວັນອອກ ຄັ້ງທີ 10: ຮ່ວມມືເພື່ອຄວາມໝັ້ນຄົງ ແລະ ການພັດທະນາ

ວັນທີ 8 ພະຈິກ, ທີ່ນະຄອນດາໜັງ, ສະຖາບັນການຕ່າງປະເທດ, ກອງທຶນໜູນຊ່ວຍການຄົ້ນຄວ້າ ທະເລຕາເວັນອອກ, ສະມາຄົມທະນາຍຄວາມ ຫວຽດນາມ ໄດ້ສົມທົບກັນຈັດຕັ້ງກອງປະຊຸມສຳມະນາ ວິທະຍາສາດສາກົນ ທະເລຕາເວັນອອກ ຄັ້ງທີ 10 ດ້ວຍຫົວຂໍ້ ຮ່ວມມືເພື່ອຄວາມໝັ້ນຄົງ ແລະ ການພັດທະນາພາກພື້ນ. 
 
ກອງປະຊຸມສຳມະນາວິທະຍາສາດສາກົນກ່ຽວກັບ ທະເລຕາເວັນອອກ ຄັ້ງທີ 10 (ພາບ: qdnd.vn)

ເຂົ້າຮ່ວມກອງປະຊຸມສຳມະນາ ມີບັນດານັກຊ່ຽວຊານ, ນັກຄົ້ນຄວ້າ, ບັນດາເຈົ້າໜ້າທີ່ການທູດທັງຢູ່ພາຍໃນ ແລະ ຕ່າງປະເທດ.

ກອງປະຊຸມສຳມະນາ ໄດ້ແບ່ງອອກເປັນ 8 ວາລະ ຕາມບັນດາຫົວຂໍ້ຄື: ທະເລຕາເວັນອອກ: ຈຸດໃຈກາງຂອງພາກພື້ນ ມະຫາສະໝຸດອິນເດຍ - ອາຊີ - ປາຊິຟິກ; ເຫດການຢູ່ ທະເລຕາເວັນອອກ: 10 ປີເບິ່ງຄືນຫຼັງ; ຫຼັກໜັ້ນ ແລະ ການຮຽກສິດຂອງແຕ່ລະຝ່າຍ: ສືບຕໍ່ ແລະ ປັບປຸງ; ບັນດາປະເທດໃຫຍ່: ກ່ຽວພັນ ຫຼື ບໍ່ກ່ຽວພັນ?; ສ້າງຕັ້ງກອງກຳລັງຢູ່ທະເລຕາເວັນອອກ; ສ້າງຄວາມເຊື່ອໝັ້ນ, ການທູດປ້ອງກັນເຫດ ແລະ ແກ້ໄຂຂໍ້ຂັດແຍ່ງ; ບັນດາປັດໄຈໃໝ່ອາດຈະສ້າງຄວາມຂາດສະຖຽນລະພາບຢູ່ທະເລຕາເວັນອອກ; ຄວາມເປັນລະບຽບຮຽບຮ້ອຍ: ສະຫຼຸບໃນອະດີດຕະການ ແລະ ກຳນົດທິດໃຫ້ແກ່ອະນາຄົດ.

ທີ່ພິທີເປີດກອງປະຊຸມ, ທ່ານ ຮສຈ.ປອ ຫງວຽນຫວູຕຸ່ງ, ຫົວໜ້າສະຖາບັນການຕ່າງປະເທດ ຫວຽດນາມ, ຖືວ່າບັນຫາທະເລຕາເວັນອອກ ເປັນຫົວຂໍ້ຫຼັກຂອງບັນດາປະເທດ ໃນການວາງແຜນກຳນົດນະໂຍບາຍ.

“ດ້ວຍຖານະເປັນນັກຊ່ຽວຊານ ອາດຈະຕັ້ງໜ້າວາງອອກບັນດາຂໍ້ສະເໜີແນະທີ່ເໝາະສົມ ຊ່ວຍລັດຖະບານ ບັນດາປະເທດກ່ຽວຂ້ອງ ສົມທົບກັນກະທຳ, ປັບປຸງສະພາບແວດລ້ອມດ້ານຄວາມໝັ້ນຄົງ ພັດທະນາລວມ, ໂດຍສະເພາະແມ່ນ ສືບຕໍ່ສະເໜີບັນດາມາດຕະການກໍ່ສ້າງ, ປັບປຸງ ແລະ ໝູນໃຊ້ບັນດາກົນໄກຄວາມໝັ້ນຄົງຂອງພາກພື້ນໃນການຄວບຄຸມການຂັດແຍ່ງ ແລະ ແກ້ໄຂບັນດາບັນຫາສັບສົນຢູ່ທະເລຕາເວັນອອກໂດຍສັນຕິວິທີ”.

ທີ່ບັນດາວາລະປຶກສາຫາລື, ນັກຊ່ຽວຊານ, ນັກຄົ້ນຄວ້າ ຈະສຸມໃສ່ວິເຄາະບັນດາການວາງແຜນຍຸດທະສາດ ຫຼື ທ່າອ່ຽງຢູ່ພາກພື້ນທະເລຕາເວັນອອກ, ສະເໜີບາງວິທີການແກ້ໄຂໃນໄລຍະທີ່ຈະມາເຖິງ; ຈາກນັ້ນມຸ່ງໄປສູ່ສະພາບແວດລ້ອມທີ່ຮັບປະກັນຄວາມໝັ້ນຄົງ ເພື່ອຮ່ວມກັນພັດທະນາຢ່າງແຂງແຮງໃນພາກພື້ນ.

(ແຫຼ່ງຄັດຈາກ VOV)


ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ສອງ​ຝ່າຍ​ຢັ້ງ​ຢືນ​ສືບ​ຕໍ່​ປະ​ສານ​ສົມ​ທົບ​ຢ່າງ​ແໜ້ນ​ແຟ້ນ, ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນ​ຢູ່ AIPA, ສະ​ຫະ​ພັນ ລັດ​ຖະ​ສະ​ພາ ໂລກ (IPU), ເວ​ທີ​ປາ​ໄສ​ລັດ​ຖະ​ສະ​ພາ​ອາ​ຊີ - ປາ​ຊີ​ຟິກ (APPF) ແລະ ສະ​ພາ​ລະ​ຫວ່າງ​ລັດ​ຖະ​ສະ​ພາ​ຝ​ລັ່ງ​ໂກ​ໂຟ​ນີ (APF).

Top